‘रोटी डे’ साठी मराठी चित्रपट कलाकारांचे विशेष गाणे

‘रोटी डे’ साठी मराठी चित्रपट कलाकारांचे विशेष गाणे

आपल्या परिसरातील गरजूंना मदत करण्याचा ‘रोटी डे’ हा उपक्रम मागील चार वर्षांपासून अभिनेता अमित कल्याणकर या तरुणाच्या पुढाकाराने राबविण्यात येत आहे. यंदा ही येत्या १ मार्च रोजी रोटी डे साजरा केला जाणार आहे. या उपक्रमासाठी मराठी चित्रपटसृष्टीतील तब्बल ३८ हून अधिक कलाकार, तंत्रज्ञ यांनी एकत्र येऊन या सामाजिक उपक्रमाचे एक विशेष गाणे तयार केलेले असून ते गाणे लवकरच सोशल मिडीया, बिग एफएम व टीव्ही वर येणार आहे.

नचिकेत जोग लिखित ओंकार केळकर यांनी संगीतबद्ध केलेल्या या गाण्याला सुरेश वाडकर, वैशाली सामंत, पं. संजीव अभ्यंकर, सावनी रवींद्र, ज्ञानेश्वर मेश्राम, ऋषिकेश रानडे, डॉ. सलील कुलकर्णी, संदीप खरे, क्रीशा चिटणीस, ओंकार केळकर, आर्या आंबेकर यांचा सुरेल आवाज लाभला आहे. तर अभिनेते विक्रम गोखले, मोहन जोशी, दिलीप प्रभावळकर, मकरंद अनासपुरे, प्रवीण तरडे, प्राजक्ता माळी, संस्कृती बालगुडे, नुपूर दैठणकर, विजू माने, मेघराज राजेभोसले, सुरेश विश्वकर्मा, रमेश परदेशी, नयन जाधव, सुनील गोडबोले, देविका दफ्तरदार, सिद्धेशर झाडबुके, सौरभ गोखले, किरण यज्ञोपावित, मिलिंद शिंत्रे, Rj संग्राम, श्रीकांत यादव, विजय पटवर्धन, मालविका गायकवाड, विनोद सातव, विनोद खेडकर, योगेश जाधव आदी ३८ कलाकार या खास गाण्यात दिसणार आहेत. हे गाणे डॉ. रमेश खाडे यांच्या चार्ली स्टुडीओत शूट झाले असून मयूर जोशी यांनी कॅमेरा केला आहे. शिवरंजनी स्टुडीओ मध्ये या गाण्याचे ध्वनिमुद्रण झाले आहे. या सर्व कलाकारांनी व तंत्रज्ञ यांनी सामाजिक बांधिलकी जपत कुठलेही मानधन न घेता आपल्या सक्रिय सहभागाने विशेष सहकार्य केले आहे.

पुण्याच्या फर्ग्युसन रोडवरून चार वर्षापूर्वी ‘व्हॅलेंटाइन डे’च्या दिवशी अमितला एक जेमतेम ७-८ वर्षांचा भुकेला मुलगा विटांच्या मध्ये चूल मांडताना दिसला, न राहवून अमितने त्याच्यापाशी जाऊन चौकशी केली, त्यात भुकेची समस्या अमितला कळली. त्यानंतर अमितने मित्रांना घेउन ‘रोटी डे’ हा अनोखा उपक्रम करायचे ठरवले. रोटी डे हा केवळ एक दिवस नसून एक व्यापक उपक्रम आहे, यातून समाजाला एका सकरात्मकतेने एकत्र आणण्याचे काम होऊ पाहत आहे. कुठलीही संस्था नसताना व आर्थिक पाठबळाची मागणी नसलेला हा उपक्रम फक्त सोशल मीडिया च्या मदतीने पहिल्या वर्षी पुणे, मुंबई पर्यंत मर्यादित होता नंतर रोटी डे व्यापक स्वरूप घेत मागील वर्षी पर्यंत महाराष्टारील १२ जिल्हात राबवला गेला, यंदा संपूर्ण महाराष्ट्रात राबविण्याचा अमित आणि त्यांच्या सहकाऱ्यांचा मानस आहे.

अमेय वाघला मिळाली त्याची ‘गर्लफ्रेंड’ अलिशा…

अमेय वाघला मिळाली त्याची ‘गर्लफ्रेंड’ अलिशा…

अमेय वाघ आणि सई ताम्हणकर पहिल्यांदाच दिसणार एकत्रअभिनेता अमेय वाघने काही दिवसांपूर्वी सोशल मिडीयावर टाकलेल्या विविध पोस्टमुळे त्याला आगामी चित्रपटात ‘गर्लफ्रेंड’ मिळणार की नाही? असा विषय सर्वत्र चर्चिला जात होता. आघाडीच्या अभिनेत्रींनी सोशल मीडियातून थेट अमेयला...

नात्यांची लज्जतदार गुंफण असलेला ‘मीडियम स्पाइसी’ 

नात्यांची लज्जतदार गुंफण असलेला ‘मीडियम स्पाइसी’ 

 नाटककार मोहित टाकळकर यांचे मराठी चित्रपट दिग्दर्शनात पदार्पण कधी बाहेर जेवायला गेलं आणि मेन्यू कार्ड मध्ये एखाद्या रेसिपी पुढे स्पाइसी हा शब्द दिसताच काहीजण आनंदून जातात, मात्र ऑर्डर देतांना बहुतांश लोक ही ‘मीडियम स्पाइसी’ देतात असे अनेकदा दिसून येते म्हणजे लोकांना...

अभिनयात नाव आजमावण्यासाठी अमोल कागणेने घटवले ७ किलो वजन

अभिनयात नाव आजमावण्यासाठी अमोल कागणेने घटवले ७ किलो वजन

मनोरंजन क्षेत्रात आपलं नशीब आजमावण्यासाठी अनेक हौशी कलावंत प्रयत्न करीत असतात. एका अभिनेत्यामध्ये अभिनयासोबतच त्याच्या दिसण्या-असण्याला अतिशय महत्त्व असतं. एक यशस्वी निर्माता म्हणून नावाजले गेल्यानंतर अमोल आपलं खरं पॅशन म्हणजेच अभिनयात नशीब आजमावणार आहे.अमोल कागणे हा...

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

तरुणाई म्हटलं की ओघाने प्रेम हे आलंच. प्रेम ही वैश्विक भावना आहे हे निर्विवाद आहे. शहर, देश, प्रांत वा गाव असा कोणताही भेदभाव न करता ही भावना सर्व ठिकाणी सारखीच असते. प्रेम ही भावनाच इतकी तीव्र असते की त्यापुढे जात, धर्म, पत, प्रतिष्ठा ई. ना स्थान नसते. प्रेमापुढे...

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

निवडणुकीच्या धामधुमीत अनेक विषयांना राजकारणी हात घालताना दिसताहेत. रोज नवनवीन आश्वासनं ऐकायला मिळताहेत. सध्या मतदार राजा असल्यामुळे मतदाराला विविध प्रलोभनं दाखवून मतपरिवर्तन केले जात असतानाच व्ही.पी.वर्ल्ड मुव्हीज, न्यू टॅलेंट सर्च मुव्हीज , प्रस्तुत डॉ.प्रवीण भुजबळ व...

About The Author