बालपणातल्या भावविश्वात पुन्हा घेऊन जाणारा चित्रपट लवकरच येतोय.. तुमच्या भेटीला..!!

बालपणातल्या भावविश्वात पुन्हा घेऊन जाणारा ‘राष्ट्रीय पुरस्कार’ विजेता चित्रपट लवकरच येतोय.. तुमच्या भेटीला..!!

 

आपल्या लहानपणी आपण किती  बावळट होतो हे आत्ताच्या लहान मुलांची तल्लख बुद्धी, त्यांची आकलन शक्ती बघितली की सगळ्याच वयानी मोठ्या झालेल्या लोकांना वाटायला लागलंय. कारण ही मुलं त्यांच्या जन्मापासूनच टी व्ही बघतायत, अँड्रॉइड मोबाईल सुद्धा सहज हाताळतात. मोबाईलची काही काही ऑपरेशन्स कशी असतात ते ही मुलं आपल्याला समजावून सांगतात. म्हणजे आपण किती मागे आहोत ह्याची जाणीव निश्चितच होते नाहीका ? पण आपण मोठे आणि ती मुलं लहान म्हणून काही गोष्टी आपण त्यांना दम देऊन करायला लावतो. मग ती मुलं बुचकळ्यात पडतात. कदाचित कधी दुखावले जातात किंवा कधी त्यांच्यात ईर्षा निर्माण होते. असं त्यांचं ‘नाजूक भाव विश्व’ कसं जपायचं हा मोठा प्रश्नच उभा राहतो.

आता चाळ संस्कृती किंवा वाडा संस्कृती संपुष्टात आली आहे. आता लोक सोसायट्यांमध्ये राहायला जातात, फ्लॅट संस्कृती हे त्याचं नाव. त्यामुळे, मुलं पटकन एकत्र येऊन वेगवेगळे खेळ खेळायला लागतात, पण त्यांचे आई वडील इतके पटकन एकत्र येत नाहीत. काहींना इगो असतो तर काहींच्या मनात न्यूनगंड. काही असतात अघळपघळ कुठेही धडक मारून ओळख करून घेणारे. काही नुसतेच सल्ले देणारे. काही राजकारणातले तर काही खडूस. हे सगळे एकत्र आले की काय काय गमती जमती होत असतील हे प्रत्यक्ष अनुभवल्यावरच कळणार. हे सगळं अनुभवायचं म्हणजे काय करायला लागेल ?  काहीनाही फक्त एक सिनेमा बघायचा…. होsssss  फक्त एक सिनेमा बघायचा. ह्या निरागस मुलांचा लपाछपीचा खेळ बघायचा त्यांनी एकमेकांना पाठीत दिलेला ‘धप्पा’ बघून आपल्या लहानपणी आपण दिलेला “धप्पा” आठवून सुखावून जायचंय. आपणही हे खेळ खेळलो होतो, ह्याची आठवण प्रत्येकाला झाल्याशिवाय राहणार नाही . म्हणून हा सिनेमा बघायचा आहे. ‘गणपती उत्सव’ आणि त्यात केलेले कार्यक्रम ह्याचा ह्या मुलांनी केलेल्या कार्यक्रमांच्या तयारीचा आणि त्यात मोठ्यांनी आणलेल्या अडथळ्यांचा होणारा परिणाम अनुभवायचाय. ह्यात कोण कुठे चुकतो, का बरोबर असतो ह्या गमतीदार उठाठेवी परत अनुभवायच्या आहेत. तरी पण काही वेगळं सांगून जाणारा हा चित्रपट आहे

 

READ ALSO :  वेबसिरीज क्षेत्रातही रोवला मराठी झेंडा.. पहा कोण कोण गाजवतायत आपले नाव हिंदी आणि मराठी वेबसिरीज मध्ये

