बाजीराव पेशवे बल्लाळ ह्यांच्या महानाट्याचा रोमांच अनुभवण्यास तयार राहा.

रसिकहो मराठा साम्राज्याचा अटकेपार झेंडा फडकवणारे बाजीराव पेशवे बल्लाळ ह्यांच्या महानाट्याचा रोमांच अनुभवण्यास तयार राहा.

छत्रपती शिवाजी महाराजांच्या मराठा साम्राज्याचे सेवक, अजिंक्य, अजेय अशा तडफदार व्यक्तिमत्वाचे, स्वराज्याचे पेशवे बाजीराव बल्लाळ ह्यांचे युग लवकरच अवतरणार एका भव्यदिव्य महानाट्यातून. दक्खन पासून ते आत्ताच्या पाकिस्तानात असलेल्या अटक ह्या गावापर्यंत मराठा साम्राज्याचा विस्तार ज्यांनी केला ते बाजीराव पेशवे. वयाच्या चाळीस वर्षात चव्वेचाळीस युद्ध जिंकणाऱ्या बाजीरावांचा इतिहास पुन्हा जिवंत होणार आहे..! छत्रपती शिवाजी महाराज आणि शंभू राजे ह्या दोघांवरची महानाट्य या आधी रसिकांनी अनुभवलीच आहेत. त्यामुळे ते किती भव्यदिव्य असते ह्याची कल्पना सगळयानाच असणार. ह्या नाटकाची प्रमुख भूमिका गश्मीर महाजनी करणार आहे.  म्हणजे बाजीरावांच्या ऐतिहासिक भूमिकेत गश्मीरला पहिल्यांदाच काम करण्याची संधी मिळणार आहे. त्यातून समोर सगळा लाईव्ह ऑडियन्स म्हणजे ह्या महानाट्याची आगळी वेगळी झिंग गश्मीरला अनुभवायला मिळेल. 

 

READ ALSO :  १७ रात्रीत शूट केलेला सत्यपरिस्थितीवर आधारलेला, एक थरार चित्रपट.

श्रीमंत बाजीराव पेशवे ह्यांचा इतिहास आधी बॉलीवूड च्या ‘बाजीराव मस्तानी’ ह्या सिनेमातून दाखवण्यात आला होता. पण त्यात बाजीरावांना फक्त मस्तानीबाईंचे प्रियकर इतकेच संकुचित केले होते. त्यांचे शौर्य, त्यांनी लढलेल्या लढाया आणि चाणाक्षतेने अटके पार नेलेले साम्राज्य ह्याचा लवलेशही नव्हता. एखाद्या बॉलिवूड लव्ह स्टोरी प्रमाणेच तो चित्रपट बनवला गेला होता. परंतु ह्या महानाट्यामधून बाजीरावांचा खरा इतिहास लोकांपर्यंत पोहचवला जावं म्हणून खास मेहनत घेतली गेली आहे. ह्याचे दिग्दर्शक वरुणा मदनलाल राणा आणि लेखक प्रताप गंगावणे ह्यांनी तब्बल दोन वर्षे ह्या इतिहासावर काम केले आणि नाटकाची संहिता लिहून काढली. महानाट्य म्हटल्यावर १०० एक फुटांचा भव्यदिव्य रंगमंच आणि अप्रतिम नेपथ्य ह्यावर खास काम करणे गरजेचे होते. कलादिग्दर्शक आबीद शेख ह्यांच्या कडे नेपथ्याची धुरा सांभाळायला दिलेली आहे. ह्या नाटकास पेशवाई थाटाची किनार असेलच. नाटकातील सगळया पात्रांसाठी उंची वस्त्रे, अलंकार आणि युद्धास लागणारे घोडे, अस्त्रे या सगळ्यांची तयारी जोरदार सुरू आहे. 

अतिभव्य अशा नाटकात मुख्य कलाकारांसोबत जवळपास १३० कलाकारांची भूमिकाही असेतील. नाटकाचे संगीत हे आदी रामचंद्र ह्यांचे असून वैशाली माडे, अवधूत गुप्ते, नंदेश उमप, आदी रामचंद्र आणि आदर्श शिंदे असे उत्तम गायक ही महानाट्याची जमेची बाजू म्हणावी लागेल.. ह्या नाट्याला ‘अजिंक्य योद्धा’ ह्या पेक्षा कोणतेच नाव चपखल असू शकत नाही. ह्याचा शुभारंभ लवकरच म्हणजे १८ व १९ जानेवारीला सायंकाळी ७ वाजता अंधेरीच्या होली फॅमिली शाळेच्या पटांगणात होणार आहे. तर मंडळी ह्या डोळ्याचे पारणे फेडणाऱ्या महानाट्याचा अनुभव नक्की घ्या आणि तुमचे अनुभव आमच्याबरोबर शेअर करायला विसरू नका..!! 

अमोल कागणे करतोय ‘बाप्पा मोरया’चा जयघोष

अमोल कागणे करतोय ‘बाप्पा मोरया’चा जयघोष

अमोल कागणे आणि प्रदीप पंडित कालेलकर म्हणतात ,'बाप्पा मोरया' अभिनय आणि निर्मितीमूल्यांचा अचूक जाणकार असलेला अमोल कागणे हा तरुण नेहमीच मनोरंजनक्षेत्रात काहीना काही तरी वेगळेपणा आणण्यासाठी धडपडत असतो. नाटक आणि चित्रपटांच्या माध्यमातून आत्तापर्यंत अमोलने अनेक सामाजिक...

वैदर्भीय टॅलेंट जगासमोर आणायचंय – दिग्दर्शक प्रीतम पाटील

वैदर्भीय टॅलेंट जगासमोर आणायचंय – दिग्दर्शक प्रीतम पाटील

'खिचिक'च्या निमित्ताने प्रितमसोबत केलेली ही खास बातचीत... विदर्भातल्या यवतमाळ या छोट्याशा जिल्हयातुन आपलं नशीब आजमावायला आलेला प्रितम मराठी मनोरंजनसृष्टीसाठी नवसंजीवनी देणारं टॅलेंटच म्हटलं पाहिजे. पेशाने सॉफ्टवेअर इंजिनिअर असणारा प्रितम खरंतर यूपीएससीची परीक्षा...

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

पळशीची पीटी' मधून दिसणार गुरु शिष्यांचा अनोखा मिलाप'लागीरं झालं जी' फेम शीतलीच्या काकाची भूमिका निभावणारे धोंडिबा बाळू कारंडे हे नाव सध्या चर्चेत आहे ते म्हणजे 'पळशीची पीटी' या चित्रपटामुळे. येत्या २३ ऑगस्टला महाराष्ट्रात सर्वत्र प्रदर्शित होणारा 'पळशीची पीटी' हा...

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

About The Author