भाऊंची कमाल आणि “लिफ्टमॅन” मधून धमाल

आतापर्यंत सुपरमॅन, स्पायडरमॅन, पँडमॅन असे कितीतरी मॅन येऊन गेले आहेत आणि आता आपल्या सर्वांचे मनोरंजन करण्यासाठी मराठी मध्येही एक असाच मॅन आलेला आहे तो म्हणजे “लिफ्टमॅन”.आणि त्यातले हे मॅन आहेत , “चला हवा येऊ दया”या कार्यक्रमातून लोकप्रिय झालेले भाऊ कदम.

“लिफ्टमॅन” ही मराठी सिच्युएशनल कॉमेडी वेबसीरिज आहे.आणि ती आता आपल्या मनोरंजनासाठी तयार झाली आहे.

“झी ५” वर  २६ जुलैला सुरू झालेली लिफ्टमॅन ही दहा भागांची वेब मालिका आहे. प्रत्येक भाग आठ ते दहा मिनिटांचा असून,  या सिरीजचे एकुण दहा भाग आहेत.

या मालिकेचे बहुतेक शूटिंग लिफ्टमध्ये झाले आहे.लिफ्ट मधून  खाली-वर जाताना भाऊंना अनेकांबरोबर बोलण्याचा प्रसंग येतो.त्यात काही विदेशीही असतात.आता भाऊला (म्हणजे एका लिफ्टमनला )त्यांच्याबरोबर इंग्लिश बोलायला लागली तर काय धमाल उडेल ?आणि त्यात भाऊसारखा कलाकार म्हणजे हास्याची कारंजी फूलवणारच यात शंका नाही. कारण विनोदाचे टायमिंग भाऊ कदम कसे साधतात हे अख्या महाराष्ट्राने यापूर्वीच बघितलेले आहे.

लिफ्ट मध्ये भाऊंना वेगवेगळ्या व्यक्तीमत्वाची माणसे भेटतात व भाऊ त्या माणसांशी कसे वागतो.परिस्थिती एकच पण सगळ्यांच्या प्रतिक्रिया मात्र वेगवेगळ्या कशा असतात हे “लिफ्टमॅन”या सिरीजमधून पहायला मिळणार आहे.

 

READ ALSO : PUSHPAK VIMAN : MOVIE REVIEW

याआधी “भाडिपाच्या”अनेक वेब सीरिजमधून दिसलेली “पॉला” भाऊ कदमसोबत या सीरिजमध्ये दिसणार आहे.

विशेष म्हणजे या वेब सिरीजची सर्व शूटींग जवळजवळ लिफ्टमध्येच झाली आहे.लिफ्ट आणि त्यातल्या लिफ्टमॅन या संकल्पनेला मध्यवर्ती ठेवून ही वेब सिरीज बनवली गेली आहे. यातले कलाकार कशा प्रकारचा गोंधळ घालणार आहेत, लिफ्टमध्ये कोण कसा वागतो, त्यातून हा लिफ्टमॅन काय  प्रतिक्रिया देतो.व यातल्या प्रसंगातून काय धमाल होते हे पाहणे मनोरंजक असेल.

या मालिकेबद्दल भाऊ कदम म्हणाले, ”लिफ्टमॅन”ची  संकल्पना खूपच वैशिष्ट्यपूर्ण आहे. आणि झी ५ सारखे माध्यमांचे नवीन मार्ग स्वत:ला आपसूक अशा कल्पक संकल्पनेकडे  कसे घेऊन जातात हे बघून मी रोमांचित झालो आहे. या मालिकेसह मी वेबच्या जगात शीर्षक भूमिकेद्वारे प्रवेश करत आहे. प्रवेशासाठी याहून अधिक चांगली संकल्पना मला निवडता आली नसती. स्मार्टफोन आता इतका सहज झाला आहे की, प्रेक्षकांपुढील मनोरंजनाचे पर्यायही हळुहळू बदलत आहेत. आज सर्वकाही शब्दश: एखाद्याच्या हाताच्या बोटांवर आहे आणि अशा परिस्थितीत मागे राहून कसे चालेल?

