रिलीज झालं टायटल ट्रॅक ह्या तूफान विनोदी सिनेमाचं.. बघा किती सितारे चमकलेत ह्यात..!!

रिलीज झालं टायटल ट्रॅक ह्या तूफान विनोदी सिनेमाचं.. बघा किती सितारे चमकलेत ह्यात..!!

मराठी चित्रपट सृष्टी गेल्या दोन वर्षांपासून कात टाकून अगदी ताजी तवानी झाली आहे, हे दोन वर्षात आलेल्या एकापेक्षा एक भन्नाट मराठी चित्रपटांच्या बॉक्स ऑफिसवरच्या दणदणीत कमाई वरून आपल्या लक्षात आलं आहे. प्रत्येक चित्रपटाचा गाजण्याचा निष्कर्ष काढला तर काही चित्रपट गाजले मुख्य भूमिका करणाऱ्या अभिनेत्यामुळे, काही गाजले उत्कृष्ट कथेमुळे तर काही उत्कृष्ट दिग्दर्शनामुळे, तर काही सगळंच भारी असल्या मुळे गाजले, म्हणजे कथा ,पटकथा, दिग्दर्शन आणि अभिनय ह्या सगळ्याच गोष्टी भारी असल्यामुळे त्यांना एक चांगला दर्जा मिळाला आणि कमाई सुद्धा उत्कृष्ट झाली. असले सगळेच चित्रपट ह्या दोन वर्षात तयार झाले. त्यामुळे रसिक प्रेक्षकांची जरा तारांबळ उडाली. हा सिनेमा आधी बघावा का तो अशी गडबड होत गेली. काही कलाकार ठरले हुकमी एक्के, तर काही दिग्दर्शक कायम लक्षात राहिले. म्हणून आता मराठी चित्रपटांना खूप गर्दी होताना दिसते आहे. चित्रपट पाहिला की त्याची छाप पडते आता प्रेक्षकांवर.

 

READ ALSO :  उपेंद्र लिमये ‘सूर सपाटा’ मध्ये साकारणार गावठी कबड्डी प्रशिक्षक

असा आणखी एक चित्रपट लवकरच येतोय आपल्या खास मनोरंजनासाठी. त्या चित्रपटाचे दिग्दर्शक आहेत ‘संजय जाधव’. संजय जाधव म्हणजे भन्नाट चित्रपट असं समीकरण झालं आहे गेल्या काही वर्षात, दुनियादारी, मितवा, ह्या गाजलेल्या चित्रपटांचं दिग्दर्शन संजय जाधव यांचं असल्यामुळे त्या चित्रपटांची अजूनही छाप रसिक प्रेक्षकांवर आहे. आता जो येणारा सिनेमा आहे ज्याचं दिग्दर्शन संजय जाधव यांचं आहे, आणि त्या चित्रपटाचं नुकतंच टायटल ट्रॅक रिलीज झालंय. हे टायटल ट्रॅक रिलीज झालं पुण्यातल्या एक मॉल मध्ये. आणि ह्या मॉल मध्ये तरुण प्रेक्षकांनी खूपच गर्दी केली होती. म्हणजे टायटल ट्रॅक पासूनच लोकांचं संजय जाधव ह्यांच्यावरच्या प्रेमाचं दर्शन घडलं असं खुद्द संजय जाधव ह्यांनी सांगितलं. ह्या त्यांच्या टायटल ट्रॅक मध्ये तेजस्विनी पंडित, साई ताम्हणकर, सिद्धार्थ जाधव आणि उमेश कामत ह्या दिग्गज कलावंतांची वर्णी लागली आहे. एवढे मोठे दिग्गज कलाकार मराठी सिनेमाच्या टायटल ट्रॅक साठी पहिल्यांदाच एकत्र आले. उमेश कामत आणि तेजस्विनी पंडित हे दोघे येरे येरे पैसा नंतर म्हणजे एक वर्षा नंतर एकत्र आलेत. आणि साई ताम्हणकर आणि तेजस्विनी पंडित ह्या दोघी चार वर्षानंतर एकत्र आल्या. पण ह्या “लकी” ह्या चित्रपटाच्या टायटल ट्रॅक साठी हे सगळे संजय जाधव ह्या ख्यातनाम दिग्दर्शकामुळे एकत्र आले असं हे चौघेही म्हणाले. संजय जाधव यांच्याबरोबर काम करायला मिळालं म्हणून काही सगळेच लकी आहोत.

हे टायटल ट्रॅक गायलंय ह्या चौघांनी मिळून आणि हे ठरणार आहे एक वेगळं आणि अफलातून गाणं. ह्या चित्रपटात प्रमुख भूमिका करणार आहेत ‘अभय महाजन’ आणि ‘दीप्ती सती.’ एक वेगळ्या प्रकारचा हा सिनेमा रसिक प्रेक्षकांना पाहायला मिळणार आहे . आणि ह्या टायटल ट्रकची धम्माल काही वेगळीच आहे. नक्कीच पहा म्हणजे ‘लकी’ सिनेमा कसा असेल ह्याची थोडी झलक कळू शकेल.

अमोल कागणे करतोय ‘बाप्पा मोरया’चा जयघोष

अमोल कागणे करतोय ‘बाप्पा मोरया’चा जयघोष

अमोल कागणे आणि प्रदीप पंडित कालेलकर म्हणतात ,'बाप्पा मोरया' अभिनय आणि निर्मितीमूल्यांचा अचूक जाणकार असलेला अमोल कागणे हा तरुण नेहमीच मनोरंजनक्षेत्रात काहीना काही तरी वेगळेपणा आणण्यासाठी धडपडत असतो. नाटक आणि चित्रपटांच्या माध्यमातून आत्तापर्यंत अमोलने अनेक सामाजिक...

वैदर्भीय टॅलेंट जगासमोर आणायचंय – दिग्दर्शक प्रीतम पाटील

वैदर्भीय टॅलेंट जगासमोर आणायचंय – दिग्दर्शक प्रीतम पाटील

'खिचिक'च्या निमित्ताने प्रितमसोबत केलेली ही खास बातचीत... विदर्भातल्या यवतमाळ या छोट्याशा जिल्हयातुन आपलं नशीब आजमावायला आलेला प्रितम मराठी मनोरंजनसृष्टीसाठी नवसंजीवनी देणारं टॅलेंटच म्हटलं पाहिजे. पेशाने सॉफ्टवेअर इंजिनिअर असणारा प्रितम खरंतर यूपीएससीची परीक्षा...

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

पळशीची पीटी' मधून दिसणार गुरु शिष्यांचा अनोखा मिलाप'लागीरं झालं जी' फेम शीतलीच्या काकाची भूमिका निभावणारे धोंडिबा बाळू कारंडे हे नाव सध्या चर्चेत आहे ते म्हणजे 'पळशीची पीटी' या चित्रपटामुळे. येत्या २३ ऑगस्टला महाराष्ट्रात सर्वत्र प्रदर्शित होणारा 'पळशीची पीटी' हा...

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

About The Author