कोमेडीचे बादशाह, ह्यांचे नाव घेताच आठवतात असंख्य मजेदार फिल्मी सीन्स..!!

कोमेडीचे बादशाह, ह्यांचे नाव घेताच आठवतात असंख्य मजेदार फिल्मी सीन्स..!!

 

२०१९ च्या पहिल्याच दिवशी ‘कादर खान’ यांना देवाज्ञा झाल्याची संपूर्ण बॉलिवूडवासीयांच्या कानावर दुःखद बातमी धडकली आणि जो तो त्यांच्या आठवणीत हरवून गेला. खरंच खरा किंग खान कोण असेल तर ते होते कादर खान. साधारण १९७५ ते १९९५ च्या काळात कादर खान हे नाव बॉलिवूड मध्ये चांगलेच गाजत होते. स्वतः पटकथा लिहून कित्येक सुपरहिट सिनेमे कादर खान यांनी बॉलिवूडला दिलेले आहेत. त्यांची पहिली जोरदार जोडी जमली ती अँग्री यंग मॅन अमिताभ बच्चन बरोबर. अमिताभच्या खात्यातले हम, सुहाग, याराना, नसीब, मुकद्दर का सिकंदर, शराबी, मिस्टर नटवरलाल, अमर अकबर अँथॉनी, गंगा जमुना सरस्वती, खून पासीना हे सगळे सुपर डुपर हिट चित्रपट लिहिले आहेत कादर खान यांनीच. लहानपणी गरिबीत काढलेला हिरो मोठा होऊन कसा जुलमी जमान्याशी लढतो अश्या आशयाचे त्यांचे सिनेमे कायम खूप गाजले.

 

 

READ ALSO :  वेबसिरीज क्षेत्रातही रोवला मराठी झेंडा.. पहा कोण कोण गाजवतायत आपले नाव हिंदी आणि मराठी वेबसिरीज मध्ये

स्वतः आयुष्य अत्यंत गरिबीत काढल्याने आणि स्वतःच्या आईला आजारपणामुळे गमावल्याने कादर खान तरुणपणातच खूप खचलेले होते पण पुढे नाटक आणि सिनेमा क्षेत्रात येऊन त्यांनी भरपूर नाव आणि पैसे कमावले. त्यांच्या सिनेमांची खासियत अशी की त्यातील डायलॉग खूप धमाकेदार असायचे. चित्रपट पाहून प्रेक्षक बाहेर पडले की त्यांच्या तोंडी एकेक डायलॉग कित्येक महिने असायचे. कादर खान हे फक्त लेखक नसून ते स्वतः कलाकारसुद्धा होते आणि अत्यंत ताकदीचा अभिनय ते सहज करायचे हे आपल्या सगळ्यांना माहीतच आहे. गोविंदा आणि कादर खान ह्यांची केमिस्ट्री म्हणजे लोकांसाठी हास्यलॉटरीच होती.. त्यांचे सगळे चित्रपट म्हणजे रसिकांसाठी पर्वणी. कुठलेही टेन्शन असो त्यावर हमखास रामबाण उपाय म्हणजे कादर खान – गोविंदा ह्यांच्या चित्रपट..!! फक्त अमिताभ आणि गोविंदाच नाही तर त्यांच्या बरोबर काम करणाऱ्या प्रत्येक अभिनेत्याबरोबर कादर खान ह्यांची भट्टी चांगलीच जमायची. लहान मुळापासून ते म्हाताऱ्या माणसांपर्यंत असा त्यांचाही चाहता वर्ग होता. १९८० ते २००० मधले त्यांचे सिनेमे अजूनही टीव्ही वर लागल्यास त्यांचे चाहते आवर्जून बघतात

