गोंडस चेहरा असूनही खलनायकी रूपातच का आवडतोय जितेंद्र जोशी?

गोंडस चेहरा असूनही खलनायकी रूपातच का आवडतोय जितेंद्र जोशी?

कित्येक वर्षे मराठी सिरिअल्स, मराठी दर्जेदार नाटकं आणि चित्रपटातून नावारूपाला आलेले एक नाव म्हणजे जितेंद्र जोशी. जितेंद्र जोशी हे नाव आता घराघरात पोहोचलेले आहे. चेहरा अगदी गोंडस आणि हावभाव लाडिक करणारा जितेंद्र जोशी हल्ली एकदम बॅड मॅन च्या वेशात आणि आवेशात वावरतोय. भावविभोर नाट्यकलाकृती, हलक्या फुलक्या सिरिअल्स तर कधी कुठे  कार्यक्रमाचे सूत्रसंचालन करणाऱ्या जितेंद्र जोशीला कोणी स्वप्नात सुद्धा खलनायक म्हणून पाहू शकत नाही. त्यातून ‘संत तुकाराम’ सारख्या सोज्वळ चित्रपटात काम केलेल्या जितेंद्र जोशीला कोणी आणि कधी खलनायकाचे रूप दिले असावे बुवा..?

दुनियादारी ह्या संजय जाधवच्या बिग बजेट, बॉलिवूड स्टाईलच्या चित्रपटातून खरे तर जितूचे हे खलनायकी रूप नावारूपाला आहे. ‘म्हेवने म्हेवने अन म्हेवण्यांचे पाव्हने…’ असे म्हणत जितेंद्रने चाहत्यांच्या मनावर गारुडच केले. इस्टमन कलरच्या जमान्यातील चित्रपटात असायचे तसा बेलबॉटम घातलेला, लांब कुरळ्या केसांचा, भीतीदायक व्हिलन जितेंद्रनी भारीच रंगवला.

 
 

READ ALSO : अनिकेत विश्वासराव चढणार बोहल्यावर

श्रेयस तळपदे विरुद्ध बाजी चित्रपटात डोक्याचा गुळगुळीत गोटा घेऊन मार्तंड ह्या पात्राचा प्रयोगही जीतून स्वतःवर केला. दुनियदारीचा सम्राट कोलते – पाटील आणि बाजी मधला मार्तंड दोघेही खलनायक लोकांना खूपच आवडले. आपल्या अभिनयाच्या जोरावर असे वेगवेगळे प्रयोग केल्याने जितू चांगलाच चमकला. इतका चमकला की नेटफलिक्स च्या ‘सेक्रेड गेम्स’ ह्या वेब सिरीज मध्ये देखील त्याला ‘काटकर’ ह्या पात्राची दमदार भूमिका मिळाली. सैफ अली खान, राधिका आपटे, नावझुद्दीन सिद्दीकी ह्यांच्यासारख्या तगड्या अभिनेत्यांच्या फौजेपुढे आपला जितेंद्र जोशी पुरून उरला. शरीराची हालचाल, विशिष्ट लकब, उत्कृष्ट अभिनय, पात्राची जाण, विविध प्रयोग स्वतःवर करून घ्यायची हिम्मत आणि इच्छा ह्या सगळ्याच गोष्टी जितेंद्रला एक चांगला अभिनेता आणि त्या उप्पर एक लक्षात राहील असा खलनायक म्हणून सिद्ध करतात. आता तर खलनायक म्हणजे जितू असेच काहीसे समीकरण झाल्याचे दिसून येत आहे. आणि त्याचा प्रत्येक खलनायक आणि त्याचा रंग ढंग अगदी वेगळा आहे बरं का..!

रितेश देशमुखच्या आगामी ‘माऊली’ या मराठी चित्रपटात देखील जितेंद्र जोशीला मुख्य खलनायकाची भूमिका मिळाली आहे. ट्रेलर पाहता त्याच्या खलनायकाच्या पात्राची भीषणता लक्षात येते. एखाद्यावर चांगलीच जरब बसेल अश्या पद्धतीचे खलनायकी रूप घेऊन जितू आपल्या समोर येत आहे. हिरोच्या बरोबरीने उत्तम खलनायक असे समीकरण आपण रितेशच्या पहिल्या सिनेमात म्हणजेच लै भारी मध्ये पहिलेच आहे. त्यात शरद केळकर ह्या अभिनेत्याने खलनायक वठवला होता. पण माऊली मध्ये देखील तोडीस तोड खलनायक म्हणून आपला जितू उभा ठाकला आहे. रितेशच्या माऊली ह्या पात्राला म्हणजेच हिरोला तो खलनायक म्हणून भारी पडणार हे नक्की.

