२०१८ चे धमाकेदार चित्रपट ज्यांनी जिंकलं मराठी चित्रपट रसिकांना आणि भुरळ पाडली हिंदी निर्मात्यांना सुद्धा.

२०१८ चे धमाकेदार चित्रपट ज्यांनी जिंकलं मराठी चित्रपट रसिकांना आणि भुरळ पाडली हिंदी निर्मात्यांना सुद्धा.

 

ह्या वर्षी म्हणजे संपूर्ण २०१८ सालात आलेले “मराठी चित्रपट” म्हणजे पुण्यामधल्या गणपती च्या मिरवणुकीत एकापाठोपाठ वाजत गाजत  येणाऱ्या  मानाच्या गणपती सारखेच गाजत, चित्रपट रसिकांची मने जिंकत जिंकत, आनंद देत गेले.  करमणुकीचा अखंड वर्षाव, हे वर्ष म्हणजे भन्नाट चित्रपटांची निर्मिती. चांगले स्मरणात राहतील असे विषय, सगळ्यांचं काहीतरी वेगळं आणि विशेष महत्त्व सांगावेसे असे हे चित्रपट. बघूया कोणकोणत्या चित्रपटांनी हे वर्ष गाजवलं.

* नाळ :

 

READ ALSO :  महागुरू सचिनजी पिळगावकर घेऊन येत आहेत आजच्या तरुणाईसाठी खास व्हॅलेंटाईन डे स्पेशल चित्रपट..!!

नागराज मंजुळेचा हा ‘वेगळा विषय’.एका लहान मुलाची जोडली गेलेली नाळ, आणि खरी पण तुटलेली नाळ , त्यातल्या प्रत्यक्ष नात्यातला अनुभव ह्यावर तयार झालेली ही पटकथा, नागराज मंजुळेचीच, दिग्दर्शन त्याचेच, आणि महत्वाची त्याची भूमिका एक वास्तव प्रेक्षकांसमोर  ठेऊन  मने जिंकण्यात यशस्वी झाली.

 

* सविता दामोदर परांजपे:

“सविता दामोदर परांजपे” एक रहस्यपट. ह्याच नावाच्या गाजलेल्या नाटकावर आधारलेला हा चित्रपट होता. रहस्य आणि त्यातली भीती काय असते ही प्रेक्षकांनी अनुभवली. रहस्यपट आवडणाऱ्या लोकांनी ह्या चित्रपटाला भरपूर गर्दी केली.

 

* चुंबक : 

हिंदी अभिनेता ‘अक्षय कुमार’ निर्माता असलेला हा वेगळ्या विषयावरचा चित्रपट. गतिमंद मुलांच्या आयुष्यवर चित्रित झालेला स्वार्थीवृत्ती आणि निस्वार्थ सेवा ह्या दोन गोष्टींचा अर्थ उलगडून देणारा हा चित्रपट. मराठी आणि हिंदी दोन्ही चित्रपट सृष्टीत गीतकार म्हणून नावाजले गेलेले ‘स्वानंद किरकिरे’ ह्यांची ह्या चित्रपटात प्रमुख भूमिका आहे. हाही चित्रपट वेगळा विषय म्हणून चांगला गाजला. 

 

* फर्जंद :

कोंडाजी फर्जंद म्हणजे  प्रचंड शक्ती आणि  अफाट साहस ह्या दोन्ही गोष्टी एकाच ठिकाणी असलेला, समोर कितीही ताकतवान शत्रू असेल तरी त्याच्यावर विजय मिळवणारा जिगरबाज मावळा. आपण फक्त आपल्या राजासाठी लढायचं, इतकंच ठाऊक असलेला हा बेफाम लढवय्या. शिवाजी महाराजांचा निष्ठावान मावळा. त्याची ही साहस कथा. अतिशय उत्तम तंत्रज्ञानाचा वापर केलेला हा चित्रपट अतिउत्तम ठरला.

 

* गुलाबजाम :

एक गोड पण जरा वेगळी कथा. सिद्धार्थ चांदेकर आणि सोनाली कुलकर्णी अशी जरा वेगळीच जोडी. त्यांनी तयार केलेल्या  टेस्टी  रेसिपीज , रसिक प्रेक्षकांना खूप आवडल्या, म्हणून हा चित्रपट प्रेक्षकांनी डोक्यावर घेतला. एक सगळ्या रसांनी चविष्ट झालेला गोड चित्रपट, म्हणून गाजला.

 

* आपला मानूस :

नाना पाटेकर  सोबत इरावती हर्षे, सुमित राघवन.  नाना असला की तो चित्रपट गाजणार असं समीकरण झालं आहे. म्हणून हिंदी अभिनेता  ‘अजय देवगण’  ह्याने ह्या चित्रपटाची निर्मिती केली. ज्येष्ठ नागरिकांच्या जीवनावर आधारित हा चित्रपट बॉक्स ऑफिसवर गर्दी करणारा ठरला. लोकांना चांगलाच भावला.

