“येतोय “नशीबवान” भाऊ कदम”

” येतोय “नशीबवान” भाऊ कदम”

हा भाssssऊ कदम कोsssण ? असा प्रश्न विचारणारा माणूस महाराष्ट्रात तरी सापडणार नाही. 

रंगाने सावळा आणि रूपात कुठेही गोडवा नाही , सडपातळ तर अजिबात नाही, सुंदर डोळ्यांचा…. तर ते पण नाहीत. आहो चित्रपटाच्या हिरोला साजेल असा एक पण रुबाब भाऊ कदम कडे नाही. आणि तरी सुद्धा  हा  “भाऊ कदम” आख्या महाराष्ट्राला रोज वेडं करतोय आपल्या अदांनी. आता अदा, म्हणावं तर रूपवान नसलेल्याला कुठं अदा असतात का? आणि लोभस म्हणावं तर निदान चेहरा तरी लोभसवाणा असायला पाहिजे ना? पण “निरागस चेहेऱ्यानं” असं म्हणायला हरकत नसावी. ते आपल्या भाऊ ला भारीच जमतं. ह्याचं कारण काय????

तर हा माणूस एखादा संवाद फेकतो त्यावेळी सगळं थिएटर ..’गुडघ्यात माना घालून हसत राहतं’,  पण ह्याचा चेहेरा मात्र असतो ‘निरागस’, जणू आपण काही बोललोच नाही. आणि हीच भाऊची खासमखास कला. हास्याची कारंजी नाही तर  हास्याचे धबधबे कोसळतात. हसून हसून मुरकुंडी वळणे म्हणजे काय ह्या म्हणीचा अर्थ कळतो. फू बाई फू च्या अनेक स्किट मधून ‘भाऊ कदमने’ लोकांना बदाबदा हसवायला शिकवलं. त्यापूर्वी लोक विनोदाला फक्त स्माईल द्यायचे. त्या अनेक स्कीट्स मधून भाऊने छोट्या मुलापासून म्हाताऱ्या पर्यंत सगळे रोल वठवले. आणि स्वतःला सिद्ध केलं.

त्यानंतर हा भाऊ झी मराठीच्याच चला हवा येउद्या…. मध्ये गाजतोय, त्यात त्याने परदेश वाऱ्या सुद्धा केल्या. वेगवेळ्या भूमिका अभिनयानं साकारण्या पेक्षाही अवघड गोष्ट म्हणजे वेगवेगळ्या रूपातून प्रेक्षकांना सतत हसत ठेवणे. त्याच्या प्रत्येक एपिसोडमधून त्याने प्रेक्षकांची मुरकुंडी वळवली नाही असा एकही एपिसोड सादर झाला नाही. म्हणून आज अख्खा महाराष्ट्र भाऊ कदम ला ओळखतो आहे. हाच ‘भाऊ कदम’ एका गंभीर विषयाच्या कथेचा हीरो म्हणून आता प्रेक्षकांसमोर येणार आहे, तो कुठल्या स्टेज वर नाही तर चित्रपटातून एक वास्तव सादर करणार आहे. त्या चित्रपटाचं नाव आहे ” नशीबवान”

महानगरपालिकेचा झाडूवला साकारणार आहे आता भाऊ, महानगरपालिकेची कचरा गोळा करणारी गाडी आणि त्यावर कचरा झाडून गोळा करणाऱ्या कामगाराच्या वेशात असणार आहे भाऊ कदम. खाकी युनिफॉर्म, हातात लांब काठी लावलेला झाडू, कचरा गोळा करण्यासाठी हातात दोन प्लायवूडचे तुकडे घेऊन प्रत्यक्ष ते काम करणारा भाऊ पाहायला मिळणार आहे. दिवाळीत सुरू झालं ह्या चित्रपटाचं शूटिंग. गल्लीबोळात शिरून कचरा गोळा करताना आपल्याला भाऊ दिसणार आहे. नाकाला रुमाल बांधून लोकांनी केलेली घाण साफ करताना दिसणार भाऊ. सोप्प नाहीये हे. पण सफाई कामगारांच्या व्यथा ह्या चित्रपटातून आपल्याला कळाव्यात हाच हेतू... त्यांच्या रोजच्या जीवनातले संघर्ष, घरातल्या कौटुंबिक अडचणी, त्यांच्या जीवनात येणारे वाईट दिवस, चांगले दिवस आणि त्यांचे आनंदाचे क्षण, सण साजरे करण्याची त्यांची पद्धत, आश्चर्यकारक घटना ह्या कशा चित्रित केल्या आहेत हे आपल्याला जाणून घेता येणार आहे.

 
 

READ ALSO : गोंडस चेहरा असूनही खलनायकी रूपातच का आवडतोय जितेंद्र जोशी?

