बाहुबली पेक्षाही भव्य असणार हा “छत्रपती शिवाजी महाराजांवर” तयार होणारा चित्रपट.

बाहुबली पेक्षाही भव्य असणार हा “छत्रपती शिवाजी महाराजांवर” तयार होणारा चित्रपट.

मराठी चित्रसृष्टीला आता “अच्छे दिन आलेत” असं म्हणायला काहीही हरकत नाही आता. त्याचं कारण, एका पेक्षा एक सरस चित्रपट गेल्या दोन तीन वर्षात आपल्याला पाहायला मिळालेत. त्यातले कलाकार सुद्धा जबरदस्त भूमिका वठवतायत. उत्कृष्ट दिग्दर्शन, सुंदर पार्श्व संगीत, अफलातून तंत्रज्ञान वापरून हे सर्वांग सुंदर चित्रपट तयार होत आहेत, कुठला आधी पहावा हेच कळत नाही. सतत नवीन काहीतरी घेऊन येणारे हे चित्रपट म्हणजे पर्वणीच ठरली आहे. आणि सगळेच भारी. अहो जे लोक सिनेमा बघत नव्हते ते पण आता एकही सोडत नाहीत. म्हणून हा चित्रपट सृष्टीचा सुवर्ण काळच म्हणू. आता नवीन काय ? ही उत्सुकता लागून राहते , की येतोच एखादा मस्त सिनेमा. दमच नाही.

आता ज्याला खरा दमदार सिनेमा म्हणता येईल असा एक नव्या दमाच्या कलाकारांना घेऊन येतोय, महाराष्ट्राच्या मातीतला हा एक मराठी सिनेमा. बाहुबली पेक्षा भव्य असणार आहे हा सिनेमा. कारण हा असणार आहे महाराजांच्या जीवनावरचा, हो महाराष्ट्राचं दैवत छत्रपती शिवाजी महाराजांच्या जीवनावरचा. म्हणून हा सगळ्यात भव्य असायलाच पाहिजे. आता बाहुबली पेक्षा भव्य म्हणजे म्हणजे कल्पना करा, आज पर्यंतच्या सगळ्या मराठी ऐतिहासिक चित्रपटात सगळ्यात भव्य. म्हणजे कसा असणार हा चित्रपट?.

 

READ ALSO :  बॉलिवूड मुळे झाली मराठी चित्रपटांची दैना.. त्यांना कधी थेटर तर कधी जास्ती शोजच मिळेना..

‘लय भारी’, माऊली, ह्या दोन चित्रपटांच्या यशा नंतर “रितेश देशमुख” घेऊन येतो आहे हा भव्य चित्रपट. मराठी माणूसच अशा चित्रपटांना न्याय देऊ शकतो. म्हणून “रितेश देशमुखने” ही जबाबदारी पेलण्याचं धाडस केलं आहे, महत्वाची गोष्ट म्हणजे स्वराज्य उभे करण्याची महाराजांची मनीषा साकार होतानाचे सगळे महत्वाचे प्रसंग ह्या चित्रपटात भव्य स्वरुपात दाखवले जाणार आहेत. आणि छत्रपतींची तरुणपणातली आणि राज्याभिषेकाच्या वेळेच्या रयतेची संपूर्ण जबाबदारी आपल्या खांद्यावर उचळणाऱ्या परिपक्व “जाणता राजा शिवछत्रपती” ही भूमिका सुद्धा रितेश देशमुख करणार आहे. दोन्ही भूमिका करताना त्याने स्वतः मध्ये काय बदल केला आहे हे अनुभवायला सगळेच उत्सुक असणार. ह्या दोन तीन वर्षात बऱ्याच गाजलेल्या चित्रपटांचे दिग्दर्शन ज्या खंद्या दिग्दर्शकानं केलं आहे त्याच “रवी जाधव” यांनी ह्या चित्रपटाचं दिग्दर्शन केलं आहे. ही सुद्धा एक जमेचीच बाजू म्हणता येईल.

