कोण आहेत अनिकेत विश्वासराव याचे ‘गुरु’, ज्यांना अनिकेतने पत्र लिहिलंय !

कोण आहेत अनिकेत विश्वासराव याचे ‘गुरु’, ज्यांना अनिकेतने पत्र लिहिलंय !

गुरुपौर्णिमेच्या दिवशी प्रत्येक शिष्य आपल्या गुरूंना वंदन करतो. तसंच अभिनेता अनिकेत विश्वासरावने ही सोशल मीडियाच्या माध्यमातून आपल्या गुरुंविषयीच्या भावना व्यक्त करून, त्याच्या गुरूंना नमन केलेलं आहे. कोण बरं आहेत अनिकेतचे हे गुरु ? तर

ज्यांना आपण ‘विनोदाचे सम्राट’ असं संबोधतो, ज्यांच्याशिवाय मराठी सिनेसृष्टी पूर्णच होऊ शकत नाही आणि ज्यांनी आपल्या अप्रतिम अभिनयाने प्रेक्षकांना गेली पाच दशके कधी हसायला तर कधी रडायला लावले, असे जेष्ठ व श्रेष्ठ अभिनेते अशोक सराफ.

गुरुपौर्णिमेचे निमित्त साधून अशोक सराफ यांच्याविषयीचे प्रेम व्यक्त करताना अनिकेतने पत्रात खालील मजकूर लिहिला आहे…

प्रिय अशोकमामा,

आज गुरूपौर्णिमेचा दिवस. या सिनेसृष्टीत पाऊल ठेवण्या अगोदरपासूनच तुम्हाला गुरूस्थानी मानणाऱ्या माझ्यासाठी आजचा दिवस महत्त्वाचा आहे. अभिनय असो किंवा विनोदाची अचूक वेळ साधणं असो, तुम्ही दोन्हीमध्ये ‘बाप’ आहात. हे तुम्ही वेळोवेळी सर्वांना दाखवून दिलंय. नाटक, टीव्ही आणि सिनेविश्वामध्ये तुम्ही आपल्या दर्जेदार कलाकृतीने ठसा उमटविला आहे.

हे माझं भाग्य आहे की, माझा पहिला सिनेमा ‘लपून छपून’मध्ये मला तुमच्यासोबत काम करण्याची संधी मिळाली. विनोदासाठी भाषेवर प्रभुत्त्व असणं किती गरजेचं आहे, हे तुम्ही शिकवलंत. विनोदाची अचूक वेळ साधणं, यासाठी गरजेची असलेली ‘वैचारिक बैठक’ खरंच आमच्या पिढीने तुमच्याकडून शिकण्यासारखी आहे.

अनेक सिनेमांमधल्या तुमच्या भूमिकांना विनोदाची झालर असायची. पण प्रत्येक भूमिकेची लकब, संवादफेक आणि हावभाव यातल्या वैविध्यावर तुम्ही डोळसपणे काम केल्याने तुमच्या विनोदात एकसूरीपणा कधीच जाणवला नाही, हे आमच्यासारख्या आजच्या अभिनेत्यांना शिकण्यासारखं आहे.

तुमच्यावर नेहमीच रसिकांनी विनोदी अभिनेत्याचे शिक्कामोर्तब केले. पण ‘बहुरूपी’, ‘भुजंग’, ‘कळत-नकळत’,’ अरे संसार संसार’, ‘भस्म’ यांसारख्या सिनेमांमधून तुमच्या अभिनयाची एक वेगळी छटा पाहायला मिळाली.

मी तुम्हाला अभिनयातले आणि विनोदातले बादशाह मानतो. तुमची सर दुसऱ्या कोणत्याच अभिनेत्याला येणे शक्य नाही. तुमच्यासारख्या दिग्गज अभिनेत्याने आपण एकत्र केलेल्या ‘आंधळी कोशींबीर’या दुसऱ्या सिनेमानंतर “तुझं कॉमिक टायमिंग चांगलं आहे”, ही मला दिलेली दाद कोणत्याही पुरस्कारापेक्षा मला जास्त आनंद देणारी होती.

गेली ५० वर्ष तुम्ही सातत्याने काम करत आहात, जेव्हा कधी मला काम करताना थकायला होतं, तेव्हा मी स्वत:ला तुम्हाला आठवतो. तुमची काम करण्याची ऊर्जा आणि सातत्य हे माझ्यासाठी नेहमीच आदर्श आहे.

