“एक निर्णय” मग तो आयुष्याच्या कोणत्या वळणावर घ्यायचा ? आणि नाही घेतला तर?

“एक निर्णय” मग तो आयुष्याच्या कोणत्या वळणावर घ्यायचा ? आणि नाही घेतला तर?

डिसेंबर महिना संपत आलाय, नवीन वर्षात आपण सगळेच पदार्पण करणार आहोत. ह्या वर्षी आपल्या हातून काही गोष्टी राहून गेल्यात ज्या खूप महत्वाच्या होत्या , पण राहिल्या बुवा. बघू आता पुढच्या वर्षात करू, बघू जमणार आहेत का? असा बहुतेकांचा विचार ठरतो, पण नवीन वर्षात पाऊल ठेवल्यावर आणखी काही नवीन गोष्टी समोर येतात, कधी त्या चांगल्या असतील तर कधी त्रासदायक, आणि मग चांगल्या असतील तर त्यात आपण हुरळून जातो , आणि त्यातच नकळत गुरफटुन जातो. पण वाईट असतील तर आपण त्यातून मार्ग काढण्यात आपला अमूल्य वेळ घालवतो. नाईलाज असतो, काय करणार? त्या नंतर परत चांगल्या वाईट घटना येत राहतात आणि ठरवलेल्या कोणत्याच गोष्टी होत नाहीत. कारण आपण त्या पूर्ण करण्याचा ठाम असा एक निर्णय घेतलेला नसतो. जोपर्यंत  घेतलेला निर्णय काहीही करून पूर्ण करायचा असा निश्चय होत नाही तो पर्यंत ठरवलेले मनसुबे असेच हवेत विरून जातात.

काही पुरुष मंडळी ३१ तारखेला निर्णय घेतात, आजपासून सिगरेट सोडली. आणि चारच दिवसांनंतर काहीतरी डोक्याला खुराक मिळतो, मग हातात लाडकी सिगरेट घेतल्याशिवाय डोक्याचा खुराक जात नाही. पुन्हा व्यसन आपल्यावर ताबा मिळवतं. आणि केलेला संकल्प धुरात मिसळून जातो. वजन कमी करण्याच्या संकल्प किती जण करतात हो? पण तो तर कधी टिकतंच नाही. तिसऱ्या दिवशी अंग दुखण्याच्या बहाण्याने फुल स्टॉप मिळतो. आता हे असले छोटे छोटे संकल्प मोडीत निघतात तर मग मोठा निर्णय तर लांबच राहिला. पण काही लोकांना असे काही मोठे निर्णय  घ्यावे लागतात. आणि ते टिकण्यासाठी खूप आटा पिटा करावा लागतो. घर बांधायचा निर्णय, नातं निभावण्याचा निर्णय, नात्यापासून दूर जाण्याचा निर्णय, नातं पुन्हा दृढ करण्याचा निर्णय, हे आणि असे सगळे निर्णय आयुष्यात काही जणांना घ्यावे लागतात, त्यातून काही आपल्याला लाभ होणार म्हणून घेतले जातात, काही आनंद निर्माण करणारे असतात तर काही दुःख. पण हे निर्णय घ्यायलाच लागतात.  जर ते नाही घेतले तर वेळ निघून जाते आणि पश्चाताप करायची पाळी येते.

 

READ ALSO :  फॉरेन रिटर्न नाही आमच्याकडे येतोय डोंबिवली रिटर्न.. लवकरच…

एक योग्य निर्णय हा अनेक  चांगल्या गोष्टी जुळवून आणतो, समाधान देतो , पण चुकीचा निर्णय गोत्यात आणतो. म्हणून कोणता निर्णय कधी घ्यायचा , हे ज्याचे त्यानेच ठरवायचे असते. पण एक तरी निर्णय प्रत्येकाला घ्यावाच लागतो. असाच  “” एक निर्णय”” ज्या निर्णयाचे काय पडसाद उमटतात हे आपल्याला रुपेरी पडद्यावर पहाचंय, कसा आहे तो जीवनातला अत्यंत महत्वाचा निर्णय.  ‘एका निष्णात डॉक्टरच्या घरात त्याच्या पत्नीने घेतलेला निर्णय.’  लहान मुलांवर प्रेम करणारा लहान मुलांचाच डॉक्टर, एक मितभाषी डॉक्टर, पण त्याच्या पत्नीने घेतलेल्या निर्णयामुळे सगळ्या कुटुंबाच्या जीवनात काय परिवर्तन होतं? सुखद का? त्रासदायक असतो तो निर्णय? हे आपल्याला नवीन वर्षाच्या सुरुवातीला अनुभवायला मिळणार आहे, ह्या नवीन कोऱ्या मराठी चित्रपटात कोण कोण कलाकार आहेत माहितीये? मुख्य म्हणजे आत्ता बॉक्स ऑफिसवर दणक्यात चाललाय त्या “आणि डॉ. काशीनाथ घाणेकर ” ह्या भन्नाट चित्रपटाचा नायक, म्हणजे ‘सुबोध भावे’, आणि त्याच्या बरोबर असणार आहे ‘मधुरा’, वेलणकर. आणखी एक नवीन अभिनेत्री ह्यात दिसणार आहे  ती म्हणजे “कुंजिका”. आता कोणाचं कोणाशी काय नातं ह्याची मजा  चित्रपटातच बघितलेलं बरं.  पण अतिशय चांगली कथा, अतिशय चांगलं संगीत, आणि अतिशय चांगलं दिग्दर्शन . म्हणजे “”एक निर्णय””, आणि हा चित्रपट  झळकणार आहे  नवीन वर्षातल्या  १८ जानेवारी पासून.

अमोल कागणे करतोय ‘बाप्पा मोरया’चा जयघोष

अमोल कागणे करतोय ‘बाप्पा मोरया’चा जयघोष

अमोल कागणे आणि प्रदीप पंडित कालेलकर म्हणतात ,'बाप्पा मोरया' अभिनय आणि निर्मितीमूल्यांचा अचूक जाणकार असलेला अमोल कागणे हा तरुण नेहमीच मनोरंजनक्षेत्रात काहीना काही तरी वेगळेपणा आणण्यासाठी धडपडत असतो. नाटक आणि चित्रपटांच्या माध्यमातून आत्तापर्यंत अमोलने अनेक सामाजिक...

वैदर्भीय टॅलेंट जगासमोर आणायचंय – दिग्दर्शक प्रीतम पाटील

वैदर्भीय टॅलेंट जगासमोर आणायचंय – दिग्दर्शक प्रीतम पाटील

'खिचिक'च्या निमित्ताने प्रितमसोबत केलेली ही खास बातचीत... विदर्भातल्या यवतमाळ या छोट्याशा जिल्हयातुन आपलं नशीब आजमावायला आलेला प्रितम मराठी मनोरंजनसृष्टीसाठी नवसंजीवनी देणारं टॅलेंटच म्हटलं पाहिजे. पेशाने सॉफ्टवेअर इंजिनिअर असणारा प्रितम खरंतर यूपीएससीची परीक्षा...

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

पळशीची पीटी' मधून दिसणार गुरु शिष्यांचा अनोखा मिलाप'लागीरं झालं जी' फेम शीतलीच्या काकाची भूमिका निभावणारे धोंडिबा बाळू कारंडे हे नाव सध्या चर्चेत आहे ते म्हणजे 'पळशीची पीटी' या चित्रपटामुळे. येत्या २३ ऑगस्टला महाराष्ट्रात सर्वत्र प्रदर्शित होणारा 'पळशीची पीटी' हा...

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

About The Author