लव्ह यु जिंदगी

लव्ह यु जिंदगी

शाहरुख खान आणि आलिया भट्ट चा ‘लव्ह यु जिंदगी’ सिनेमा तुम्ही पहिलाच असेल. आता ह्याच नावाचा सिनेमा मराठीत सुद्धा येतोय. 

काय म्हणालात? ट्रेलर नाही आला? आणि गाणं ही नाही रिलीज झालंय? अगदी खरंय तुमचं म्हणणं. 

मधल्या काळात ‘आमची मुंबई’ नावाचं रिलीज झालेलं गाणं तुम्ही पहिलाच असेल ना..! किती ट्रोल केलं गेलं आपल्या महागुरूंना म्हणजेच सचिन जी पिळगावकारांना. मग आता कदाचित ते ताकही फुंकून पित असतील आणि आधीच बोलबाला करून ट्रोल होण्यापेक्षा त्यांनी सबुरीने चित्रपट रिलीज करण्याकडे लक्ष दिले असावे असे वाटते. कारण ह्या सिनेमा मध्ये लीड रोल त्यांचाच आहे.

आश्चर्यचकित झाला असाल तर थांबा. अजून एक धक्का देतो तुम्हाला सोबतच. ह्या चित्रपटात लिडिंग लेडी आहे कमालीची सुंदर अशी मराठी अभिनेत्री प्रार्थना बेहेरे. हो..! सचिन पिळगावकर आणि प्रार्थना बेहेरे हे दोघे ह्या सिनेमात मुख्य भूमिकेत आहेत. आता हा सिनेमा हिंदी ‘लव्ह यु जिंदगी’ ची मराठीतली आवृत्ती असेल तर आपण नक्कीच समजू शकतो की ह्या चित्रपटाची मुख्य जोडी अशी का असेल..! 

पण ह्या मराठी ‘लव्ह यु जिंदगीची’ टॅग लाईन काही वेगळंच सुचवतेय. तर ही टॅग लाईन अशी आहे की ‘शतदा प्रेम करावे’ आणि ह्यात अनिरुद्ध बाळकृष्ण दाते नावाचे पात्र सचिनजींनी साकारले आहे. पन्नाशीच्या पुढेच असलेले हे पात्र विवाहित आहे. पत्नीच्या भूमिकेत आहे कविता लाड. अजून एक सगळ्यांची अत्यंत लाडकी अभिनेत्री. ह्यांची भट्टी पण जबरा असेल. 

हिंदी लव्ह यु जिंदगी मध्ये शाहरुख खान, तरुण आलिया भट्ट ला मानसोपचारतज्ञ बनून, तिला सरळ रुळावर आणताना दाखवला आहे. तारुण्यात खूप चुका झाल्याने, आजू बाजूच्या परिस्थिला एकंदर खूप वैतागल्याने खूप व्यथित झालेल्या आलिया भट्ट च्या पात्राला परत आयुष्यावर प्रेम करायला शिकवणाऱ्या अतिशय शांत आणि समजूतदार मानसोपचार तज्ज्ञाची भूमिका शाहरुखने साकारलेली आपण पहिली आहे. 

असेच, ह्या मराठी सिनेमात सुद्धा पुन्हा ‘आयुष्यावर प्रेम करायला लावणे’ हाच महत्वाचा मुद्दा आहे पण.. मजेदार ढंगाने.. आणि मानसोपचार तज्ज्ञाकडून नव्हे तर सरळ तारुण्याने भारलेल्या तरुणीसोबत मैत्री करून. ह्या सिनेमाचे टिझर तरी हेच दर्शवते. 

 
 

READ ALSO : जाणून घ्या किती मानधन घेतात हे नामवंत मराठी अभिनेते आणि अभिनेत्री?

टिपिकल वैवाहिक आयुष्याला कंटाळलेला आणि तारुण्यातील जिवंतपणा पुन्हा अनुभवावासा वाटणारा अनिरुद्ध दाते आपल्याला भवताली सुद्धा नक्कीच दिसेल. एक विशिष्ट वय झाल्यावर हताश झालेले स्त्री पुरुष आपण पाहतोच. अनिरुद्ध दाते सुद्धा त्यातीलच एक. बहुदा त्याची मैत्री प्रार्थना बेहेरे च्या तरुण पात्राशी होते आणि तिथून सिनेमा नवीन वळण घेत असावा. लग्न झालेला असल्याने बायकोला काहीही कळू न देता बाहेरच्या बाहेर अनिरुद्धला ‘शतदा प्रेम करायचे’ आहे. तारुण्य पुन्हा अनुभवायचे आहे. आणि निराश होत चाललेली जिंदगी पुन्हा मजेदार बनवायची आहे. 

