प्रियदर्शन जाधव प्रेक्षकांना लावतोय ‘मस्का’

प्रियदर्शन जाधव प्रेक्षकांना लावतोय ‘मस्का’

“नेलं साठवलेलं गाठोड बया, केलं पब्लिकचं गं वाटोळ बया. या दोन ओळीच चित्रपटाविषयी खूप काही सांगून जातात. फसवणूक करणाऱ्यांचा आणि फसवणूक होणाऱ्यांचा चित्रपट.” Con movie. मराठी चित्रपटांसाठी नवीन नसला तरी हा वारंवार बनणाऱ्या चित्रपटांचा प्रकार नाही. आणि असा चित्रपट बनविण्याचं धाडस केलंय प्रियदर्शन जाधव याने ‘मस्का’ चित्रपटाच्या निमित्ताने, ते हि त्याच्या दिग्दर्शन पदार्पणातच.

माया.. सुचित्रा.. भाभी.. अशा तऱ्हेतऱ्हेच्या भूमिका वठवून लोकांना गंडवणाऱ्या चालू मुलीची आणि तिच्याकरवी लुबाडले गेलेल्या २ तरुणांची कि कथा आहे. अनिकेत विश्वासराव हा तिचा नवीन बकरा असून चिन्मय मांडलेकर तिचा जुना बकरा आहे. लुबाडले गेलेले हे दोघे, अनिकेत आणि चिन्मय त्या चालू मुलीच्या म्हणजेच प्रार्थना बेहेरेच्या शोधात आहेत. परंतु अशा प्रकारच्या चित्रपटामध्ये कोण कोणाच्या मागे आहे हे सांगणं जरा घाईचं ठरू शकेल. कदाचित अनिकेत आणि चिन्मयला ती मुलगी दुसऱ्या कुठल्यातरी जाळ्यात अडकवायचा प्लान करत असेल! असो पण संजय जाधवच्या ‘चेकमेट’ चित्रपटानंतर मराठीत चांगली Con Movie आली आहे .. तिचं आपण स्वागतच करायला हवं.

गेल्या आठवड्यात या चित्रपटातील एक गाणं.. गाणं कसलं आधुनिक भारुडच म्हणा.. ते प्रदर्शित करण्यात आलं. मंगेश कांगणे यांची उत्तम गीतरचना असलेलं असं हे आधुनिक भारुड night club मध्ये चित्रित केलं गेलेलं आहे. आणि त्याचे गायक आहेत

मुंबई विद्यापीठाच्या लोककला अकादमीचे प्रमुख प्राध्यापक गणेश चंदनशिवे. पूर्वीच्या काळी ‘भारुड’ हे उपहासात्मक बोलून किंवा मस्तीमध्ये कोपरखळी मारून लोकांना त्यांच्यातील अवगुण दाखविण्यासाठी वापरलं जायचं. संत एकनाथ महाराज याचे जनक आहेत.

त्याच भारुडाचा चित्रपटाच्या गाण्यामध्ये अतिशय सुंदर वापर करून घेत, अतिशय हलक्या फुलक्या पद्दतीने प्रार्थना बेहेरे जी ‘Con girl’ आहे तिच्यातील अवगुण लोकांसमोर ठेवण्यात आलेले आहेत. त्या गाण्यातील काही ओळी अशा आहेत कि

साळसूद रूप.. घालतंय घाला,
शेजार पाजार बेजार झाला..
आचरट गुणं.. वात्रट चाळा,
थापांच्या दरीत घसरून मेला..
जळक्या सुंभाचं गं येटोळं बया !
केलं पब्लिकचं गं वाटुळं बया !