बरेच वर्षांनी मराठी आणि छत्रपती शिवाजी महाराजांवर चित्रपट येतोय आणि तो सुद्धा भव्य दिव्य, म्हणून त्याला खूप मागणी असणार ह्यात शंकाच नाही. आता बाकीचे महाराजांच्या युद्धाचे, आग्र्याहून सुटकेचे, राज्याभिषेकाचे सगळे प्रसंग कसे साकारले जाणार त्यावर ह्या चित्रपटाला मोठं यश मिळणार आहे. पण एवढ्या बिग बजेटचा हा चित्रपट असल्यामुळे नक्कीच सगळ्या गोष्टी उत्तमच असणार. त्यामुळे आत्ताच्या तरुण पिढीला महाराज्यांच्या अफाट कर्तृत्वाचा इतिहास रुपेरी पडद्यावर जाणून घेता येणार आहे . कारण गेल्या अनेक वर्षात असा फक्त छत्रपती शिवाजी महाराजांच्या जीवनावर एकही चित्रपट आला नाही जसा भालजी पेंढारकर यांचा “छत्रपती शिवाजी” हा उत्कृष्ट चित्रपट होता. चंद्रकांत मांढरे यांनी महाराजांची कायम लक्षात राहील अशी उत्कृष्ट भूमिका साकारली होती.

त्यामुळे ह्या चित्रपटाला खूप मोठा प्रेक्षकांचा प्रतिसाद मिळाल्याशिवाय राहणार नाही. हे सांगायलाच नको.

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

सोशल मिडियावर ‘नच्या गॉट अ गर्लफ्रेंड’ चा धुमाकूळ

सोशल मिडियावर ‘नच्या गॉट अ गर्लफ्रेंड’ चा धुमाकूळ

सोशल मिडियावर ‘नच्या गॉट अ गर्लफ्रेंड’ चा धुमाकूळबऱ्याच दिवसांपासून नचिकेत प्रधान ‘गर्लफ्रेंड’च्या शोधात असल्याचं तुमच्या कानी आलं असेल. गर्लफ्रेंड कशी असावी? या बद्दलच्या त्याच्या अपेक्षाबद्दल देखील तुम्ही बरंच काही ऐकून असाल. नचिकेतच्या प्रयत्नाला अखेर यश आले असून...

‘मुळशी पॅटर्न’ नंतर प्रविण विठ्ठल तरडे यांचा पुढील चित्रपट

‘मुळशी पॅटर्न’ नंतर प्रविण विठ्ठल तरडे यांचा पुढील चित्रपट

छत्रपतींचे महापराक्रमी योद्धा ‘सरसेनापती हंबीरराव’ या चित्रपटाचा पोस्टर लाँच दिमाखात संपन्नशिवराज्याभिषेक दिना निमित्त हेलिकॉप्टरमधून गड किल्यांचे दर्शन घेत वाहिली शिव छत्रपतींना मानवंदना.हिंदवी स्वराज्याचे सरसेनापती हंबीरराव मोहिते यांच्या पराक्रमाची आणि जाज्वल्य...

ललित प्रभाकरचा ‘मीडियम स्पाइसी’ व्हिडीओ

ललित प्रभाकरचा ‘मीडियम स्पाइसी’ व्हिडीओ

‘मीडियम स्पाइसी’ या मराठी चित्रपटाच्या चित्रीकरणाला नुकतीच सुरुवात झाली असून या चित्रपटात एक प्रमुख भूमिका साकारणाऱ्या अभिनेता ललित प्रभाकर बरोबर चित्रपटाच्या टीमने एक युनिक व्हिडीओ शेअर केला आहे. त्यातून सेटवर असणाऱ्या कलाकारांकडून चित्रपटाच्या मूड विषयी काहीशी...

About The Author