कमी पैसे असतानाचे आनंदी जीवन हे कामगार कसे जगतात. त्यांच्या अपेक्षा काय असतात आणि त्या कशा पुऱ्या होतात. त्यांच्या जीवनात त्यांची पिळवणूक कशी केली जाते ह्याचे वास्तव आपल्यासमोर येणार आहे. संपूर्ण आयुष्यात ह्या कामगारांना काय काय सोसावं लागतं. त्यातून एखाद्याचं नशीब फळफळलं तर त्याच्या आयुष्यात काय बदल होतात हेही त्या चित्रपटात दिसणार आहे. व्यसनी कामगारांचे संसार कोणत्या गोष्टीने सांभाळले जातात का उध्वस्त होतात हेही वास्तव समोर येणार आहे. ह्या चित्रपटात भाऊ मुख्य भूमिका साकारणार आहे. सह कलाकार म्हणून नेहा जोशी ट्रेलरमध्ये झळकली आहे पण बाकी कलाकार बघायला आपल्याला चित्रपटगृहातच जायचंय. कारण ह्या गुणी कलाकाराच्या असल्या वेगळ्या विषयावरच्या चित्रपटाला न्याय मिळायला हवाय ना? असे विषय हाताळायला सुद्धा भाऊ कदम कमी पडणार नाही ह्याची खात्री आहेच. पण चित्रपट चालायला प्रेक्षक हवे असतात. म्हणून आपण हा चित्रपट चित्रपटगृहात जाऊन पाहायला हवा म्हणजे भाऊ कदम सारख्या अफलातून कलाकाराला ही भूमिका केल्याचं चीज झालं असं वाटेल. आणि हा कलाकार आणखी नवीन नवीन भन्नाट कलाकृती साकार करेल.

अमेय वाघला मिळाली त्याची ‘गर्लफ्रेंड’ अलिशा…

अमेय वाघला मिळाली त्याची ‘गर्लफ्रेंड’ अलिशा…

अमेय वाघ आणि सई ताम्हणकर पहिल्यांदाच दिसणार एकत्रअभिनेता अमेय वाघने काही दिवसांपूर्वी सोशल मिडीयावर टाकलेल्या विविध पोस्टमुळे त्याला आगामी चित्रपटात ‘गर्लफ्रेंड’ मिळणार की नाही? असा विषय सर्वत्र चर्चिला जात होता. आघाडीच्या अभिनेत्रींनी सोशल मीडियातून थेट अमेयला...

नात्यांची लज्जतदार गुंफण असलेला ‘मीडियम स्पाइसी’ 

नात्यांची लज्जतदार गुंफण असलेला ‘मीडियम स्पाइसी’ 

 नाटककार मोहित टाकळकर यांचे मराठी चित्रपट दिग्दर्शनात पदार्पण कधी बाहेर जेवायला गेलं आणि मेन्यू कार्ड मध्ये एखाद्या रेसिपी पुढे स्पाइसी हा शब्द दिसताच काहीजण आनंदून जातात, मात्र ऑर्डर देतांना बहुतांश लोक ही ‘मीडियम स्पाइसी’ देतात असे अनेकदा दिसून येते म्हणजे लोकांना...

अभिनयात नाव आजमावण्यासाठी अमोल कागणेने घटवले ७ किलो वजन

अभिनयात नाव आजमावण्यासाठी अमोल कागणेने घटवले ७ किलो वजन

मनोरंजन क्षेत्रात आपलं नशीब आजमावण्यासाठी अनेक हौशी कलावंत प्रयत्न करीत असतात. एका अभिनेत्यामध्ये अभिनयासोबतच त्याच्या दिसण्या-असण्याला अतिशय महत्त्व असतं. एक यशस्वी निर्माता म्हणून नावाजले गेल्यानंतर अमोल आपलं खरं पॅशन म्हणजेच अभिनयात नशीब आजमावणार आहे.अमोल कागणे हा...

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

तरुणाई म्हटलं की ओघाने प्रेम हे आलंच. प्रेम ही वैश्विक भावना आहे हे निर्विवाद आहे. शहर, देश, प्रांत वा गाव असा कोणताही भेदभाव न करता ही भावना सर्व ठिकाणी सारखीच असते. प्रेम ही भावनाच इतकी तीव्र असते की त्यापुढे जात, धर्म, पत, प्रतिष्ठा ई. ना स्थान नसते. प्रेमापुढे...

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

निवडणुकीच्या धामधुमीत अनेक विषयांना राजकारणी हात घालताना दिसताहेत. रोज नवनवीन आश्वासनं ऐकायला मिळताहेत. सध्या मतदार राजा असल्यामुळे मतदाराला विविध प्रलोभनं दाखवून मतपरिवर्तन केले जात असतानाच व्ही.पी.वर्ल्ड मुव्हीज, न्यू टॅलेंट सर्च मुव्हीज , प्रस्तुत डॉ.प्रवीण भुजबळ व...

About The Author