‘अष्टवक्र’ सामाजिक भान जागं करणारा चित्रपट

आपल्या समाजात असे अनेक लोक आहेत, त्यांच्या समस्या आहेत ज्यांना आपण पूर्णपणे दुर्लक्षित केलेलं आहे. जसे जेलमध्ये बंद असलेले गुन्हेगार आणि रस्त्यावर भीख मागणारी किंवा बालमजूर म्हणून काम करणारी मुलं. अशा दुर्लक्षित असलेल्या समाजातील घटकांवर प्रकाशझोत टाकायला ८ जून २०१८ रोजी एक चित्रपट येतोय, ज्याचं नाव आहे ‘अष्टवक्र’. नुकताच या चित्रपटाचा ट्रेलर प्रदर्शित करण्यात आलेला आहे.

‘अष्टवक्र’ याचा अर्थ आहे आठ ठिकाणी वाकडा असेलला. त्याचीही एक वेगळीच कथा आहे. सतयुगात कहोड नावाचे वेदांचा गाढा अभ्यास असलेले एक ऋषी होते. एके दिवशी ते वेद पठन करत असताना त्यांना आवाज आला कि “बाबा तुम्ही चुकीचं पठन करत आहात” कहोड ऋषींनी पाहिलं तर त्यांच्या पत्नीच्या गर्भातून आवाज येत होता… जन्माआधीच बापाला चूक म्हणणाऱ्या मुलाचा त्यांना खूप राग आला आणि त्या रागाच्या भरात त्यांनी गर्भातल्या मुलाला, “तू आठ ठिकाणी वाकडा होऊन जन्मशील” असा श्राप दिला आणि खरंच ते मुल आठ ठिकाणी वाकडं जन्मलं आणि पुढे जाऊन आपल्या बुद्धीच्या जोरावर हे मुल ‘अष्टवक्र ऋषी’ म्हणून ओळखलं जाऊ लागलं.

          शारीरिक व्यंगावर मात करून एखादा अपंग व्यक्ती ‘अष्टवक्र ऋषी’ होऊ शकतो किंवा एखादा ‘स्टिफन हॉकींग’ सारखा महान शास्त्रज्ञ… पण मेंदूतल्या व्यंगाचे काय ?? एखाद्या गुन्हेगाराविषयी आपल्याला विचारले असता आपल्या मनात पहिल्यांदा काय विचार येतात ??? कि, “तो वाईट व्यक्ति आहे म्हणूनच त्याने हे कृत्य केलं..” “त्याला याची शिक्षा मिळायलाच हवी होती.” “तो समाजात राहायच्या लायकीचाच नाहीये..” वगैरे वगैरे” म्हणूनच गुन्हेगारांना समाजातल्या मुख्य प्रवाहातून काढून त्यांच्यासाठी बनलेल्या एका गलिच्छ अशा जगात ढकलून दिलं जातं. पण त्या गुन्हेगाराच्या असं करण्यामागे काही कारण आहेत.. तो जन्मताच गुन्हेगार न्हवता याचा कोणीही विचार करत नाही. याच बाबी ‘अष्टवक्र’ या चित्रपटात अधोरेखित करून दाखविण्यात आलेल्या आहेत.

या चित्रपटाची नायिका ‘अरुंधती’ खोटं बोलून गुन्ह्यातून स्वतःची सुटका करून घेऊ शकते परंतु ती तसं न करता आपल्या हातून चुकून घडलेल्या गुन्ह्याची शिक्षा भोगण्यासाठी तुरुंगात जाणं पसंत करते. तिथे गेल्यावर एका वेगळ्याच जगाची ओळख तिला होते.. तिथल्या समस्या तिथले संघर्ष याच्याशी तिचा जवळून संबंध येतो. अरुंधती गरोदर असते… आता तिला जे मुल होईल त्याचं काय ?? त्याची कोणतीही चूक नसताना त्याला अनाथासारखं जगावं लागणार का?? कसल्या वातावरणात ते मुल वाढेल ? त्या मुलाला हे शापित आयुष्य समाजाने का द्यावं? असे अनेक प्रश्न अरुंधतीसमोर असतात.

