ह्या चित्रपटाचे दोनच भाग काय, तर एकावर एक कितीतरी भाग काढले तरी हिट होईल अशीच आहे ‘ह्यां’ची महती..

ह्या चित्रपटाचे दोनच भाग काय, तर एकावर एक कितीतरी भाग काढले तरी हिट होईल अशीच आहे ‘ह्यां’ची महती.. 

 

पु लं म्हणजे अवघ्या महाराष्ट्राचे लाडके व्यक्तिमत्व. त्यांची पुस्तकं वाचत वाचत गेली काही वर्षे कित्येक मराठी पिढ्या लहानाच्या मोठ्या होत आहेत. किमान ३ ते ४ जनरेशन त्यांची कथाकथने ऐकून तृप्त झाली आहेत. मराठी माध्यमाच्या शाळेत तर त्यांच्या पुस्तकातील काही प्रसंग, धडे म्हणून असायचे आणि तो धडा कधी एकदा शिकवला जाईल ह्याकडेच त्या वर्गातील मुलांचं मन वेधलेलं असायचं. जेव्हा त्यांच्या धड्याचे वाचन सुरू होई तेव्हा त्या वर्गातून हास्यकल्लोळ ऐकू येई. गम्मत म्हणजे पुस्तक हातात पडल्या पडल्या पु लं चा कोणता धडा आहे तो बघून किमान १० वेळा आधीच वाचून व्हायचा. पु लं न आवडणारे विरळाच असतील. प्रत्येक मराठी घरात पुलं च एक तरी पुस्तक नक्कीच सापडेल. पुलंची पात्रे ते स्वतःच त्यांच्या कथाकथनातून रंगवून रंगवून सांगत. इतकी की नारायण, अंतू बरवा असे सगळे एकेक डोळ्यासमोर उभे राहतं. खरोखरीच आपणच लिहिलेली पात्रे इतकी जिवंत करू शकणारा पुलंसारखा विनोदी लेखक पुन्हा होणे नाही.. 

महाराष्ट्र वैभव पु ल देशपांडे ह्यांच्यावर लवकरच एक मराठी बायोपिक येतोय. ४ जानेवारी २०१९ रोजी ‘भाई’ आपल्या सगळ्यांच्या भेटीसाठी साक्षात अवतरणार आहेत. त्या सिनेमात मुख्य भूमिकेत आहेत सागर देशमुख आणि इरावती हर्षे. अर्थातच भाई म्हणजेच पु लं हे व्यक्तिमत्व, त्यांच्या बालपणापासून चित्रपटात दाखवणार आहेत. महेश मांजरेकर ह्यांनी ह्या चित्रपटाची धुरा सांभाळली आहे. त्यांचे एकंएक मराठी चित्रपट अतिशय दर्जेदार असतात हे आपल्याला माहीतच आहे. आणि आता पु लं सारख्या विषयावरची मांडणी म्हणजे अफलातून असणार हे तर ट्रेलर मधूनच दिसून येतंय. ट्रेलर मधील मजेशीर संवाद ऐकता हा चित्रपट पाहण्याची उत्सुकता शिगेला पोहोचलेली आहे. पु लं, त्यांचं बालपण, त्यांचं शिक्षण, त्यांची दोस्तमंडळी, त्यांच्या अंगचे इतर गुण, कला आणि आयुष्यातील उत्तरार्ध म्हणजे, त्यांच्या पत्नी सुनीताबाई देशपांडे, त्यांचं सगळं लिखाण, त्यांची अफलातून पात्रं असं सगळंच जिवंत होणार ह्या सिनेमाच्या माध्यमातून. भाई फक्त लिखाणातच नाहीत तर संगीत, गायन आणि अभिनय ह्या सगळ्याच क्षेत्रात आपलं नशीब आजमावलेले एक वल्लीच जणू..!!  

 
 

READ ALSO :  मर्डर पण परफेक्ट असतो बर का..!! आणि तो होणार लवकरच रंगमंचावर..!

‘भाई – व्यक्ती की वल्ली’ पूर्वार्ध अशा नावाचे पोस्टरही सगळीकडे झळकू लागलेत. आता पूर्वार्ध म्हटल्यावरच सूचित होते की उत्तरार्ध असणारच. पुलंच व्यक्तित्वच इतकं अफाट आहे की अडीच तासात ते बसवणं अवघडच. महेश मांजरेकर म्हणतात, “पुलंना अडीच तासांच्या सिनेमात बांधणं केवळ अशक्य. त्यातून त्यांच्या जीवनाच्या बारीक बारीक गोष्टी मला प्रेक्षकांना दाखवायच्यात म्हणून दोन भागात त्यांची गोष्ट आम्ही विभागून दाखवणार.” म्हणजे ४ जानेवारी २०१९ ला पूर्वसरध आणि ८ फेब्रुवारी २०१९ ला उत्तरार्ध. म्हणजे मराठी जनतेला एक महिन्यात पहिला भाग आणि जास्ती उत्सुकता न ताणता दुसऱ्या महिन्यात दुसरा भाग देखील बघायला मिळणार तर. खर तर ह्याचे कितीही भाग काढा सिनेमा चालणार हे नक्कीच. मराठी सिनेमात असा बॅक टू बॅक सिनेमाचा हा पहिलाच प्रयोग होणार आहे. आणि तो यशस्वी होणार ह्यात शंका नाही. हळू हळू मराठी चित्रपटसृष्टीत एका पाठोपाठ एक असे दोन भाग काढून सिनेमा दाखवण्याची ही नवी नांदीच जणू. असो ‘भाई’ साठी फिल्मीभोंगा तर्फे एक शुभेच्छा हास्यमुद्रा.. म्हणजे स्मायली हो..!! 

अमोल कागणे करतोय ‘बाप्पा मोरया’चा जयघोष

अमोल कागणे करतोय ‘बाप्पा मोरया’चा जयघोष

अमोल कागणे आणि प्रदीप पंडित कालेलकर म्हणतात ,'बाप्पा मोरया' अभिनय आणि निर्मितीमूल्यांचा अचूक जाणकार असलेला अमोल कागणे हा तरुण नेहमीच मनोरंजनक्षेत्रात काहीना काही तरी वेगळेपणा आणण्यासाठी धडपडत असतो. नाटक आणि चित्रपटांच्या माध्यमातून आत्तापर्यंत अमोलने अनेक सामाजिक...

वैदर्भीय टॅलेंट जगासमोर आणायचंय – दिग्दर्शक प्रीतम पाटील

वैदर्भीय टॅलेंट जगासमोर आणायचंय – दिग्दर्शक प्रीतम पाटील

'खिचिक'च्या निमित्ताने प्रितमसोबत केलेली ही खास बातचीत... विदर्भातल्या यवतमाळ या छोट्याशा जिल्हयातुन आपलं नशीब आजमावायला आलेला प्रितम मराठी मनोरंजनसृष्टीसाठी नवसंजीवनी देणारं टॅलेंटच म्हटलं पाहिजे. पेशाने सॉफ्टवेअर इंजिनिअर असणारा प्रितम खरंतर यूपीएससीची परीक्षा...

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

पळशीची पीटी' मधून दिसणार गुरु शिष्यांचा अनोखा मिलाप'लागीरं झालं जी' फेम शीतलीच्या काकाची भूमिका निभावणारे धोंडिबा बाळू कारंडे हे नाव सध्या चर्चेत आहे ते म्हणजे 'पळशीची पीटी' या चित्रपटामुळे. येत्या २३ ऑगस्टला महाराष्ट्रात सर्वत्र प्रदर्शित होणारा 'पळशीची पीटी' हा...

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

About The Author