सतत त्याच त्याच भूमिकेत न अडकता वेगवेगळ्या भूमिकांना जितू उत्तम रित्या न्याय देत आहे. आपला साधा चेहरा, किरकोळ कद काठी, बारीक आवाज ह्यांच्यातील कमतरता बाजूला सारून त्याचा योग्य तऱ्हेने उपयोग कसा करता येईल ह्याचे गमक जीतूला चांगलेच गवसले आहे. त्यामुळे मूर्ती लहान वाटली  तरी त्याची कीर्ती महान बनत चालली आहे. जितेंद्र हा एक चांगला अभिनेता आहेच पण तो लेखक आणि कवी देखील आहे.

सूत्रसंचालन करताना आपली स्क्रिप्ट जितू स्वतःच लिहितो.  ‘कोंबडी पळाली’ हे जत्रा सिनेमातील मजेदार गाणं त्याचंच बरं का..!!  ह्या पुढे त्याच्या ह्या इतर कलागुणांचे दर्शनही सतत चाहत्यांना घडो अशी आशा…!! बाकी ह्यापुढे जिंतेंद्र म्हटलं की ‘डोळ्यात फक्त भीतीच दिसणार’ असच वाटतंय..

अमेय वाघला मिळाली त्याची ‘गर्लफ्रेंड’ अलिशा…

अमेय वाघला मिळाली त्याची ‘गर्लफ्रेंड’ अलिशा…

अमेय वाघ आणि सई ताम्हणकर पहिल्यांदाच दिसणार एकत्रअभिनेता अमेय वाघने काही दिवसांपूर्वी सोशल मिडीयावर टाकलेल्या विविध पोस्टमुळे त्याला आगामी चित्रपटात ‘गर्लफ्रेंड’ मिळणार की नाही? असा विषय सर्वत्र चर्चिला जात होता. आघाडीच्या अभिनेत्रींनी सोशल मीडियातून थेट अमेयला...

नात्यांची लज्जतदार गुंफण असलेला ‘मीडियम स्पाइसी’ 

नात्यांची लज्जतदार गुंफण असलेला ‘मीडियम स्पाइसी’ 

 नाटककार मोहित टाकळकर यांचे मराठी चित्रपट दिग्दर्शनात पदार्पण कधी बाहेर जेवायला गेलं आणि मेन्यू कार्ड मध्ये एखाद्या रेसिपी पुढे स्पाइसी हा शब्द दिसताच काहीजण आनंदून जातात, मात्र ऑर्डर देतांना बहुतांश लोक ही ‘मीडियम स्पाइसी’ देतात असे अनेकदा दिसून येते म्हणजे लोकांना...

अभिनयात नाव आजमावण्यासाठी अमोल कागणेने घटवले ७ किलो वजन

अभिनयात नाव आजमावण्यासाठी अमोल कागणेने घटवले ७ किलो वजन

मनोरंजन क्षेत्रात आपलं नशीब आजमावण्यासाठी अनेक हौशी कलावंत प्रयत्न करीत असतात. एका अभिनेत्यामध्ये अभिनयासोबतच त्याच्या दिसण्या-असण्याला अतिशय महत्त्व असतं. एक यशस्वी निर्माता म्हणून नावाजले गेल्यानंतर अमोल आपलं खरं पॅशन म्हणजेच अभिनयात नशीब आजमावणार आहे.अमोल कागणे हा...

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

तरुणाई म्हटलं की ओघाने प्रेम हे आलंच. प्रेम ही वैश्विक भावना आहे हे निर्विवाद आहे. शहर, देश, प्रांत वा गाव असा कोणताही भेदभाव न करता ही भावना सर्व ठिकाणी सारखीच असते. प्रेम ही भावनाच इतकी तीव्र असते की त्यापुढे जात, धर्म, पत, प्रतिष्ठा ई. ना स्थान नसते. प्रेमापुढे...

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

निवडणुकीच्या धामधुमीत अनेक विषयांना राजकारणी हात घालताना दिसताहेत. रोज नवनवीन आश्वासनं ऐकायला मिळताहेत. सध्या मतदार राजा असल्यामुळे मतदाराला विविध प्रलोभनं दाखवून मतपरिवर्तन केले जात असतानाच व्ही.पी.वर्ल्ड मुव्हीज, न्यू टॅलेंट सर्च मुव्हीज , प्रस्तुत डॉ.प्रवीण भुजबळ व...

About The Author