अमिताभ बच्चन आणि एस. टी. बस मधून प्रवास? कधी शक्य आहे का..??

महानायक “अमिताभ बच्चन” आणि एस. टी. बस मधून प्रवास? कधी शक्य आहे का..??. पण शूटिंग करताना वाट्टेल ते.

बहुतेक आज मोठे आणि दिग्गज म्हणून ओळखले जाणारे बॉलिवूड कलाकार खूप मोठं स्ट्रगल करूनच मोठे झालेत असा त्यांचा इतिहास सांगतो. कोणी टेम्पररी नोकरी करत, होता, तर कोणी महिलांची कुंडांची कानातली आभूषणं रस्त्यावर उभा राहून विकत होता, तर कोणी हॉटेल मध्ये नोकरी करत होता, तर कोणी क्लार्कची नोकरी करत होता, असे अनेक किस्से आपण मोठ्या कलाकारांच्या बाबतीत ऐकले आहेत. त्यावेळी सगळ्यांचीच आर्थिक परिस्थिती गंभीर होती, कोणी नशीब अजमावायला मुंबईत आला आणि मुंबईकर झाला, कोणाच्या खिशात ३०रुपये होते आणि तो घर सोडून आला, तर कोणी १०० रुपये घेऊन मुंबईत हीरो बनायला आला. कोणाला स्वप्नात सुद्धा हीरो बनू असं वाटलं नव्हतं, तर कोणी खूप वर्ष दुसऱ्याच्या हाताखाली काम करून मोठे झाले. कोणी पायी पायी स्टुडिओत यायचे, तर कोणी बसने, तर कोणी धक्के खात ट्रेन पकडून यायचे. असे खडतर प्रसंग बहुतेक बॉलिवूड हिरोंवर आलेत.

 

READ ALSO :  १७ रात्रीत शूट केलेला सत्यपरिस्थितीवर आधारलेला, एक थरार चित्रपट.

बॉलिवूड चा महानायक “अमिताभ बच्चन” ह्यांना सुद्धा असल्या प्रसंगांना सामोरं जावं लागलं, त्यांनी सुद्धा बसने प्रवास केलाय, लोकलचा प्रवास अनुभवलाय. पण सुपर स्टार झाल्यावर ह्या प्रत्येक हिरोच्या आयुष्यात सुबत्ता आली, आणि करोडो रुपयांचे धनी झाले. मग कशाला बस अन ट्रेन चा प्रवास करतील? मोठं झाल्यावर ऐशो आरामाची जिंदगी. कामं पण सगळी चांगलीच करायला मिळतात त्यांना. हीरो कधी घरात झाडू मारत नाही किंवा कपडे धूत नाही. पण “अमिताभ बच्चन” वर आत्ता नुकतीच एस.टी. बस मधून प्रवास करायची वेळ आली, नंतर एका बैल गाडीतून गचके खात प्रवास करायची वेळ आली , आणि ज्या बाजेवर कधी बसले नसतील ती बाज समोर दिसल्यावर त्या बाजेवर अंग टाकून विश्रांती घ्यायची वेळ आली, काय वाटलं असेल ह्या महा नायकाला ?

नाही म्हणजे, गरिबी आली म्हणून नाही होss.

शूटिंग करताना त्यांच्या भूमिकेत तसा प्रसंग रंगवायचा होता म्हणून हे सगळं त्यांना करावं लागलं. ‘अमिताभ बच्चन’ म्हणजे बॉलिवूड चा एक नंबरचा कलाकार म्हणून प्रसिद्ध, मग त्यांचा रुबाब तर सगळ्यात भारी असणार ना. फालतू कामं ते कशी करणार? पण तसं नाहीये. एक नंबरचा कलाकार असून सुद्धा साधा आणि नम्र आहे म्हणून आज लोकांचा सगळ्यात आवडता आणि आदरणीय कलाकार म्हणून प्रसिद्ध आहे.

