आज रोहित शेट्टी चा मराठी चित्रपट आला ..! पहा त्याचे मराठी प्रेम..

आज रोहित शेट्टी चा मराठी चित्रपट आला ..! पहा त्याचे मराठी प्रेम.. 

 

मातृभाषा आपल्या आईच्या भाषेवरून मानली जाते. पण रोहित शेट्टी पत्नीभाषा पण समजतो.. त्याचं कसं आहे.. परवाच चला हवा येऊ द्या मध्ये तो आपल्या मराठी सिनेमाचं प्रोमोशन करायला आला होता. कोणता मराठी सिनेमा म्हणता..?? अहो सिम्बा..!! हो हो हो हिंदी बॉलीवूड चा आहे तो सिनेमा तरीही आम्ही त्याला मराठी सिनेमाच म्हणणार.. का नाही म्हणायचं..?? त्यात तब्बल १४ कलाकार मराठी आहेत हो.. आणि त्यातील मुख्य पात्र ‘सिम्बा भालेराव’..?? हे काय पंजाबी नाव आहे का..?? अरे आपला मराठमोळा हिरो रंगवलाय रणवीर सिंग नं.. कित्येक वर्षे फक्त मल्होत्रा, शर्मा, चोपडा अशी नावं ऐकतोय.. पण आता माझी सटकली म्हणत बाजीराव सिंघम आला आणि त्याने बाजी मारली. मराठी भाषा आणि मराठमोळं वातावरण ह्याला बॉलिवूड मध्ये आपल्या रोहित शेट्टीने चांगलीच जागा मिळवून दिली..

 

READ ALSO :  ज्यांच्या सिनेमाचा ट्रेलरच अंगावर काटे आणतोय तो सिनेमा कसा असेल..!!??

आता त्याचा सिम्बा आलाय.. तर चला हवा येऊ द्या मध्ये रोहित ने लाजत लाजत कबूल केले की त्याची बायको मराठी आहे. मग काय गृहमंत्र्यांची आवड पण जोपासली पाहिजे.. म्हणून ह्या सिनेमाद्वारे तो मराठी बाणा जपत असतो.. पण हा गमतीचा भाग झाला.. खरे तर रोहित म्हणतो की, “मराठी सृष्टीतले कलाकार आणि इतर कलाकार ह्यांच्यात खूप फरक आहे. एरवी साधे आणि जमिनीवर पाय ठेवून वागणारे हे मराठी कलाकार काम करायला वाघ आहेत. त्यांची शैली इतर कलाकारांपेक्षा वेगळी आणि प्रगल्भ आहे. आणि परत कुठेही ग ची बाधा नसलेले हे कलाकार मला आवडतात. ह्यांच्या बरोबर काम करायला मजा येते.”

त्यामुळे रोहितचे चित्रपट आपल्या मराठी कालाकारांशिवाय पूर्णच होत नाहीत..

रणवीर सिंगला सुद्धा आपण मराठमोळ्या अंदाजात पूर्वी ही पाहिलं आहे. बाजीराव मस्तानी मध्ये बाजीरावाचा रोल त्याने चपखल (मराठी कलाकारासारखा) केला. त्यामुळेच सिम्बा मध्ये सुद्धा तो मराठमोळा पोलीस इंस्पेक्टर म्हणून शोभून दिसेलच. त्याच्या बरोबर आहे आईचा चेहरा चिकटवलेली सारा अली खान. म्हणजे तिला बघून अमृता सिंगच पुन्हा सिनेमात काम करतीये असे वाटते. असो पण ह्या दोघांबरोबर बाकीची टीम म्हणजे मराठी गँग च आहे जणू.. सिद्धार्थ जाधव, अरुण नलावडे, अश्विनी काळसेकर, विजय पाटकर, सौरभ गोखले, अशोक समर्थ, सुचित्रा बांदेकर असे सगळी मराठी फौज आहे.. आणि हो काशीनाथ घाणेकर फेम गोड चेहऱ्याची वैदेही परशुराम देखील आहे हो.. अजूनही काही कलाकार मराठीच आहेत. करण जोहर ह्याचा प्रोड्युसर पार्टनर असून सुद्धा त्याच्या चित्रपटासारखं गुळगुळीत वातावरण नसून सगळं मराठी राडा होणार आहे..!! मग मंडळी वाट कसली बघताय.. चला पटापट बघून या सिनेमा आणि आम्हालाही कळवा कसा वाटला..!!

अमोल कागणे करतोय ‘बाप्पा मोरया’चा जयघोष

अमोल कागणे करतोय ‘बाप्पा मोरया’चा जयघोष

अमोल कागणे आणि प्रदीप पंडित कालेलकर म्हणतात ,'बाप्पा मोरया' अभिनय आणि निर्मितीमूल्यांचा अचूक जाणकार असलेला अमोल कागणे हा तरुण नेहमीच मनोरंजनक्षेत्रात काहीना काही तरी वेगळेपणा आणण्यासाठी धडपडत असतो. नाटक आणि चित्रपटांच्या माध्यमातून आत्तापर्यंत अमोलने अनेक सामाजिक...

वैदर्भीय टॅलेंट जगासमोर आणायचंय – दिग्दर्शक प्रीतम पाटील

वैदर्भीय टॅलेंट जगासमोर आणायचंय – दिग्दर्शक प्रीतम पाटील

'खिचिक'च्या निमित्ताने प्रितमसोबत केलेली ही खास बातचीत... विदर्भातल्या यवतमाळ या छोट्याशा जिल्हयातुन आपलं नशीब आजमावायला आलेला प्रितम मराठी मनोरंजनसृष्टीसाठी नवसंजीवनी देणारं टॅलेंटच म्हटलं पाहिजे. पेशाने सॉफ्टवेअर इंजिनिअर असणारा प्रितम खरंतर यूपीएससीची परीक्षा...

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

पळशीची पीटी' मधून दिसणार गुरु शिष्यांचा अनोखा मिलाप'लागीरं झालं जी' फेम शीतलीच्या काकाची भूमिका निभावणारे धोंडिबा बाळू कारंडे हे नाव सध्या चर्चेत आहे ते म्हणजे 'पळशीची पीटी' या चित्रपटामुळे. येत्या २३ ऑगस्टला महाराष्ट्रात सर्वत्र प्रदर्शित होणारा 'पळशीची पीटी' हा...

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

About The Author