मानवी भावविश्वाचा पैलू उलगडणारा ‘आरॉन’ चा ट्रेलर पाहिला का..?

मानवी भावविश्वाचा पैलू उलगडणारा ‘अॅरोन’ चा ट्रेलर पाहिला का..?

कोकणातलं सुंदर निसर्गरम्य गाव. त्या गावात जन्मापासून वयाच्या पंधराव्या वर्षांपर्यंत केलेलं वास्तव्य. सरळ साधी माणसं आणि सरळ साधे राहणीमान. तिथल्याच एका आरॉन नावाच्या मुलाची गोष्ट असलेला ‘आरॉन’ नावाचाच, येऊ घातलेला एक नवीन मराठी सिनेमा. त्याचा ट्रेलर पाहताक्षणीच कळते की हा नात्यांचे नाजूक बंध गुंफणारा किंवा सोडवणारा सिनेमा असणार.

ज्या मुलाने लहानपणापासून आईविना आयुष्य घालवले आहे त्याच्या मनात ‘आई’ ह्या नात्याविषयी कोणत्या कल्पना असतील..? हे नाते त्या मुलाला किती आपलेसे वाटत असेल किंवा त्याला ह्या नात्याविषयी कोणतीच उत्सुकता नसेल का..? अशा मुलाचे भावविश्व ह्या चित्रपटात उलगडले जाणार असावे. 

लहानपणापासून कोकणात वाढल्याने तिथले जीवन नसानसात भिनले असताना साता समुद्रापालिकडे असलेल्या आईला भेटायची संधी मिळाल्यावर आरॉनचा प्रवास आणि त्याची आईला भेटण्याची उत्सुकता आपल्याला नक्कीच पाहायला मिळेल. त्याचबरोबर यशोदे प्रमाणेच (कृष्णाची जन्मदात्री नसलेली पण) आरॉनचा आपल्या मुलाप्रमाणे सांभाळ करणारी एक स्त्री व्यक्तिरेखा देखील आपल्याला ह्या ट्रेलर मध्ये दिसते. 

 

READ ALSO : शुक्रवारची फिल्मी मज्जा

पोटचा मुलगा नसला तरी इतकी वर्ष प्रेमाने संभाळल्यावर त्या मुलाला, परतीची काहीही अपेक्षाही न ठेवता, त्याच्या खऱ्या आईकडे लांब पाठवून द्यायचे. पण तो कुठे पोचला किंवा कसा असेल ह्याचीच चिंता लागलेल्या आईची भूमिका नेहा जोशी ही अभिनेत्री खूप छान साकारेल ह्यात वादच नाही.

आरॉनचे लहानपण, त्याचे नवतारुण्य, त्याचे मित्र आणि त्याची ‘हिरवळ’ हे बाकी मजेशीर असणार. अगदी आपल्याला आपल्या लहानपणाची आठवण करून देणारं..!

आरॉनला त्याच्या खऱ्या आईशी भेटायला नेणारा त्याचा काका म्हणजेच शशांक केतकर आणि त्या दोघांचा कोकण ते परदेश असा सगळा प्रवास खूप सुंदर असेल असे वाटते. त्यात त्या दोघांची जमलेली गट्टी आणि त्यातून फुललेलं त्यांचं नातं नक्कीच बघण्यासारखे असणार. 

परदेशातल्या आईला आरॉन आपली मानेल की ज्या मातेने स्वतःच मूल समजून आरोनला लहानच मोठं केलं, त्याला खूप माया लावली तिच्याकडेच तो परत येईल हे पाहण्यासारखे असेल. कारण ज्या व्यक्तीचं अस्तित्वच आयुष्यात नसेल तर त्या व्यक्तीबद्दल अचानक ममत्व प्राप्त होणं अवघडच, नाही का? 

असो, शेवटी आरॉन त्याच्या आईला भेटतो का ? किंवा त्याच्या आईला भेटून त्याला सर्वस्व मिळाल्याचा आनंद होतो का? रक्ताच्या नातं मोठं की प्रेमाचं नातं मोठं हे सगळं मात्र सिनेमा पाहिल्यावरच कळेल..! 