तस्मै श्री गुरवे नमः।

अशाप्रकारे अनिकेतने अशोक सराफ यांच्याबद्दल आपल्या मनातल्या भावना व्यक्त केल्या.

अशोक सराफ हे सर्वांसाठीच प्रेरणादायक आहेत. वयाची सत्तरी उलटली तरी त्यांच्यातील ऊर्जा हि एखाद्या तरुणाला लाजवेल अशीच आहे. फसव्या आधुनिकेतेकडे झुकणारी आजची तरुण पिढी भारतीय संस्कृतीची मूल्य विसरत चाललेली आहे. अशात अनिकेतचं अशोक सराफ यांच्याबद्दल कृतज्ञता व्यक्त करणं इतर तरुणांना आपल्या संस्कृतीतील चांगल्या मूल्यांचं पालन आणि आदर करण्यासाठी नक्कीच प्रवृत्त करेल, अशी आशा वाटते.

मनोरंजन विश्वामधील अशाच ताज्या घडामोडीं आणि गमती-जमती जाणून घेण्यासाठी फिल्मीभोंगाला भेट देत रहा. खुश रहा..फिल्मी रहा.

अमेय वाघला मिळाली त्याची ‘गर्लफ्रेंड’ अलिशा…

अमेय वाघला मिळाली त्याची ‘गर्लफ्रेंड’ अलिशा…

अमेय वाघ आणि सई ताम्हणकर पहिल्यांदाच दिसणार एकत्रअभिनेता अमेय वाघने काही दिवसांपूर्वी सोशल मिडीयावर टाकलेल्या विविध पोस्टमुळे त्याला आगामी चित्रपटात ‘गर्लफ्रेंड’ मिळणार की नाही? असा विषय सर्वत्र चर्चिला जात होता. आघाडीच्या अभिनेत्रींनी सोशल मीडियातून थेट अमेयला...

नात्यांची लज्जतदार गुंफण असलेला ‘मीडियम स्पाइसी’ 

नात्यांची लज्जतदार गुंफण असलेला ‘मीडियम स्पाइसी’ 

 नाटककार मोहित टाकळकर यांचे मराठी चित्रपट दिग्दर्शनात पदार्पण कधी बाहेर जेवायला गेलं आणि मेन्यू कार्ड मध्ये एखाद्या रेसिपी पुढे स्पाइसी हा शब्द दिसताच काहीजण आनंदून जातात, मात्र ऑर्डर देतांना बहुतांश लोक ही ‘मीडियम स्पाइसी’ देतात असे अनेकदा दिसून येते म्हणजे लोकांना...

अभिनयात नाव आजमावण्यासाठी अमोल कागणेने घटवले ७ किलो वजन

अभिनयात नाव आजमावण्यासाठी अमोल कागणेने घटवले ७ किलो वजन

मनोरंजन क्षेत्रात आपलं नशीब आजमावण्यासाठी अनेक हौशी कलावंत प्रयत्न करीत असतात. एका अभिनेत्यामध्ये अभिनयासोबतच त्याच्या दिसण्या-असण्याला अतिशय महत्त्व असतं. एक यशस्वी निर्माता म्हणून नावाजले गेल्यानंतर अमोल आपलं खरं पॅशन म्हणजेच अभिनयात नशीब आजमावणार आहे.अमोल कागणे हा...

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

तरुणाई म्हटलं की ओघाने प्रेम हे आलंच. प्रेम ही वैश्विक भावना आहे हे निर्विवाद आहे. शहर, देश, प्रांत वा गाव असा कोणताही भेदभाव न करता ही भावना सर्व ठिकाणी सारखीच असते. प्रेम ही भावनाच इतकी तीव्र असते की त्यापुढे जात, धर्म, पत, प्रतिष्ठा ई. ना स्थान नसते. प्रेमापुढे...

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

निवडणुकीच्या धामधुमीत अनेक विषयांना राजकारणी हात घालताना दिसताहेत. रोज नवनवीन आश्वासनं ऐकायला मिळताहेत. सध्या मतदार राजा असल्यामुळे मतदाराला विविध प्रलोभनं दाखवून मतपरिवर्तन केले जात असतानाच व्ही.पी.वर्ल्ड मुव्हीज, न्यू टॅलेंट सर्च मुव्हीज , प्रस्तुत डॉ.प्रवीण भुजबळ व...

About The Author