विनोदी भूमिकांबरोबर, चरित्र भूमिकाही कादर खान ह्यांनी खूपच छान रंगवल्या. इतकेच नाही तर खलनायक म्हणून सुद्धा त्यांनी कित्तेक चित्रपट गाजवले. पण ते रसिकांच्या मनात एक विनोदवीर म्हणून जास्ती लक्षात राहतील हे नक्की. जितके ते एक अभिनेते म्हणून लक्षात राहतात तितकेच ते एक भन्नाट डायलॉग लेखक म्हणून देखील लक्षात राहतात. उर्दू मिश्रित त्यांचे मोठे मोठे डायलॉग असो की मजेदार हलके फुलके डायलॉग पण रसिकांची दाद सगळ्यांनाच सारखी मिळत गेली. ३०० हुन जास्ती सिनेमात काम करून त्यांनी आपल्या अदाकारीच्या वेगवेगळ्या छटा दाखवून दिल्या. गेले काही वर्षे आजारपणामुळे मात्र त्यांनी बॉलिवूडला रामराम ठोकला आणि शेवटी आजारपणाला शरण जाऊन आयुष्याला..!! त्यांच्या जाण्याने बॉलिवूडचा एक मोठा सितारा निखळला आहे. सगळ्या दिग्गजांनी त्यांच्या एक्सिट बद्दल खंत व्यक्त केली आहे. तब्बल दोन दशके आम्हाला सगळ्यांना आपल्या अभिनयाने हसू तर कधी असू देणाऱ्या ह्या उत्तम अभिनेत्याला फिल्मीभोंगा तर्फे भावपूर्ण श्रद्धांजली..!!

अमेय वाघला मिळाली त्याची ‘गर्लफ्रेंड’ अलिशा…

अमेय वाघला मिळाली त्याची ‘गर्लफ्रेंड’ अलिशा…

अमेय वाघ आणि सई ताम्हणकर पहिल्यांदाच दिसणार एकत्रअभिनेता अमेय वाघने काही दिवसांपूर्वी सोशल मिडीयावर टाकलेल्या विविध पोस्टमुळे त्याला आगामी चित्रपटात ‘गर्लफ्रेंड’ मिळणार की नाही? असा विषय सर्वत्र चर्चिला जात होता. आघाडीच्या अभिनेत्रींनी सोशल मीडियातून थेट अमेयला...

नात्यांची लज्जतदार गुंफण असलेला ‘मीडियम स्पाइसी’ 

नात्यांची लज्जतदार गुंफण असलेला ‘मीडियम स्पाइसी’ 

 नाटककार मोहित टाकळकर यांचे मराठी चित्रपट दिग्दर्शनात पदार्पण कधी बाहेर जेवायला गेलं आणि मेन्यू कार्ड मध्ये एखाद्या रेसिपी पुढे स्पाइसी हा शब्द दिसताच काहीजण आनंदून जातात, मात्र ऑर्डर देतांना बहुतांश लोक ही ‘मीडियम स्पाइसी’ देतात असे अनेकदा दिसून येते म्हणजे लोकांना...

अभिनयात नाव आजमावण्यासाठी अमोल कागणेने घटवले ७ किलो वजन

अभिनयात नाव आजमावण्यासाठी अमोल कागणेने घटवले ७ किलो वजन

मनोरंजन क्षेत्रात आपलं नशीब आजमावण्यासाठी अनेक हौशी कलावंत प्रयत्न करीत असतात. एका अभिनेत्यामध्ये अभिनयासोबतच त्याच्या दिसण्या-असण्याला अतिशय महत्त्व असतं. एक यशस्वी निर्माता म्हणून नावाजले गेल्यानंतर अमोल आपलं खरं पॅशन म्हणजेच अभिनयात नशीब आजमावणार आहे.अमोल कागणे हा...

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

तरुणाई म्हटलं की ओघाने प्रेम हे आलंच. प्रेम ही वैश्विक भावना आहे हे निर्विवाद आहे. शहर, देश, प्रांत वा गाव असा कोणताही भेदभाव न करता ही भावना सर्व ठिकाणी सारखीच असते. प्रेम ही भावनाच इतकी तीव्र असते की त्यापुढे जात, धर्म, पत, प्रतिष्ठा ई. ना स्थान नसते. प्रेमापुढे...

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

निवडणुकीच्या धामधुमीत अनेक विषयांना राजकारणी हात घालताना दिसताहेत. रोज नवनवीन आश्वासनं ऐकायला मिळताहेत. सध्या मतदार राजा असल्यामुळे मतदाराला विविध प्रलोभनं दाखवून मतपरिवर्तन केले जात असतानाच व्ही.पी.वर्ल्ड मुव्हीज, न्यू टॅलेंट सर्च मुव्हीज , प्रस्तुत डॉ.प्रवीण भुजबळ व...

About The Author