नाळ : नात्याची एक सुरेल गुंफण

नाळ : नात्याची एक सुरेल गुंफण

जाऊ दे न वं, लहानपण दे गा देवा, असे आपण म्हणतो. लहान असतो तेव्हा आपण खूप निरागस असतो. चैतन्याच्या भावविश्वात घडणार्‍या कथेला निर्माता लेखक दिग्दर्शक यांनी योग्य न्याय दिला आहे. नागराज मंजुळे याने दिग्दर्शनातून चित्रपट निर्मिती क्षेत्रात पदार्पण केले आणि आज नाळ चित्रपट पाहिल्यावर एक प्रत्यय आला की नागराज मंजुळे हा एक ब्रँड झाला आहे. नाळ चित्रपटाची कथा ही जरी एका लहान नदीकाठी वसलेल्या गावात घडत असली तरी ती ग्रामीण व शहरी क्षेत्रात राहणार्‍या प्रत्येक व्यक्तीशी निगडित आहे. आई आणि मुलाच्या नात्याची सुंदर गुंफण या चित्रपटात केली आहे. सुंदर छायाचित्रणातून ग्रामीण भाग अतिशय नयनरम्य बनवला आहे अर्थात याचे सर्व श्रेय जाते ते दिग्दर्शक व छायाचित्रकार सुधाकर रेड्डी यंकट्टी यांना.  ही कथा आहे आठ वर्षीय चैतन्याची. ग्रामीण भागात राहणारा चैतन्य गावातील सधन जमीनदाराचा मुलगा आहे. त्यालाही इतर मुलांमध्ये खेळायला आवडते. पण अचानक एक दिवस त्याचा मामा येतो आणि त्याच्या आयुष्यातील एक रहस्य त्याला सांगतो. तिथे त्या निरागस मुलाचा सत्य शोधण्याचा प्रवास सुरू होतो. ओम भूतकरचा अभिनय संपूर्ण चित्रपटात उल्लेखनीय आहे त्याने शकुनी मामाचे काम अगदी योग्यरीत्या केले आहे. दीप्ती देवीचा चित्रपटाच्या शेवटी असलेला प्रवेश अगदी मार्मिकपणे रेखाटला आहे. ती आई आणि मुलामधील दुवा बनली. चित्रपटाचा नायक श्रीनिवास पोकळे भाव खाऊन गेला. अभिनयात निपुण असल्यासारखा त्याचा अभिनय सहज होता.

 

READ ALSO : आरॉन: गोष्ट एका प्रवासाची

देविका दफ्तरदार ही एक गुणी अभिनेत्री आहे हे पुन्हा एकदा सिद्ध झाले. अभिनयातील सहजता तिच्यात, तिच्या बोलक्या अभिनयातून एका आईचे ममत्व, व्यथा, काळजी योग्यरीत्या दिसून येते. नागराज मंजुळे हा लेखक दिग्दर्शक आणि निर्माता म्हणुन आपल्या परिचयाचा आहे पण त्याच्यातील अभिनयाचा एक नवीन पैलू ह्या चित्रपटाद्वारे प्रेक्षकांसमोर आला आहे. उत्तम संवाद लेखनाबरोबर उत्तम अभिनय त्याने केला आहे. सुधाकर रेड्डी यंकट्टी यांनी दिग्दर्शनाच्या पदार्पणातच उल्लेखनीय कामगिरी केली आहे. अद्वैत नेमळेकर यांचे पार्श्वसंगीत अप्रतिम आहे, त्यात थोडा दाक्षिणात्य संगीताचा बाज जाणवतो पण तो अगदी योग्य आहे.

नाळ हा चित्रपट टिपिकल व्यावसायिक चित्रपटाच्या पठडीत बसत नाही तो वास्तववादी चित्रपट आहे. सत्यजित रे यांचे चित्रपट जसे असायचे तसाच काहीसा अनुभव नाळ चित्रपट देऊन जातो. नागराज मंजुळेला या चित्रपटासाठी हॅट्स ऑफ. मनोरंजन करण्यासाठी चित्रपट निर्माते वास्तववादी चित्रपटात उगीच आयटम साँग टाकतात असे नागराजने केले नाही त्याबद्दल त्याचे खूप कौतुक आहे.

