दोन मेंदू आणि त्यात बुद्धीचा अर्क काढून भरलेला असला भन्नाट माणूस, पण दिसायला येडा गबाळा, तुम्ही बघितलाय?? हो बघितला. तर मग सांगा कीsssss कोण?

दोन मेंदू आणि त्यात बुद्धीचा अर्क काढून भरलेला असला भन्नाट माणूस, पण दिसायला येडा गबाळा, तुम्ही बघितलाय?? हो बघितला. तर मग सांगा कीsssss कोण?

 

दोन मेंदू , हो.. एका मेंदूचं काम शब्द साठवायचे आणि दुसऱ्या मेंदूचं काम त्या शब्दांचा कीस करायचा आणि त्यांना वेगवेगळ्या साच्यात घालून पुन्हा वेगळे आकार द्यायचे, रंग द्यायचे, अर्थ पण द्यायचे, म्हणजे मराठी भाषेवर केवढी सत्ता पाहिजे? येड्या गबाळ्याचं काम नाही ते… पण हा येडा गबाळा ते काम सटासट करायचा.. इतका सटासट की समोरचा आss वासून त्याच्याकडं बघतंच बसायचा. तो पर्यंत हा दुसऱ्या कामात बिझी व्हायचा.ह्या येड्या गबाळ्या चं डोकं म्हणजे येकदम पावर फुल. आणि त्याची आई बिचारी, गरीब, साधी, सरळ, भोळी, भाबडी. पण अख्या गावाच्या तक्रारी हिच्याकडं, आज तुझ्या पोरानं असं केलं, तुझ्या पोरानं फसवलं, तुझ्या पोरानं हे फोडलं, तुझ्या पोरानं काय केलं ते कळलंच नाई. असलं हे पोर अख्या गावाला येडं करायचं.  ह्याचा चेहेरा म्हणजे निरागस गायीच्या वासरा सारखा, काहीही केलं तरी माफ. ह्या माफीचं कारण काय होतं माहितीये? दुसऱ्या मेंदूचा अफलातून खेळ. एकाच शब्दाचे दोन अर्थ वापरून हा समोरच्यालाच  नाही,   तर आपल्याला सुद्धा येडं करायचा. आता कळलं असेल तुम्हाला कोण होता हा अफलातून अवलिया. “दादा  कोंडके”. गरीब गाईसारखा निरागस चेहेरा, ढगळ बंडी आणि खाली लोंम्बत्या नाडीची हाफ पॅन्ट, घरातून बाहेर सुटला की तोंड पण सुटायचं ह्याचं. बुद्धीचा अर्क तोंडातून बाहेर पडायचा. समोरचा नुसता ऐकायचा , नंतर त्याला कळायचं हा तर आपला बाप निघाला!!!!.

‘हजरजबाबी’ उत्तर ज्याच्या सुपीक डोक्यातून बाहेर यायचं  तो हजरजबाबी  अभिनेता म्हणजे ” दादा कोंडके” प्रत्येक वाक्यात दोन अर्थ लपलेले असायचे. त्यामुळे त्यांच्या सिनेमाची नावं सुद्धा दोन अर्थाची (dubble meaning) असायची. “मुका घ्या मुका”, “बोट लावीन तिथं गुदगुल्या” अहो ह्या दादांची दादागिरीच असली होती की सेन्सॉर बोर्डाचे अधिकारीच घाबरायचे दादा कोंडके चा सिनेमा सेन्सॉर करायला. हे वाक्य नको हे काढून टाका असं ते दादा कोंडकेंना म्हणाले तर दादा कोंडके म्हणायचे तुम्ही उलटा अर्थ काढू नका , सरळ अर्थ काढा म्हणजे ते वाक्य तुम्हाला चांगलं वाटेल हो. आणि हे अधिकारी गप गुमान चांगला अर्थ घेऊन सेन्सॉर पास करायचे दादांचे चित्रपट. दुसरे आणखी काही लोक घाबरायचे दादा कोंडकेच्या नवीन पिक्चरला, कारण हाऊस फुल्ल चालायचे हो हे पिक्चर, चाळीस चाळीस आठवडे एकच पिक्चर, आणि ते ही हाऊस फुल्ल. आता राज कपूर, देव आनंद , विजय आनंद, असले मोठे हिंदी सिनेमा वाले त्यांचे नवीन पिक्चर दादा कोंडकेंचा पिक्चर चालू असेल तर त्यांचा नवीन पिक्चर  रिलीज करायची तारीख पुढं ढकलायचे.  कारण घाबरायचे हे सगळे दिग्गज. राज कपूर यांनी तर त्यांच्या “बॉबी ” ह्या चित्रपटाची प्रदर्शनाची तारीख पुढे ढकलली होती. दादांचा “सोंगाड्या” ३७ आठवडे मुंबईत मुक्काम ठोकून होता. लावलेली पोस्टर्स १०/१० महिने उत्तरायचीच नाहीत. म्हणून हे मोठे हिंदी पिक्चर वाले दादांच्या नवीन चित्रपटांचा आधी अंदाज घ्यायचे, आणि नंतरच आपले चित्रपट रिलीज करायचे. अशी होती ‘दादांची दादागिरी’.