ह्या काहीतरी वेगळ्या असणाऱ्या सिनेमाचं नाव आहे “”धप्पा””.  लहान मुलांच्या भावनां आणि मोठ्यांना ही काही सांगून जाणारा हा चित्रपट आहे . एक चांगली कलाकृती. ह्या चित्रपटाने मिळवला आहे ” राष्ट्रीय पुरस्कार “. म्हणजे सगळ्यांनीच पहावा असा चित्रपट आहे. ह्यात अनेक मराठी दिग्गज कलावंत वेगवेगळ्या भूमिका साकारणार आहेत. निपुण धर्माधिकारी ह्या चित्रपटाचे दिग्दर्शक आहेत, आणि प्रमुख भूमिका साकारणार आहेत  ‘इरावती हर्षे’,  ‘गिरीश कुलकर्णी’, ‘सुनील बर्वे’, श्रीकांत यादव, उमेश जगताप, आणि बरेच बाल कलावंत. येत्या १ फेब्रुवारीला हा चित्रपट संपूर्ण महाराष्ट्रभर प्रदर्शित होणार आहे. तारीख लक्षातच ठेवा. 

अमेय वाघला मिळाली त्याची ‘गर्लफ्रेंड’ अलिशा…

अमेय वाघला मिळाली त्याची ‘गर्लफ्रेंड’ अलिशा…

अमेय वाघ आणि सई ताम्हणकर पहिल्यांदाच दिसणार एकत्रअभिनेता अमेय वाघने काही दिवसांपूर्वी सोशल मिडीयावर टाकलेल्या विविध पोस्टमुळे त्याला आगामी चित्रपटात ‘गर्लफ्रेंड’ मिळणार की नाही? असा विषय सर्वत्र चर्चिला जात होता. आघाडीच्या अभिनेत्रींनी सोशल मीडियातून थेट अमेयला...

नात्यांची लज्जतदार गुंफण असलेला ‘मीडियम स्पाइसी’ 

नात्यांची लज्जतदार गुंफण असलेला ‘मीडियम स्पाइसी’ 

 नाटककार मोहित टाकळकर यांचे मराठी चित्रपट दिग्दर्शनात पदार्पण कधी बाहेर जेवायला गेलं आणि मेन्यू कार्ड मध्ये एखाद्या रेसिपी पुढे स्पाइसी हा शब्द दिसताच काहीजण आनंदून जातात, मात्र ऑर्डर देतांना बहुतांश लोक ही ‘मीडियम स्पाइसी’ देतात असे अनेकदा दिसून येते म्हणजे लोकांना...

अभिनयात नाव आजमावण्यासाठी अमोल कागणेने घटवले ७ किलो वजन

अभिनयात नाव आजमावण्यासाठी अमोल कागणेने घटवले ७ किलो वजन

मनोरंजन क्षेत्रात आपलं नशीब आजमावण्यासाठी अनेक हौशी कलावंत प्रयत्न करीत असतात. एका अभिनेत्यामध्ये अभिनयासोबतच त्याच्या दिसण्या-असण्याला अतिशय महत्त्व असतं. एक यशस्वी निर्माता म्हणून नावाजले गेल्यानंतर अमोल आपलं खरं पॅशन म्हणजेच अभिनयात नशीब आजमावणार आहे.अमोल कागणे हा...

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

तरुणाई म्हटलं की ओघाने प्रेम हे आलंच. प्रेम ही वैश्विक भावना आहे हे निर्विवाद आहे. शहर, देश, प्रांत वा गाव असा कोणताही भेदभाव न करता ही भावना सर्व ठिकाणी सारखीच असते. प्रेम ही भावनाच इतकी तीव्र असते की त्यापुढे जात, धर्म, पत, प्रतिष्ठा ई. ना स्थान नसते. प्रेमापुढे...

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

निवडणुकीच्या धामधुमीत अनेक विषयांना राजकारणी हात घालताना दिसताहेत. रोज नवनवीन आश्वासनं ऐकायला मिळताहेत. सध्या मतदार राजा असल्यामुळे मतदाराला विविध प्रलोभनं दाखवून मतपरिवर्तन केले जात असतानाच व्ही.पी.वर्ल्ड मुव्हीज, न्यू टॅलेंट सर्च मुव्हीज , प्रस्तुत डॉ.प्रवीण भुजबळ व...

About The Author