सर्व लाईन्स व्यस्त आहेत पण फोन च्या का हृदयाच्या..? कळेल लवकरच

सर्व लाईन्स व्यस्त आहेत पण फोन च्या का हृदयाच्या..? कळेल लवकरच

वेळच नाही हो मला, खूप बिझी आहे मी, कधी करणार व्यायाम?. म्हणजे बघा माणसं किती बिझी असतात. जो तो धावतोय, पळतोय, .पण कशासाठी? काही लोक धावतात करिअर साठी, तर काही धावतात पैशासाठी, तर काही प्रेमासाठी, कोणी कामासाठी, तर कोण कशासाठी. अशी सगळी धावाधाव चालू आहे. जो, तो व्यस्त आहे, सगळे फोन व्यस्त आहेत, त्यामुळे “सगळ्या लाइन्स सुद्धा व्यस्त आहेत.” प्रेमाच्या लाईन्स सुद्धा व्यस्त आहेत. म्हणजे?
म्हणजे प्रेमात सुद्धा हे व्यस्त आहेत. त्यामुळे हे सगळ्यात जास्त बिझी असतात. कोण कोण बिझी आहेत माहितीये का ह्या लाईनमध्ये? ‘समीर’ एक साधा सुधा सरळ मुलगा, ‘बाब्या’ हा समीरचा सख्खा मित्र. जरा फ्लर्ट का काय ते करणारा. चारपाच प्रेमिका, आणि त्याही एका पेक्षा एक” देखे ज्या खूपच व्यस्त आहेत मैत्री, प्रेम, लग्न….ह्या प्रोसेस मध्ये. सल्ला द्यायला आहेत ‘गडबडे बाबा’. सगळेच व्यस्त, त्यांच्या लाईन्स व्यस्त.

 

READ ALSO :  मराठी ताऱ्यांचे ‘कृष्णधवल’ फोटोशूट…!

एक मैत्री, प्रेम, लग्न, ह्या तरुणांच्या अतिशय जिव्हाळ्याच्या विषयावर धमाल करणारा अफलातून चित्रपट, “सर्व लाईन्स व्यस्त आहेत“. सरळ साधा माणूस प्रेमाच्या भानगडीत कसा पडेल?. पण जिवलग मित्र असतात की प्रेमाच्या टिप्स द्यायला, मग नाकासमोर बघून चालणारा सुद्धा जरा इकडे तिकडे बघायला लागतो. नजरा नजर झाली की मैत्री कशी करायची? ह्याच्या अनुभवी मित्राकडून मिळतात टिप्स. मग कितीही सरळ मुलगा प्रेमात पडू शकतो. मग जिवाभावाचा मित्र लग्न करायच्या टिप्स सुद्धा देतो. पण लग्न बंधनात अडकायचं का नाही हे आपलं आपल्यालाच ठरवायला लागतं. निस्तरायला मित्र नाही येत. आपलं आपल्यालाच निस्तरायचं असतं. मग काय करतो “समीर”? कुणाशी मैत्री होते आणि कुणाशी जमतं प्रेम? हे आपल्याला काळायलाच पाहिजे ना? मित्र बाब्या कसल्या कसल्या टिप्स देतो, होतात का खऱ्या? का होतं बुमरँग?

चारपाच प्रेमिका, एकापेक्षा एक, पण समीर ची लाईन कोणाबरोबर होते व्यस्त? आणि बाब्या नक्की काय करतो? कारण बाब्याने दिलेल्या टिप्स वापरताना मधेच गडबडे बाबांची एन्ट्री होते. ते काही गडबड करतात का गडबडीने मदतीला येतात ते सगळं चित्रपटात पाहायचं आहे. धम्माल मजा गडबडे बाबांची. कारण गडबडे बाबांची भूमिका केलेली आहे “महेश वामन मांजरेकरांनी” म्हणजे बघा. चुकवू नये असा असणार. समीर ची भूमिका केली आहे सौरभ गोखलेने, आणि बाब्या आहे सिद्धार्थ जाधव. सगळ्यांच्या (प्रेमाच्या) सर्व लाईन्स व्यस्त आहेत. कोणा बरोबर? संस्कृती बालगुडे, स्मिता शेवाळे, हेमांगी कवी, नीथा शेट्टी-साळवी, आणि राणी अग्रवाल, एवढ्या सगळ्या सौंदर्यावतींबरोबर व्यस्त असणार समीर. आणखी बरेच चेहेरे सुद्धा बघायचे आहेत. पण “गडबडे बाबांची” धमाल सगळ्या चित्रपटाचे ‘आकर्षण’ असणार आहे. एक भन्नाट चित्रपट. “सर्व लाईन्स व्यस्त आहेत”. मग काय करणार? थांबायचं आणि वाट बघायची.

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

सोशल मिडियावर ‘नच्या गॉट अ गर्लफ्रेंड’ चा धुमाकूळ

सोशल मिडियावर ‘नच्या गॉट अ गर्लफ्रेंड’ चा धुमाकूळ

सोशल मिडियावर ‘नच्या गॉट अ गर्लफ्रेंड’ चा धुमाकूळबऱ्याच दिवसांपासून नचिकेत प्रधान ‘गर्लफ्रेंड’च्या शोधात असल्याचं तुमच्या कानी आलं असेल. गर्लफ्रेंड कशी असावी? या बद्दलच्या त्याच्या अपेक्षाबद्दल देखील तुम्ही बरंच काही ऐकून असाल. नचिकेतच्या प्रयत्नाला अखेर यश आले असून...

‘मुळशी पॅटर्न’ नंतर प्रविण विठ्ठल तरडे यांचा पुढील चित्रपट

‘मुळशी पॅटर्न’ नंतर प्रविण विठ्ठल तरडे यांचा पुढील चित्रपट

छत्रपतींचे महापराक्रमी योद्धा ‘सरसेनापती हंबीरराव’ या चित्रपटाचा पोस्टर लाँच दिमाखात संपन्नशिवराज्याभिषेक दिना निमित्त हेलिकॉप्टरमधून गड किल्यांचे दर्शन घेत वाहिली शिव छत्रपतींना मानवंदना.हिंदवी स्वराज्याचे सरसेनापती हंबीरराव मोहिते यांच्या पराक्रमाची आणि जाज्वल्य...

ललित प्रभाकरचा ‘मीडियम स्पाइसी’ व्हिडीओ

ललित प्रभाकरचा ‘मीडियम स्पाइसी’ व्हिडीओ

‘मीडियम स्पाइसी’ या मराठी चित्रपटाच्या चित्रीकरणाला नुकतीच सुरुवात झाली असून या चित्रपटात एक प्रमुख भूमिका साकारणाऱ्या अभिनेता ललित प्रभाकर बरोबर चित्रपटाच्या टीमने एक युनिक व्हिडीओ शेअर केला आहे. त्यातून सेटवर असणाऱ्या कलाकारांकडून चित्रपटाच्या मूड विषयी काहीशी...

About The Author