आता म्हाताऱ्या होत चाललेल्या जीवाला तरुण बनवायचे असेल तर सगळं कसं गुलाबी गुलाबी हवं. प्रार्थना बेहेरे हा गुलाबीपणा ह्या चित्रपटाला नक्कीच बहाल करू शकेल अशी अभिनेत्री आहे. अत्यंत मोहक चेहरा, सुंदर डोळे आणि भारीच गोड हास्य असलेली ही अभिनेत्री पिळगावकारांच्या ‘दाते आजोबा’ बनून बसलेल्या पात्रात पुन्हा जीव फुंकणार हे नक्की. बायको आणि मैत्रीण अशा दोन दगडांवर पाय ठेवताना होणारी मजा देखील ह्या सिनेमात विनोदी प्रसंगात दाखवली जाईल हे नक्की. 

चांगले अभिनेते-अभिनेत्री, हलका फुलके विनोदी प्रसंग आणि तारुण्य परत आणणारे गुलाबी वातावरण ह्या सिनेमात जीव फुंकतील. १४ डिसेंम्बर २०१८ ला प्रदर्शित होणाऱ्या ह्या सिनेमाकडून आपले पुरेपूर मनोरंजन होईल अशी अपेक्षा करूयात. सो मित्रांनो तयार राहा तुम्ही ही ‘लव्ह यु जिंदगी’ म्हणत परत आयुष्याच्या प्रेमात पडायला..!! 

अमेय वाघला मिळाली त्याची ‘गर्लफ्रेंड’ अलिशा…

अमेय वाघला मिळाली त्याची ‘गर्लफ्रेंड’ अलिशा…

अमेय वाघ आणि सई ताम्हणकर पहिल्यांदाच दिसणार एकत्रअभिनेता अमेय वाघने काही दिवसांपूर्वी सोशल मिडीयावर टाकलेल्या विविध पोस्टमुळे त्याला आगामी चित्रपटात ‘गर्लफ्रेंड’ मिळणार की नाही? असा विषय सर्वत्र चर्चिला जात होता. आघाडीच्या अभिनेत्रींनी सोशल मीडियातून थेट अमेयला...

नात्यांची लज्जतदार गुंफण असलेला ‘मीडियम स्पाइसी’ 

नात्यांची लज्जतदार गुंफण असलेला ‘मीडियम स्पाइसी’ 

 नाटककार मोहित टाकळकर यांचे मराठी चित्रपट दिग्दर्शनात पदार्पण कधी बाहेर जेवायला गेलं आणि मेन्यू कार्ड मध्ये एखाद्या रेसिपी पुढे स्पाइसी हा शब्द दिसताच काहीजण आनंदून जातात, मात्र ऑर्डर देतांना बहुतांश लोक ही ‘मीडियम स्पाइसी’ देतात असे अनेकदा दिसून येते म्हणजे लोकांना...

अभिनयात नाव आजमावण्यासाठी अमोल कागणेने घटवले ७ किलो वजन

अभिनयात नाव आजमावण्यासाठी अमोल कागणेने घटवले ७ किलो वजन

मनोरंजन क्षेत्रात आपलं नशीब आजमावण्यासाठी अनेक हौशी कलावंत प्रयत्न करीत असतात. एका अभिनेत्यामध्ये अभिनयासोबतच त्याच्या दिसण्या-असण्याला अतिशय महत्त्व असतं. एक यशस्वी निर्माता म्हणून नावाजले गेल्यानंतर अमोल आपलं खरं पॅशन म्हणजेच अभिनयात नशीब आजमावणार आहे.अमोल कागणे हा...

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

तरुणाई म्हटलं की ओघाने प्रेम हे आलंच. प्रेम ही वैश्विक भावना आहे हे निर्विवाद आहे. शहर, देश, प्रांत वा गाव असा कोणताही भेदभाव न करता ही भावना सर्व ठिकाणी सारखीच असते. प्रेम ही भावनाच इतकी तीव्र असते की त्यापुढे जात, धर्म, पत, प्रतिष्ठा ई. ना स्थान नसते. प्रेमापुढे...

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

निवडणुकीच्या धामधुमीत अनेक विषयांना राजकारणी हात घालताना दिसताहेत. रोज नवनवीन आश्वासनं ऐकायला मिळताहेत. सध्या मतदार राजा असल्यामुळे मतदाराला विविध प्रलोभनं दाखवून मतपरिवर्तन केले जात असतानाच व्ही.पी.वर्ल्ड मुव्हीज, न्यू टॅलेंट सर्च मुव्हीज , प्रस्तुत डॉ.प्रवीण भुजबळ व...

About The Author