बाकी कोकणाचा असो किंवा परदेशातला, सुंदर निसर्ग ह्या सिनेमात आपल्याला भरभरून पाहायला मिळणार आहे. जेव्हा अश्या ठिकाणी शूटिंग होते तेव्हा हे अप्रतिम निसर्गसौंदर्य आपण दुर्लक्षित करूच शकत नाही. गोड माणसे, भावभावना आणि निसर्ग ह्याची कशी सांगड घातलेली आहे हे पाहण्यासाठी आरॉन हा चित्रपट पाहावाच लागेल.. तूर्तास ट्रेलर तरी पाहून घ्या..!!

अमोल कागणे आणि प्रतिक्षा मुणगेकरची जमली जोडी

अमोल कागणे आणि प्रतिक्षा मुणगेकरची जमली जोडी

अमोल कागणे आणि प्रतिक्षाची मुणगेकरची जमली जोडी 'कियारा' हे नाव सध्या घराघरांत ऐकू येतंय. महिलावर्गातून बऱ्याचदा निंदा-नालस्तीची बळी ठरणारी ही व्यक्तिरेखा आहे 'घाडगे आणि सून' या मालिकेमधील. कियारा उर्फ *प्रतीक्षा मुणगेकरचा* करिअर ग्राफ उंचावणारी ही भूमिका सध्या प्रचंड...

दिमाखदार सोहळ्यात ‘६६ सदाशिव’चे  पोस्टर, टीजर आणि म्युझिक लाँच

दिमाखदार सोहळ्यात ‘६६ सदाशिव’चे पोस्टर, टीजर आणि म्युझिक लाँच

दिमाखदार सोहळ्यात ‘६६ सदाशिव’चे पोस्टर, टीजर आणि म्युझिक लाँच एक मुलगा सामान्य आवाजात वाचतोय ‘पावसाची रिपरिप चालू आहे’, मध्येच त्याला अडवत एक व्यक्ती ‘अरे सेकंड सेमिस्टर नां’, मुलगा – येस सर, मग ती व्यक्ती ‘आवाज वाढवून बोल’, पुढे तो मुलगा एकदम खड्या आवाजात ‘पावसात...

मोहन जोशी  दिसणार ईरसाल पुणेकराच्या भूमिकेत

मोहन जोशी दिसणार ईरसाल पुणेकराच्या भूमिकेत

मोहन जोशी दिसणार ईरसाल पुणेकराच्या भूमिकेत ’६६ सदाशिव’ चित्रपटाचे पोस्टर सोशल मीडियावर प्रदर्शित विद्येची देवता ही श्री गणरायांची ओळख आहे. श्रींच्या १४ विद्या आणि ६४ कलांबद्दल आपल्याला माहित आहे, अलीकडच्या काळात जाहिरात ही ६५ वी कला म्हणून नावारूपाला आलेली आहे. आता...

बहुचर्चित ‘बाबो’चा फर्स्ट लुक प्रदर्शित

बहुचर्चित ‘बाबो’चा फर्स्ट लुक प्रदर्शित

नमुनेदार ‘बाबो’ ३१ मे रोजी प्रेक्षकांच्या भेटीला यंदा उन्हाळ्याच्या सुट्ट्यांमध्ये मराठी प्रेक्षकांना एका रंगतदार सिनेमाची मेजवानी मिळणार आहे. मल्हार फिल्मस् क्रिएशन निर्मित 'बाबो' हा चित्रपट प्रेक्षकांच्या भेटीस येत आहे. ‘इरसाल नमुन्यांनी भरलंय गाव, खुळचट गोष्टींना...

शीतल अहिरराव सांगतेय कहाणी थेंबाची… ‘H2O’

शीतल अहिरराव सांगतेय कहाणी थेंबाची… ‘H2O’

'H2O कहाणी थेंबाची'मधून शीतल अहिरराव करणार जनजागृती'वॉक तुरु तुरु', ल'ई भारी पोरी', 'इश्काचा किडा', 'हंगामा', 'दिवाणा तुझा' या म्युझिक अल्बम्समधून शिवाय 'जलसा', 'मोल यांसारख्या चित्रपटांतून दिसणारा प्रॉमिसिंग चेहेरा म्हणजेच शीतल अहिरराव. मराठी चित्रपटसृष्टीत चमकू...

About The Author