गावरान हास्य कलाकारांना मिळणार संधी ‘हसुदेव’ होण्याची

गावरान हास्य कलाकारांना मिळणार संधी ‘हसुदेव’ होण्याची !

भारतात stand-up कॉमेडीला मान मिळवून दिला तो म्हणजे लाफ्टर challenge या कार्यक्रमाने. त्यानंतर अशाप्रकारच्या कार्यक्रमांना उधाण आलं. पण कोणीही ग्रामीण बाजाचा कार्यक्रम बनविला नाही. त्यामुळे प्रेक्षकांपर्यंत फक्त शहरी विनोदच पोहोचला. फिल्मीभोंगा या मुंबईस्थित मनोरंजन क्षेत्रातील वेबसाईटने ‘गावरान कॉमेडी’ प्रेक्षकांपर्यंत पोहोचावी, यासाठी ‘हसुदेव’ नावाच्या एका ‘stand-up कॉमेडी स्पर्धेचं’ आयोजन केलेलं आहे. हि स्पर्धा महाराष्ट्रातील ग्रामीण भागात राहणाऱ्या हास्य कलाकारांना प्रेरणा देण्यासाठी व त्यांना एक हक्काचं व्यासपीठ देण्यासाठी घेण्यात येणार आहे.

या स्पर्धेची नांदी १५ जुलै २०१८ रोजी सातारा येथून होणार आहे. स्पर्धेची वेळ आहे सकाळी १० ते संध्याकाळी ५ वाजेपर्यंत व स्थळ आहे, श्री शाहू कला मंदिर, शुक्रवार पेठ,  सातारा. या स्पर्धेसाठी स्पर्धकांना त्यांनी स्वतः बनविलेले विनोद किंवा हास्यकृती ३ ते ५ मिनिट या वेळेत सादर करायच्या आहेत. तुम्ही उत्तम विनोद लिहू शकत असाल, तुम्हाला काही घटना किंवा माणसांचे स्वभाव विनोदी पद्धतीने सांगता येत असतील, तुम्हाला नट-नट्यांच्या किंवा राजकीय लोकांच्या नकला करता येत असतील, तुम्ही हास्यकविता लिहू शकत असाल किंवा कोणत्याही पद्धतीने तुम्हाला लोकांना हसविण्याची कला अवगत असेल तर हसुदेव या स्पर्धेत नक्की सहभागी व्हा. या स्पर्धेत शुद्ध मराठी बोलीचा अट्टाहास करण्यात आलेला नाही. तुम्ही तुमच्या भाषेत तुमची कला सादर करू शकता. या स्पर्धेची tagline आहे, “गावरान कॉमेडीचा मॉडर्न अवतार”. यावरून तुमच्या लक्षात आलंच असेल कि आयोजकांना नवीन विषय ग्रामीण बाजामध्ये अपेक्षित आहे.

       कित्येक स्पर्धकांच्या मनात हा हि प्रश्न आला असेल कि या कार्यक्रमाला ‘हसुदेव’ हेच नाव का देण्यात आलं ? तर धर्म नीतीच्या गोष्टी सांगुन ज्यांनी महाराष्ट्रातील जनतेची जनजागृती केली अशा ‘वासुदेव’ नामक लोककलाकारांना आपल्या समाजात मानाचं स्थान आहे. तशाच पद्धतीने लोकांना त्यांचं दुखः विसरून हसायला लावण्याचं समाजकार्य करण्याच्या हेतूने ‘हसुदेव’ हि संकल्पना राबविण्यात येत आहे. या स्पर्धेत विजयी ठरणाऱ्या स्पर्धकांना ‘हसुदेव’ हा बहुमान मिळणार आहे.

‘हसुदेव- गावरान कॉमेडीचा मॉडर्न अवतार’ या स्पर्धेसाठी ऑनलाइन पद्धतीने नावनोंदणी करण्यासाठी https://goo.gl/forms/SrU5savALtCmPRz52 या लिंकवर जाऊन

फॉर्म भरावा लागेल. फॉर्म भरण्याची अंतिम तारीख आहे १३ जुलै २०१८. जर तुम्हाला ऑनलाइन पद्धतीने नावनोंदणी करण्यास जमणार नसेल तर तुम्ही श्री शाहू कला मंदिर येथे १३ व १४ जुलै रोजी सकाळी १० ते संध्याकाळी ८ वाजे या वेळेमध्ये प्रत्यक्षात येऊन नावनोंदणी करू शकता. अधिक माहितीसाठी ८६५५५४२४५८ या व्हाट्सअप्प नंबरवर संपर्क करा.