 

* न्यूड :

विषय खूपच वेगळा, म्हणजे लैंगिकता, लैंगिक शोषण. त्यावरचे वास्तव, त्यात वाहवत गेलेले लोक. ह्या विचित्र पण वास्तव असलेल्या गोष्टी निर्माता दिग्दर्शक ‘रवी जाधव’ ह्यांनी समाजासमोर आणल्या. म्हणून हा चित्रपट जरा वेगळा म्हणून गाजला. छाया कदम, आणि कल्याणी मुळे ह्या दोघी अभिनेत्रीचं कौतुक झालं,  हा चित्रपट ‘फिल्म फेसव्हल’  मध्ये चांगलाच गाजला.

 

* मुळशी पॅटर्न :

जमिनीचे वाद, जमीन माफिया, त्यावरून शून्यातून साम्राज्य निर्माण करणारे अंगठे बहाद्दर, आणि त्यांच्यावर वरदहस्त ठेवणारे भ्रष्ट नेते, ह्यांच्या साट्या लोट्याला लोकांसमोर उघड करणारी ही कथा, त्यात बळी जाणारे सर्वसामान्य लोक, त्यातून निर्माण होणारे ‘डॉन’. असं सध्याचं वास्तव दाखवणारा हा चित्रपट लोकांनी चांगलाच पसंत केला. 

 

* मुंबई- पुणे- मुंबई-३.

हाही चित्रपट रसिक प्रेक्षकांनी डोक्यावर घेतला. मुंबई आणि पुण्याचे नाते, त्यातून जोडली गेलेली दोन घरे, त्यातली नात्यातली ओढ, दुरावा, प्रेम, थोडा तिखट ठसका, ह्या सगळ्या प्रसंगांची योग्य गुंफण, आणि आनंद. ह्यामुळे आपल्याच घरात घडत असलेले हे प्रसंग वाटतात, म्हणून ह्या चित्रपटाने खूप वाहवा मिळवली. स्वप्निल जोशी, आणि मुक्त बर्वे  ह्यांना सुद्धा रसिकांची चांगली दाद मिळवली.

 

* आणि डॉ. काशीनाथ घाणेकर.

मराठी रंगभूमीचा सुवर्णकाळ खेचून आणणारा एक रगेल आणि रंगेल अभिनेता म्हणजे डॉ. काशीनाथ घाणेकर. आपल्या अभिनयाच्या अनेक रंगांनी त्याने रंगभूमी आणि चित्रपट क्षेत्रात वर्चस्व सिद्ध केलं. ह्या कलाकाराला पुन्हा एकदा त्याच्या चाहत्यांनी एका सध्याच्या सर्वगुण संपन्न कलाकाराच्या माध्यमातून साकार केलं आणि प्रेक्षकांना संतुष्ट केलं. तो गुणी कलाकार म्हणजे ‘सुबोध भावे’ आणि  त्याचा  सध्या बॉक्स ऑफिसवर अजूनही चांगली कमाई करत असलेला गाजलेला चित्रपट म्हणजे ” आणि डॉ. काशीनाथ घाणेकर”.

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

पळशीची पीटी' मधून दिसणार गुरु शिष्यांचा अनोखा मिलाप'लागीरं झालं जी' फेम शीतलीच्या काकाची भूमिका निभावणारे धोंडिबा बाळू कारंडे हे नाव सध्या चर्चेत आहे ते म्हणजे 'पळशीची पीटी' या चित्रपटामुळे. येत्या २३ ऑगस्टला महाराष्ट्रात सर्वत्र प्रदर्शित होणारा 'पळशीची पीटी' हा...

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

सोशल मिडियावर ‘नच्या गॉट अ गर्लफ्रेंड’ चा धुमाकूळ

सोशल मिडियावर ‘नच्या गॉट अ गर्लफ्रेंड’ चा धुमाकूळ

सोशल मिडियावर ‘नच्या गॉट अ गर्लफ्रेंड’ चा धुमाकूळबऱ्याच दिवसांपासून नचिकेत प्रधान ‘गर्लफ्रेंड’च्या शोधात असल्याचं तुमच्या कानी आलं असेल. गर्लफ्रेंड कशी असावी? या बद्दलच्या त्याच्या अपेक्षाबद्दल देखील तुम्ही बरंच काही ऐकून असाल. नचिकेतच्या प्रयत्नाला अखेर यश आले असून...

‘मुळशी पॅटर्न’ नंतर प्रविण विठ्ठल तरडे यांचा पुढील चित्रपट

‘मुळशी पॅटर्न’ नंतर प्रविण विठ्ठल तरडे यांचा पुढील चित्रपट

छत्रपतींचे महापराक्रमी योद्धा ‘सरसेनापती हंबीरराव’ या चित्रपटाचा पोस्टर लाँच दिमाखात संपन्नशिवराज्याभिषेक दिना निमित्त हेलिकॉप्टरमधून गड किल्यांचे दर्शन घेत वाहिली शिव छत्रपतींना मानवंदना.हिंदवी स्वराज्याचे सरसेनापती हंबीरराव मोहिते यांच्या पराक्रमाची आणि जाज्वल्य...

About The Author