अमोल जोशी  प्रॉडक्शन्स आणि स्वरूप रिक्रिएशन्स अँड मिडिया प्रा. ली. प्रस्तुत ‘मस्का’ या चित्रपटाची निर्मिती केलेली आहे मोरेश्वर प्रॉडक्शन्सचे प्रशांत पुरुषोत्तम पाटील यांनी चित्रपटाला संगीत दिलंय चिनार – महेश यांनी तर चित्रपटाचे छायांकन केलेलं आहे अमलेंदू चौधरी यांनी. निलेश नवनाथ गावंड यांनी संकलनाची बाजू सांभाळलेली आहे आणि नृत्य दिग्दर्शन केलंय अमोल सकपाळ यांनी.

विनोद आणि रहस्याने भरलेल्या रोमांचकारी प्रवासाला दिग्दर्शक प्रियदर्शन जाधव सगळ्या रसिक प्रेक्षकांना घेऊन जाऊ इच्छितात.. त्यासाठी त्यांनी टीझर, चांगले कलाकार, त्यांचे HOT अवतार, डोलायला लावणारं संगीत आणि ट्रेलर यांचा मस्का प्रेक्षकांना लावलेला आहेच. आता हे पाहायचं आहे कि हा ‘मस्का’ किती यशस्वी होतोय ते.

मनोरंजन विश्वामधील अशाच ताज्या घडामोडीं आणि गमती-जमती जाणून घेण्यासाठी फिल्मीभोंगाला भेट देत रहा. खुश रहा..फिल्मी रहा.

अमोल कागणे करतोय ‘बाप्पा मोरया’चा जयघोष

अमोल कागणे करतोय ‘बाप्पा मोरया’चा जयघोष

अमोल कागणे आणि प्रदीप पंडित कालेलकर म्हणतात ,'बाप्पा मोरया' अभिनय आणि निर्मितीमूल्यांचा अचूक जाणकार असलेला अमोल कागणे हा तरुण नेहमीच मनोरंजनक्षेत्रात काहीना काही तरी वेगळेपणा आणण्यासाठी धडपडत असतो. नाटक आणि चित्रपटांच्या माध्यमातून आत्तापर्यंत अमोलने अनेक सामाजिक...

वैदर्भीय टॅलेंट जगासमोर आणायचंय – दिग्दर्शक प्रीतम पाटील

वैदर्भीय टॅलेंट जगासमोर आणायचंय – दिग्दर्शक प्रीतम पाटील

'खिचिक'च्या निमित्ताने प्रितमसोबत केलेली ही खास बातचीत... विदर्भातल्या यवतमाळ या छोट्याशा जिल्हयातुन आपलं नशीब आजमावायला आलेला प्रितम मराठी मनोरंजनसृष्टीसाठी नवसंजीवनी देणारं टॅलेंटच म्हटलं पाहिजे. पेशाने सॉफ्टवेअर इंजिनिअर असणारा प्रितम खरंतर यूपीएससीची परीक्षा...

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

पळशीची पीटी' मधून दिसणार गुरु शिष्यांचा अनोखा मिलाप'लागीरं झालं जी' फेम शीतलीच्या काकाची भूमिका निभावणारे धोंडिबा बाळू कारंडे हे नाव सध्या चर्चेत आहे ते म्हणजे 'पळशीची पीटी' या चित्रपटामुळे. येत्या २३ ऑगस्टला महाराष्ट्रात सर्वत्र प्रदर्शित होणारा 'पळशीची पीटी' हा...

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

About The Author

Filmi Shinde

कथा, पटकथा, संवाद या तिन्ही विभागात प्राविण्य मिळवलेले सुशांत शिंदे सध्या चित्रपटलेखन, मालिकालेखन आणि डिजीटल क्षेत्रासाठी काम करत आहेत. सुशांत शिंदे याचं लेखन प्रेक्षकांना हास्य, रहस्य आणि नाट्य याच्या अद्भुत मिश्रणाने खिळवून ठेवतं. फिल्मी भोंगा या वेब पोर्टल साठी ते 'फिल्मी शिंदे' या नावाने ब्लॉग लिहितात.