बॉईज २: धमाल मस्ती पुन्हा एकदा

बॉईज २: धमाल मस्ती पुन्हा एकदा

बॉईज चित्रपटाच्या भरघोस यशानंतर चित्रपटाचे निर्माते बॉईज २ हा चित्रपट प्रेक्षकांसाठी घेऊन आले आहेत. या शुक्रवारी बॉईज २ प्रदर्शित झाला आहे. बॉईज चित्रपटाप्रमाणे परत एकदा धिंगाणा घालण्यासाठी बॉईज सज्ज झाले आहेत व प्रेक्षकांच्या पसंतीससुद्धा पडलेले दिसत आहेत. हे बॉईज आता कॉलेजमध्ये असल्याने पहिल्यापेक्षा आता अधिक धमाल मस्ती करणार यात काहीच शंका नाही. ढुंग्या (पार्थ भालेराव), धैर्या (प्रतीक लाड) आणि कबीर (सुमंत शिंदे) हे तिघे मित्र बारावीत असून त्यांचे नऱ्या (ओंकार भोजणे) या सिनिअर सोबत चांगलेच वाकडे आहे. त्याच्यासोबत ढुंग्या आणि धैर्या यांची सतत भांडणे होत असतात. या सगळ्यांपासून दूर राहण्यासाठी कबीर बारावीच्या वर्षात हॉस्टेलला न राहायचे ठरवतो. पण कॉलेजमध्ये नव्याने आलेल्या चित्रा (सायली पाटील)च्या तो प्रेमात पडतो आणि तिच्यासाठी तो होस्टेलला राहायला येतो. पण कबीर, ढुंग्या आणि धैर्या यांचे नऱ्यासोबतचे वाद सुरूच असतात. त्यातूनच या सगळ्यांमध्ये एक पैज लागते. ही पैज पूर्ण करू न शकणाऱ्याला कॉलेज सोडून जावे लागेल असे ठरते. आता ही पैज काय आहे, या पैजेचा या मुलांच्या आयुष्यवर काय परिणाम होतो हे चित्रपट पाहिल्यानंतरच कळेल.

 

READ ALSO : मराठी चित्रपटातील सदाबहार गाण्यांची मैफल भाग 3

बॉईज २ हा चित्रपट अॅडल्ट कॉमेडी असल्याने यातील बरेचसे संवाद हे डबल मिनींगचे आहेत. आजच्या तरुण पिढीच्या दृष्टीकोनातून हा चित्रपट बनवला असल्यामुळे हे संवाद तरुण पिढीला भावणारे आहेत. हा चित्रपट अॅडल्ट कॉमेडी असला तरी दिग्दर्शकाने खास काळजीपूर्वक चित्रपट अश्लीलतेकडे झुकू दिला नाही. महाविद्यालयीन दशेतील तरुण तरुणींमधील खुन्नस व त्याचा एखाद्या विद्यार्थ्याच्या आयुष्यावर होणारा परिणाम या चित्रपटाद्वारे दिग्दर्शकाने रेखाटण्याचा प्रयत्न केला आहे पण तो फारसा जमलेला नाही. सुमेध शिंदे, प्रतीक लाड आणि पार्थ भालेराव यांनी त्यांच्या भूमिकेला उत्तम न्याय दिला आहे.

बॉईज २ हा चित्रपट तरुणांच्या कलेने घेऊन त्यांना न रागावता गोष्टी कश्या पद्धतीने समजावता येतात हा संदेश नकळतपणे देऊन जातो. विद्यार्थी आणि शिक्षक यांच्यातील नाते योग्यप्रकारे चित्रपटात दाखवले आहे. सध्या तांत्रिक आधुनिकतेमुळे सहज उपलब्ध झालेल्या इंटरनेट आणि त्यावर उपलब्ध असलेल्या पॉर्नसाईट, यांचा मुलांच्या आयुष्यावर काय परिणाम होतो हेदेखील या चित्रपटात दाखवण्यात आले आहे. पण शेवट मात्र तितकासा भावत नाही. एखाद्या पॉर्नसाईटवर एखाद्या मुलीचा पॉर्न व्हिडिओ वायरल झाल्यावर तिच्या आयुष्यावर काय परिणाम होऊ शकतो हे हव्या त्या प्रमाणात ठळकपणे अधोरेखित होत नाही.