तर झी ५ चे बिझनेस प्रमुख मनीष अगरवाल म्हणाले, “मराठी भाषिक” प्रेक्षकांची मनोरंजनाची जाणीव किती विकसित आहे हे आपल्या रंगभूमी व चित्रपटांच्या समृद्ध वारशातून दिसून येते. विनोद, समृद्ध संकल्पना, आपल्याशा वाटणाऱ्या व्यक्तिरेखा आणि या क्षेत्रातील प्रख्यात कलावंत हे सगळे काही लिफ्टमॅनमध्ये आहे. मराठी मनोरंजनाच्या क्षेत्रात आज भाऊ कदम हे नाव अनेक अंगांनी विनोदाला समानार्थी म्हणून घेतले जाते. आमच्या सहज येता-जाता बघण्यासारख्या आठ दहा  मिनिटांच्या छोट्याशा विनोदी वेब मालिकेतील लिफ्टमॅनची  भूमिका त्यांनी निवडली याचा मला आनंद वाटतो.”

“झी५” हे अॅप गूगल प्ले स्टोअरमधून आणि आयओएस अॅप स्टोअरवरून डाउनलोड करता येईल. www.zee5.com वरही ते प्रोग्रेसिव्ह वेब अॅप (पीडब्ल्यूए) म्हणून उपलब्ध आहे. तसेच अॅपल टीव्ही व अॅमेझॉन फायर टीव्ही स्टिकवरही उपलब्ध आहे.

अमोल कागणे करतोय ‘बाप्पा मोरया’चा जयघोष

अमोल कागणे करतोय ‘बाप्पा मोरया’चा जयघोष

अमोल कागणे आणि प्रदीप पंडित कालेलकर म्हणतात ,'बाप्पा मोरया' अभिनय आणि निर्मितीमूल्यांचा अचूक जाणकार असलेला अमोल कागणे हा तरुण नेहमीच मनोरंजनक्षेत्रात काहीना काही तरी वेगळेपणा आणण्यासाठी धडपडत असतो. नाटक आणि चित्रपटांच्या माध्यमातून आत्तापर्यंत अमोलने अनेक सामाजिक...

वैदर्भीय टॅलेंट जगासमोर आणायचंय – दिग्दर्शक प्रीतम पाटील

वैदर्भीय टॅलेंट जगासमोर आणायचंय – दिग्दर्शक प्रीतम पाटील

'खिचिक'च्या निमित्ताने प्रितमसोबत केलेली ही खास बातचीत... विदर्भातल्या यवतमाळ या छोट्याशा जिल्हयातुन आपलं नशीब आजमावायला आलेला प्रितम मराठी मनोरंजनसृष्टीसाठी नवसंजीवनी देणारं टॅलेंटच म्हटलं पाहिजे. पेशाने सॉफ्टवेअर इंजिनिअर असणारा प्रितम खरंतर यूपीएससीची परीक्षा...

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

पळशीची पीटी' मधून दिसणार गुरु शिष्यांचा अनोखा मिलाप'लागीरं झालं जी' फेम शीतलीच्या काकाची भूमिका निभावणारे धोंडिबा बाळू कारंडे हे नाव सध्या चर्चेत आहे ते म्हणजे 'पळशीची पीटी' या चित्रपटामुळे. येत्या २३ ऑगस्टला महाराष्ट्रात सर्वत्र प्रदर्शित होणारा 'पळशीची पीटी' हा...

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

About The Author

Filmi Shinde

कथा, पटकथा, संवाद या तिन्ही विभागात प्राविण्य मिळवलेले सुशांत शिंदे सध्या चित्रपटलेखन, मालिकालेखन आणि डिजीटल क्षेत्रासाठी काम करत आहेत. सुशांत शिंदे याचं लेखन प्रेक्षकांना हास्य, रहस्य आणि नाट्य याच्या अद्भुत मिश्रणाने खिळवून ठेवतं. फिल्मी भोंगा या वेब पोर्टल साठी ते 'फिल्मी शिंदे' या नावाने ब्लॉग लिहितात.