लाल्या म्हणतात मला, ह्या रंगभूमीचा लांडगा एकच आणि तो मीच…टाळ्या

लाल्या म्हणतात मला, ह्या रंगभूमीचा लांडगा एकच आणि तो मीच…टाळ्या

आज पहिल्यांदाच असे घडले तेही मराठी चित्रपटाच्याबाबतीत. चित्रपटाचा शेवट आणि प्रेक्षकांच्या टाळ्या असे फक्त रंगभूमिवर होते ते आज मराठी चित्रपटासाठी झाले. त्या गोष्टीला मी ही साक्षीदार होते ह्याचं मला कौतुक वाटते.

अप्रतिम, अफलातून, कडक याचे वर्णन करण्यासाठी विशेषणंही तोकडी पडतात. असे हे व्यक्तिमत्व मराठी रंगभूमीचा पहिला आणि अखेरचा सुपरस्टार डॉ काशीनाथ घाणेकर. चित्रपटाच्या ट्रेलरने जशी उत्सुकता वाढवली होती अगदी तशीच चित्रपटाने कायम ठेवली आहे. आणि डॉ काशिनाथ घाणेकर हा चित्रपट एकदम कडक. आणि डॉ. काशिनाथ घाणेकर हा कांचन घाणेकरांच्या ‘नाथ हा माझा’ या कादंबरीवर आधारित आहे. उत्कृष्ठ कलाकारांची निवड व त्यात योग्य असे लेखन, दिग्दर्शन याचा सुरेख मेळ प्रेक्षकांना या चित्रपटात पाहायला मिळतो. डॉ काशिनाथ घाणेकर यांच्या भूमिकेत सुबोध भावे अगदी खुलून दिसतो. डॉ इरावती घाणेकर यांच्या व्यक्तिरेखा अगदी मोजक्या सीन्समधुन नंदिता पाटकरने हुबेहुब वठवली आहे. कांचन घाणेकर ही व्यक्तिरेखा वैदेही परशुरामी हीने खूपच छान वठवली आहे.

 

READ ALSO : कल्याणी लवकरच घेऊन येत आहे मीनाक्षीची कथा…

आनंद इंगळे यात आहेत वसंत कानेटकर, आनंदची भूमिका फार कालावधीसाठी नसली तरी भाव खाऊन गेली. वसंत कानेटकर हुबेहुब डोळ्यासमोर उभे राहतात. थोड्या कालावधीत सुमित राघवनने डॉ श्रीराम लागु यांना प्रेक्षकांना समोर आणले आणि त्यांचा अजरामर झालेला मराठी चित्रपट ‘पिंजरा’ तिल गाण्याने व जेष्ठ अभिनेत्री संध्या काही क्षणांच्या अभिनयाने चित्रपटाचा बाज वाढवला आहे. अमृता खानविलकर नसुन संध्याजी आहेत असे वाटते. जेष्ठ दिवंगत अभिनेते प्रभाकर पणशीकर यांची व्यक्तिरेखा प्रसादने पूर्ण ताकदीने साकारली आहे. चित्रपटात प्रभाकर पणशीकर आणि डॉ काशिनाथ घाणेकर यांची मैत्री म्हणजे दोस्त असावा तर असा. सूबोध भावेच्या अभिनयाला तर बिलकुल तोड नाही. सुबोधने डॉ काशिनाथ घाणेकर साकारताना घेतलेली मेहनत दिसून येते. चित्रपटात जरी प्रमुख भूमिकेत सुबोध भावे असला तरी चित्रपट सुबोधमय नसुन डॉ काशिनाथ घाणेकरमय झाला आहे. अभिनयाच्या वेडाने झपाटलेल्या अभिनेत्याची ओळख रसिक प्रेक्षकांना होते. ती ओळख सुबोधने योग्यरित्या करून दिली आहे.

चित्रपटलेखक, दिग्दर्शक अभिजीत देशपांडेंनी चित्रपट चित्रित करतांना कोणतीही व्यक्तिरेखा अति किंवा कमी अशी दाखवली नाही. त्यामुळे चित्रपटाचा समतोल कायम राहतो. या दिवाळीतील अप्रतिम मेजवानी दिग्दर्शकाने प्रेक्षकांना दिली आहे. डॉ काशिनाथ घाणेकर जर मुख्य भोजन असेल तर इतर पात्रांनी त्यात गोडी वाढवायची कामगिरी केली आहे. भालजी पेंढारकर, सुलोचना दीदी, मास्टर दत्ताराम, या सर्व व्यक्तिरेखा पुन्हा एकदा आपल्या डोळ्यासमोर उभ्या राहिल्या आहेत. आणि याचे सर्व श्रेय जाते ते दिग्दर्शकाला. आणि डॉ काशिनाथ घाणेकर एक अप्रतिम कलाकृती आहे. अशी की जिचा आस्वाद हा ज्याचा त्याने, जेव्हाचा तेव्हाच घेणे आवश्यक आहे. मराठी चित्रपट प्रेक्षकांसाठी एक उत्कृष्ट चटकदार मेजवानी आहे.

चित्रपटातील योग्य संगीत व उत्तम छायाचित्रण याच्यामुळे हा चित्रपट 1970 चा काळ योग्य पद्धतीने पडद्यावर उतरवू शकले आहे. एकूणच तांत्रिकदृष्ट्या चित्रपट अप्रतिम आहे. हा चित्रपट प्रेक्षकांनी एकदा तरी नक्की नक्की पहावा कारण चित्रपट कसा आहे? एकदम कडक…

फिल्मीभोंगा मराठीकडून आणि डॉ काशिनाथ घाणेकर या चित्रपटाला मिळतात एकदम कडक 5 पैकी 5 स्टार

अमोल कागणे करतोय ‘बाप्पा मोरया’चा जयघोष

अमोल कागणे करतोय ‘बाप्पा मोरया’चा जयघोष

अमोल कागणे आणि प्रदीप पंडित कालेलकर म्हणतात ,'बाप्पा मोरया' अभिनय आणि निर्मितीमूल्यांचा अचूक जाणकार असलेला अमोल कागणे हा तरुण नेहमीच मनोरंजनक्षेत्रात काहीना काही तरी वेगळेपणा आणण्यासाठी धडपडत असतो. नाटक आणि चित्रपटांच्या माध्यमातून आत्तापर्यंत अमोलने अनेक सामाजिक...

वैदर्भीय टॅलेंट जगासमोर आणायचंय – दिग्दर्शक प्रीतम पाटील

वैदर्भीय टॅलेंट जगासमोर आणायचंय – दिग्दर्शक प्रीतम पाटील

'खिचिक'च्या निमित्ताने प्रितमसोबत केलेली ही खास बातचीत... विदर्भातल्या यवतमाळ या छोट्याशा जिल्हयातुन आपलं नशीब आजमावायला आलेला प्रितम मराठी मनोरंजनसृष्टीसाठी नवसंजीवनी देणारं टॅलेंटच म्हटलं पाहिजे. पेशाने सॉफ्टवेअर इंजिनिअर असणारा प्रितम खरंतर यूपीएससीची परीक्षा...

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

पळशीची पीटी' मधून दिसणार गुरु शिष्यांचा अनोखा मिलाप'लागीरं झालं जी' फेम शीतलीच्या काकाची भूमिका निभावणारे धोंडिबा बाळू कारंडे हे नाव सध्या चर्चेत आहे ते म्हणजे 'पळशीची पीटी' या चित्रपटामुळे. येत्या २३ ऑगस्टला महाराष्ट्रात सर्वत्र प्रदर्शित होणारा 'पळशीची पीटी' हा...

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

About The Author