अशा प्रकारचं जबरदस्त कथानक आणि आशय असलेला हा सिनेमा ८ जून २०१८ पासून जवळच्या चित्रपटगृहात आपल्याला पाहायला मिळणार आहे. वरुणराज फिल्मसचे वरुणराज साळुंखे यांनी ‘अष्टवक्र’ चित्रपटाची निर्मिती केली असून, कथा-पटकथा-संवाद आणि दिग्दर्शन हे प्रदीप साळुंखे याचं आहे. या चित्रपटात मयुरी मांडलिक, मंगेश गिरी आणि विद्याधर जोशी हे प्रमुख भूमिकेत आपल्याला पाहायला मिळतील. चित्रपटातील संवाद अतिशय चांगले असून यातील संगीत हि उत्तम आहे.

मनोरंजन विश्वामधील ताज्या घडामोडींसाठी आणि गमती जमती जाणून घेण्यासाठी फिल्मीभोंगाला भेट देत रहा. खुश रहा..फिल्मी रहा.

अमोल कागणे करतोय ‘बाप्पा मोरया’चा जयघोष

अमोल कागणे करतोय ‘बाप्पा मोरया’चा जयघोष

अमोल कागणे आणि प्रदीप पंडित कालेलकर म्हणतात ,'बाप्पा मोरया' अभिनय आणि निर्मितीमूल्यांचा अचूक जाणकार असलेला अमोल कागणे हा तरुण नेहमीच मनोरंजनक्षेत्रात काहीना काही तरी वेगळेपणा आणण्यासाठी धडपडत असतो. नाटक आणि चित्रपटांच्या माध्यमातून आत्तापर्यंत अमोलने अनेक सामाजिक...

वैदर्भीय टॅलेंट जगासमोर आणायचंय – दिग्दर्शक प्रीतम पाटील

वैदर्भीय टॅलेंट जगासमोर आणायचंय – दिग्दर्शक प्रीतम पाटील

'खिचिक'च्या निमित्ताने प्रितमसोबत केलेली ही खास बातचीत... विदर्भातल्या यवतमाळ या छोट्याशा जिल्हयातुन आपलं नशीब आजमावायला आलेला प्रितम मराठी मनोरंजनसृष्टीसाठी नवसंजीवनी देणारं टॅलेंटच म्हटलं पाहिजे. पेशाने सॉफ्टवेअर इंजिनिअर असणारा प्रितम खरंतर यूपीएससीची परीक्षा...

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

पळशीची पीटी' मधून दिसणार गुरु शिष्यांचा अनोखा मिलाप'लागीरं झालं जी' फेम शीतलीच्या काकाची भूमिका निभावणारे धोंडिबा बाळू कारंडे हे नाव सध्या चर्चेत आहे ते म्हणजे 'पळशीची पीटी' या चित्रपटामुळे. येत्या २३ ऑगस्टला महाराष्ट्रात सर्वत्र प्रदर्शित होणारा 'पळशीची पीटी' हा...

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

About The Author

Filmi Shinde

कथा, पटकथा, संवाद या तिन्ही विभागात प्राविण्य मिळवलेले सुशांत शिंदे सध्या चित्रपटलेखन, मालिकालेखन आणि डिजीटल क्षेत्रासाठी काम करत आहेत. सुशांत शिंदे याचं लेखन प्रेक्षकांना हास्य, रहस्य आणि नाट्य याच्या अद्भुत मिश्रणाने खिळवून ठेवतं. फिल्मी भोंगा या वेब पोर्टल साठी ते 'फिल्मी शिंदे' या नावाने ब्लॉग लिहितात.