 
 

READ ALSO :  मर्डर पण परफेक्ट असतो बर का..!! आणि तो होणार लवकरच रंगमंचावर..!

“दादा कोंडके” म्हणजे अफलातून. कसे? त्यांचे एवढे चित्रपट हाऊस फुल झाले की ‘गिनीज बुक मध्ये त्याची नोंद झाली. ८ऑगस्ट १९३२ मध्ये नायगवच्या कामगार चाळीत जन्मलेले दादा कोंडके  “विच्छा माझी पुरी करा” ह्या नाटकातून मोठे झाले, आणि नंतर विनोदी चित्रपटांचे  ‘सम्राट’ झाले. भालजी पेंढारकरांच्या ‘तांबडी माती ‘ ह्या पहिल्या चित्रपटात त्यांनी कामाची सुरुवात केली. नंतर , एकटा जीव सदाशिव, पांडू हवालदार, सोंगाड्या, मुका घ्या मुका, बोट लावीन तिथं गुदगुल्या, असले ९ चित्रपट आले आणि सगळे कमीतकमी २५आठवडे चालले. आशा ह्या अफलातून अवलीयचा हात कुणी धरलाच नाही.अशा ह्या येड्या गबाळ्या, दोन मेंदूतून दोन अर्थ काढणाऱ्या  मराठी  विनोदाच्या बादशहाला फिल्मी भोंगाचा सलाम……

अमोल कागणे करतोय ‘बाप्पा मोरया’चा जयघोष

अमोल कागणे करतोय ‘बाप्पा मोरया’चा जयघोष

अमोल कागणे आणि प्रदीप पंडित कालेलकर म्हणतात ,'बाप्पा मोरया' अभिनय आणि निर्मितीमूल्यांचा अचूक जाणकार असलेला अमोल कागणे हा तरुण नेहमीच मनोरंजनक्षेत्रात काहीना काही तरी वेगळेपणा आणण्यासाठी धडपडत असतो. नाटक आणि चित्रपटांच्या माध्यमातून आत्तापर्यंत अमोलने अनेक सामाजिक...

वैदर्भीय टॅलेंट जगासमोर आणायचंय – दिग्दर्शक प्रीतम पाटील

वैदर्भीय टॅलेंट जगासमोर आणायचंय – दिग्दर्शक प्रीतम पाटील

'खिचिक'च्या निमित्ताने प्रितमसोबत केलेली ही खास बातचीत... विदर्भातल्या यवतमाळ या छोट्याशा जिल्हयातुन आपलं नशीब आजमावायला आलेला प्रितम मराठी मनोरंजनसृष्टीसाठी नवसंजीवनी देणारं टॅलेंटच म्हटलं पाहिजे. पेशाने सॉफ्टवेअर इंजिनिअर असणारा प्रितम खरंतर यूपीएससीची परीक्षा...

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

पळशीची पीटी' मधून दिसणार गुरु शिष्यांचा अनोखा मिलाप'लागीरं झालं जी' फेम शीतलीच्या काकाची भूमिका निभावणारे धोंडिबा बाळू कारंडे हे नाव सध्या चर्चेत आहे ते म्हणजे 'पळशीची पीटी' या चित्रपटामुळे. येत्या २३ ऑगस्टला महाराष्ट्रात सर्वत्र प्रदर्शित होणारा 'पळशीची पीटी' हा...

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

About The Author