चित्रपटात गिरीश कुलकर्णी, यतीन कार्येकर आदी कलाकरांच्या भूमिकाही आहेत पण त्याही अगदी मोजक्या दृश्यांमध्ये. बाकी चित्रपटात त्यांचा फारसा वावर नसला तरी त्यांच्या त्या भूमिका लक्षात राहतात. सिनेमागृहात जाऊन एकदा तरी पाहावा असा हा चित्रपट आहे.

फिल्मिभोंगा मराठी कडून या चित्रपटाला ५ पैकी ३ स्टार

अमेय वाघला मिळाली त्याची ‘गर्लफ्रेंड’ अलिशा…

अमेय वाघला मिळाली त्याची ‘गर्लफ्रेंड’ अलिशा…

अमेय वाघ आणि सई ताम्हणकर पहिल्यांदाच दिसणार एकत्रअभिनेता अमेय वाघने काही दिवसांपूर्वी सोशल मिडीयावर टाकलेल्या विविध पोस्टमुळे त्याला आगामी चित्रपटात ‘गर्लफ्रेंड’ मिळणार की नाही? असा विषय सर्वत्र चर्चिला जात होता. आघाडीच्या अभिनेत्रींनी सोशल मीडियातून थेट अमेयला...

नात्यांची लज्जतदार गुंफण असलेला ‘मीडियम स्पाइसी’ 

नात्यांची लज्जतदार गुंफण असलेला ‘मीडियम स्पाइसी’ 

 नाटककार मोहित टाकळकर यांचे मराठी चित्रपट दिग्दर्शनात पदार्पण कधी बाहेर जेवायला गेलं आणि मेन्यू कार्ड मध्ये एखाद्या रेसिपी पुढे स्पाइसी हा शब्द दिसताच काहीजण आनंदून जातात, मात्र ऑर्डर देतांना बहुतांश लोक ही ‘मीडियम स्पाइसी’ देतात असे अनेकदा दिसून येते म्हणजे लोकांना...

अभिनयात नाव आजमावण्यासाठी अमोल कागणेने घटवले ७ किलो वजन

अभिनयात नाव आजमावण्यासाठी अमोल कागणेने घटवले ७ किलो वजन

मनोरंजन क्षेत्रात आपलं नशीब आजमावण्यासाठी अनेक हौशी कलावंत प्रयत्न करीत असतात. एका अभिनेत्यामध्ये अभिनयासोबतच त्याच्या दिसण्या-असण्याला अतिशय महत्त्व असतं. एक यशस्वी निर्माता म्हणून नावाजले गेल्यानंतर अमोल आपलं खरं पॅशन म्हणजेच अभिनयात नशीब आजमावणार आहे.अमोल कागणे हा...

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

तरुणाई म्हटलं की ओघाने प्रेम हे आलंच. प्रेम ही वैश्विक भावना आहे हे निर्विवाद आहे. शहर, देश, प्रांत वा गाव असा कोणताही भेदभाव न करता ही भावना सर्व ठिकाणी सारखीच असते. प्रेम ही भावनाच इतकी तीव्र असते की त्यापुढे जात, धर्म, पत, प्रतिष्ठा ई. ना स्थान नसते. प्रेमापुढे...

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

निवडणुकीच्या धामधुमीत अनेक विषयांना राजकारणी हात घालताना दिसताहेत. रोज नवनवीन आश्वासनं ऐकायला मिळताहेत. सध्या मतदार राजा असल्यामुळे मतदाराला विविध प्रलोभनं दाखवून मतपरिवर्तन केले जात असतानाच व्ही.पी.वर्ल्ड मुव्हीज, न्यू टॅलेंट सर्च मुव्हीज , प्रस्तुत डॉ.प्रवीण भुजबळ व...

About The Author