सध्या मराठी निर्माता दिग्दर्शक ‘नागराज मंजुळे’ ह्यांच्या हिंदी चित्रपटात अमिताभ बच्चन एक महत्वाची भूमिका करत आहेत. त्या चित्रपटाचे शूटिंग चालू आहे, आणि नागराज मंजुळे म्हणजे वास्तव दाखवणारे निर्माते दिग्दर्शक, त्यामुळे बैलगाडी, एस.टी. ची बस, किंवा खाट म्हणजेच बाज, ह्या गोष्टी त्यांच्या सिनेमात असणं हे आपल्याला काही वेगळं नाही. पण अमिताभ बच्चन ह्या गोष्टींशी आता संपर्कातच नाहीत. आणि त्यांनी आजपर्यंत ज्या चित्रपटात कामं केलीत त्या चित्रपटात कधीही ह्या गोष्टी आल्याच नाहीत म्हणून हे सगळं जरा वेगळं वाटतंय. पण ह्या एक नंबरच्या सुपर हीरोनं बैलगाडीत बसायचं टाळलं नाही, किंवा बाजेवर झोपायला नकार दिला नाही . शूटिंग करताना वाट्टेल ते करायची तयारी असते ह्या कलाकाराची. म्हणून तर आज ह्या वयातही ह्या कलाकाराची बरोबरी कोणी करू शकलं नाही. नागराज मंजुळेंचा “झुंड” नावाचा हिंदी चित्रपट येतोय लवकरच त्यातले सगळे हे प्रसंग अमिताभ बच्चन यांनी अनुभवले, आणि सामान्य जीवन कसं असतं ह्याचा अनुभव ह्या शूटिंगच्या दरम्यान घेता आला. हा अनुभव घेत असताना त्यांना त्यांच्या स्ट्रगल काळातली बसच्या प्रवासाची आठवण झाली ती त्यांनी बोलूनही दाखवली. आता आपण थोडी वाट पाहूया ह्या एका वेगळ्या चित्रपटाची. मराठी दिग्दर्शक आणि बॉलिवूड चा महानायक. कसा असेल हा चित्रपट ? पण बघायला मजा येणार आहे. खूप उत्सुकताही आहेच.

अमेय वाघला मिळाली त्याची ‘गर्लफ्रेंड’ अलिशा…

अमेय वाघला मिळाली त्याची ‘गर्लफ्रेंड’ अलिशा…

अमेय वाघ आणि सई ताम्हणकर पहिल्यांदाच दिसणार एकत्रअभिनेता अमेय वाघने काही दिवसांपूर्वी सोशल मिडीयावर टाकलेल्या विविध पोस्टमुळे त्याला आगामी चित्रपटात ‘गर्लफ्रेंड’ मिळणार की नाही? असा विषय सर्वत्र चर्चिला जात होता. आघाडीच्या अभिनेत्रींनी सोशल मीडियातून थेट अमेयला...

नात्यांची लज्जतदार गुंफण असलेला ‘मीडियम स्पाइसी’ 

नात्यांची लज्जतदार गुंफण असलेला ‘मीडियम स्पाइसी’ 

 नाटककार मोहित टाकळकर यांचे मराठी चित्रपट दिग्दर्शनात पदार्पण कधी बाहेर जेवायला गेलं आणि मेन्यू कार्ड मध्ये एखाद्या रेसिपी पुढे स्पाइसी हा शब्द दिसताच काहीजण आनंदून जातात, मात्र ऑर्डर देतांना बहुतांश लोक ही ‘मीडियम स्पाइसी’ देतात असे अनेकदा दिसून येते म्हणजे लोकांना...

अभिनयात नाव आजमावण्यासाठी अमोल कागणेने घटवले ७ किलो वजन

अभिनयात नाव आजमावण्यासाठी अमोल कागणेने घटवले ७ किलो वजन

मनोरंजन क्षेत्रात आपलं नशीब आजमावण्यासाठी अनेक हौशी कलावंत प्रयत्न करीत असतात. एका अभिनेत्यामध्ये अभिनयासोबतच त्याच्या दिसण्या-असण्याला अतिशय महत्त्व असतं. एक यशस्वी निर्माता म्हणून नावाजले गेल्यानंतर अमोल आपलं खरं पॅशन म्हणजेच अभिनयात नशीब आजमावणार आहे.अमोल कागणे हा...

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

तरुणाई म्हटलं की ओघाने प्रेम हे आलंच. प्रेम ही वैश्विक भावना आहे हे निर्विवाद आहे. शहर, देश, प्रांत वा गाव असा कोणताही भेदभाव न करता ही भावना सर्व ठिकाणी सारखीच असते. प्रेम ही भावनाच इतकी तीव्र असते की त्यापुढे जात, धर्म, पत, प्रतिष्ठा ई. ना स्थान नसते. प्रेमापुढे...

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

निवडणुकीच्या धामधुमीत अनेक विषयांना राजकारणी हात घालताना दिसताहेत. रोज नवनवीन आश्वासनं ऐकायला मिळताहेत. सध्या मतदार राजा असल्यामुळे मतदाराला विविध प्रलोभनं दाखवून मतपरिवर्तन केले जात असतानाच व्ही.पी.वर्ल्ड मुव्हीज, न्यू टॅलेंट सर्च मुव्हीज , प्रस्तुत डॉ.प्रवीण भुजबळ व...

About The Author