थोडक्यात काय तर नाळ ही अगदी रोजच्या जगण्यातील गोष्ट आहे, त्याचा बाज ग्रामीण आहे, त्यातलं भावविश्वही गावातलं आहे. मात्र त्यात सांगितलेला आशय अगदी कोणालाही लागू पडेल असा आहे. चैतन्याला कळलेलं रहस्य नेमके काय आहे? त्याचा त्या सत्यापर्यंत पोहोचण्याचा प्रवास कसा होतो? त्या प्रवासादरम्यान काय काय घटना घडतात? अशा बर्‍याच प्रश्नांची उत्तरे मिळतील ती फक्त नाळ पाहिल्यावर.  म्हैस आणि रेडुचे रुपक आई आणि मुलाचे नाते उलगडताना दाखवले आहे. झी स्टूडियो आणि निलेश मयेकर यांचे कौतुक त्यांनी पुन्हा एकदा एक नवीन वास्तववादी, मार्मिक चित्रपट प्रेक्षकांसाठी आणला आहे. मनोरंजनाचा अट्टाहास नसलेल्यांनी तरीही सकस कलाकृतीची आस असलेल्यांनी नाळ हा चित्रपट जरूर पहावा.

फिल्मीभोंगा मराठी कडून नाळ चित्रपटाला 5 पैकी 4 स्टार.

अमेय वाघला मिळाली त्याची ‘गर्लफ्रेंड’ अलिशा…

अमेय वाघला मिळाली त्याची ‘गर्लफ्रेंड’ अलिशा…

अमेय वाघ आणि सई ताम्हणकर पहिल्यांदाच दिसणार एकत्रअभिनेता अमेय वाघने काही दिवसांपूर्वी सोशल मिडीयावर टाकलेल्या विविध पोस्टमुळे त्याला आगामी चित्रपटात ‘गर्लफ्रेंड’ मिळणार की नाही? असा विषय सर्वत्र चर्चिला जात होता. आघाडीच्या अभिनेत्रींनी सोशल मीडियातून थेट अमेयला...

नात्यांची लज्जतदार गुंफण असलेला ‘मीडियम स्पाइसी’ 

नात्यांची लज्जतदार गुंफण असलेला ‘मीडियम स्पाइसी’ 

 नाटककार मोहित टाकळकर यांचे मराठी चित्रपट दिग्दर्शनात पदार्पण कधी बाहेर जेवायला गेलं आणि मेन्यू कार्ड मध्ये एखाद्या रेसिपी पुढे स्पाइसी हा शब्द दिसताच काहीजण आनंदून जातात, मात्र ऑर्डर देतांना बहुतांश लोक ही ‘मीडियम स्पाइसी’ देतात असे अनेकदा दिसून येते म्हणजे लोकांना...

अभिनयात नाव आजमावण्यासाठी अमोल कागणेने घटवले ७ किलो वजन

अभिनयात नाव आजमावण्यासाठी अमोल कागणेने घटवले ७ किलो वजन

मनोरंजन क्षेत्रात आपलं नशीब आजमावण्यासाठी अनेक हौशी कलावंत प्रयत्न करीत असतात. एका अभिनेत्यामध्ये अभिनयासोबतच त्याच्या दिसण्या-असण्याला अतिशय महत्त्व असतं. एक यशस्वी निर्माता म्हणून नावाजले गेल्यानंतर अमोल आपलं खरं पॅशन म्हणजेच अभिनयात नशीब आजमावणार आहे.अमोल कागणे हा...

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

तरुणाई म्हटलं की ओघाने प्रेम हे आलंच. प्रेम ही वैश्विक भावना आहे हे निर्विवाद आहे. शहर, देश, प्रांत वा गाव असा कोणताही भेदभाव न करता ही भावना सर्व ठिकाणी सारखीच असते. प्रेम ही भावनाच इतकी तीव्र असते की त्यापुढे जात, धर्म, पत, प्रतिष्ठा ई. ना स्थान नसते. प्रेमापुढे...

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

निवडणुकीच्या धामधुमीत अनेक विषयांना राजकारणी हात घालताना दिसताहेत. रोज नवनवीन आश्वासनं ऐकायला मिळताहेत. सध्या मतदार राजा असल्यामुळे मतदाराला विविध प्रलोभनं दाखवून मतपरिवर्तन केले जात असतानाच व्ही.पी.वर्ल्ड मुव्हीज, न्यू टॅलेंट सर्च मुव्हीज , प्रस्तुत डॉ.प्रवीण भुजबळ व...

About The Author