या स्पर्धेच्या अटी व नियम
१. हसुदेव हि Stand-Up Comedy स्पर्धा आहे.
२. या स्पर्धेसाठी वयाचे कोणतेही बंधन नाही.
३. स्पर्धेसाठी ऑनलाइन नावनोंदणीची शेवटची तारीख १३ जुलै २०१८ आहे.
४. सदर स्पर्धेमध्ये सहभागी होण्यासाठी १३ जुलै व १४ जुलै २०१८ रोजी शाहू कला मंदिर, सातारा येथे प्रत्यक्ष येऊन नाव नोंदणी करता येऊ शकेल.
५. दिनांक १५ जुलै रोजी स्पर्धकांना आपली कला सादर करावी लागेल आणि त्याच दिवशी आपला पहिला हसुदेव म्हणजेच विजेता घोषित करण्यात येईल.
६. परीक्षकांचा निर्णय अंतिम राहील.
७. वरील अटी व नियमांमध्ये बदल करण्याचा अधिकार फिल्मिभोंगाला असेल व तो सर्वांवर बंधनकारक असेल.

अमेय वाघला मिळाली त्याची ‘गर्लफ्रेंड’ अलिशा…

अमेय वाघला मिळाली त्याची ‘गर्लफ्रेंड’ अलिशा…

अमेय वाघ आणि सई ताम्हणकर पहिल्यांदाच दिसणार एकत्रअभिनेता अमेय वाघने काही दिवसांपूर्वी सोशल मिडीयावर टाकलेल्या विविध पोस्टमुळे त्याला आगामी चित्रपटात ‘गर्लफ्रेंड’ मिळणार की नाही? असा विषय सर्वत्र चर्चिला जात होता. आघाडीच्या अभिनेत्रींनी सोशल मीडियातून थेट अमेयला...

नात्यांची लज्जतदार गुंफण असलेला ‘मीडियम स्पाइसी’ 

नात्यांची लज्जतदार गुंफण असलेला ‘मीडियम स्पाइसी’ 

 नाटककार मोहित टाकळकर यांचे मराठी चित्रपट दिग्दर्शनात पदार्पण कधी बाहेर जेवायला गेलं आणि मेन्यू कार्ड मध्ये एखाद्या रेसिपी पुढे स्पाइसी हा शब्द दिसताच काहीजण आनंदून जातात, मात्र ऑर्डर देतांना बहुतांश लोक ही ‘मीडियम स्पाइसी’ देतात असे अनेकदा दिसून येते म्हणजे लोकांना...

अभिनयात नाव आजमावण्यासाठी अमोल कागणेने घटवले ७ किलो वजन

अभिनयात नाव आजमावण्यासाठी अमोल कागणेने घटवले ७ किलो वजन

मनोरंजन क्षेत्रात आपलं नशीब आजमावण्यासाठी अनेक हौशी कलावंत प्रयत्न करीत असतात. एका अभिनेत्यामध्ये अभिनयासोबतच त्याच्या दिसण्या-असण्याला अतिशय महत्त्व असतं. एक यशस्वी निर्माता म्हणून नावाजले गेल्यानंतर अमोल आपलं खरं पॅशन म्हणजेच अभिनयात नशीब आजमावणार आहे.अमोल कागणे हा...

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

तरुणाई म्हटलं की ओघाने प्रेम हे आलंच. प्रेम ही वैश्विक भावना आहे हे निर्विवाद आहे. शहर, देश, प्रांत वा गाव असा कोणताही भेदभाव न करता ही भावना सर्व ठिकाणी सारखीच असते. प्रेम ही भावनाच इतकी तीव्र असते की त्यापुढे जात, धर्म, पत, प्रतिष्ठा ई. ना स्थान नसते. प्रेमापुढे...

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

निवडणुकीच्या धामधुमीत अनेक विषयांना राजकारणी हात घालताना दिसताहेत. रोज नवनवीन आश्वासनं ऐकायला मिळताहेत. सध्या मतदार राजा असल्यामुळे मतदाराला विविध प्रलोभनं दाखवून मतपरिवर्तन केले जात असतानाच व्ही.पी.वर्ल्ड मुव्हीज, न्यू टॅलेंट सर्च मुव्हीज , प्रस्तुत डॉ.प्रवीण भुजबळ व...

About The Author

Filmi Shinde

कथा, पटकथा, संवाद या तिन्ही विभागात प्राविण्य मिळवलेले सुशांत शिंदे सध्या चित्रपटलेखन, मालिकालेखन आणि डिजीटल क्षेत्रासाठी काम करत आहेत. सुशांत शिंदे याचं लेखन प्रेक्षकांना हास्य, रहस्य आणि नाट्य याच्या अद्भुत मिश्रणाने खिळवून ठेवतं. फिल्मी भोंगा या वेब पोर्टल साठी ते 'फिल्मी शिंदे' या नावाने ब्लॉग लिहितात.