“विजय अखेर सत्याचाच होतो”, याचं मूर्तिमंत उदाहरण म्हणजे ‘शिल्पा शिंदे’

“विजय अखेर सत्याचाच होतो”, याचं मूर्तिमंत उदाहरण म्हणजे ‘शिल्पा शिंदे’

स्टार प्लस, दूरदर्शन, सब टीवी यांसारख्या वाहिन्यांवरील कार्यक्रमांमध्ये आपल्या अभिनयाची छाप सोडणाऱ्या शिल्पा शिंदेला कुठे माहित होतं कि एक दिवस तिला तिच्या यशस्वी शो मधून बाहेर काढलं जाणार आहे. मार्च २०१५ मध्ये ZEEL (Zee Entertainment Enterprises Limited) या कंपनीने ‘&TV’ हि नवीन वाहिनी सुरु केली. ज्यावर ‘भाभीजी घर पर है !’ हा कार्यक्रम २ मार्च २०१५ पासून प्रदर्शित करण्यात आला. प्रथम ‘अनिता मिश्रा’ हि भूमिका शिल्पा शिंदे हिला देऊ करण्यात आली होती. पण काही कारणास्तव कार्यक्रमातील भूमिकांमध्ये बदल करण्यात आले आणि शिल्पा शिंदे हिला ‘अंगूरी भाभी’ हि भूमिका देण्यात आली, जी शिल्पाने आपल्या सशक्त अभिनयाच्या जोरावर गाजवली.

 

READ MORE : गावरान हास्य कलाकारांना मिळणार संधी ‘हसुदेव’ होण्याची

एक वर्ष यशस्वीपणे ‘अंगूरी भाभीची’ भूमिका साकारल्यानंतर निर्माती बिनाफेर कोहली हिच्या सोबत मानधनावरून झालेल्या मतभेदामुळे शिल्पा शिंदेला ‘भाभीजी घर पर है !’ या मालिकेतून डच्चू देण्यात आला. तिच्या सेटवरील वर्तनुकीबद्दल अफवा पसरविण्यात आल्या. मालिकेतील इतर कलाकारांनी शिल्पाची बाजू घेतली नाही आणि काही दिवसानंतर तिच्याशी बोलायचं हि बंद केलं. कलाकारांची संस्था CINTAAने हि शिल्पाला, निर्मात्यांच्या झालं नसलेल्या पैशाच्या नुकसान भरपाईसाठी नोटीस पाठवली. ज्यात स्पष्ठ रूपाने लिहिलं गेलं होतं कि, “हि नुकसान भरपाई न देता शिल्पाला दुसरीकडे कुठे हि काम करता येणार नाही.” म्हणून शिल्पाला म.न.से ची मदत घ्यावी लागली. मनसेने शिल्पाची बाजू उचलून धरली. पण त्याने फारसा फरक पडला नाही आणि पुढील दीड वर्ष तिच्याकडे कोणत्या हि प्रकारचं काम आलं नाही.

निर्माते कोणालाही कोणत्याही क्षणी काढून टाकतात पण त्यांना कोणीही जाब विचारात नाही, पण आपल्या सारख्या कलाकाराला पूर्णपणे वाळीत टाकलं जातंय. यासाठी शिल्पा खूप झगडली. पण कोणीही तिचं ऐकलं नाही, तिला कोणीही मदत केली नाही. हा काळ शिल्पासाठी खूपच वाईट गेला. पण “कोंबडे झाकले म्हणून उजडायचे राहत नाही.” या म्हणीप्रमाणेच झालं… काही दिवसांनी स्वतःला सिद्ध करण्याची संधी शिल्पाला चालून आली ‘बिग बॉस ११’ या कार्यक्रमाच्या निमित्ताने. शिल्पाने ती संधी स्वीकारली आणि त्या संधीचं सोनं केलं. तिने ‘बिग बॉसमध्ये’ भारताच्या जनतेला हे दाखवून दिलं कि ती वाईट व्यक्ती नाही, उलट ती अतिशय प्रेमळ आणि निर्मळ मनाची व्यक्ती आहे. जे लोक शिल्पाला चुकीचं समजत होते त्यांचं मत परिवर्तन व्हायला लागलं. प्रेक्षकांच्या मनात शिल्पाविषयी आदर वाढत गेला आणि शेवटी शिल्पा शिंदे लोकांच्या मतांमुळे बिग बॉस ११ची विजेती ठरली.

फेब्रुवारी २०१८ मध्ये निर्मात्यांनी शिल्पाला तिची तक्रार मागे घेण्यासाठी विनंती केली आणि शिल्पाने हि मोठ्या मनाने निर्मात्याविरुद्धची तक्रार मागे घेतली. ‘बिग बॉस ११’ नंतर आता शिल्पाला कामाच्या चांगल्या चांगल्या ऑफर येत आहेत. शिल्पा शिंदेच्या आयुष्यातील ह्या घटनाक्रमावरून “विजय अखेर सत्याचाच होतो.” ह्याचा प्रत्यय आपल्याला येतो.

अमोल कागणे करतोय ‘बाप्पा मोरया’चा जयघोष

अमोल कागणे करतोय ‘बाप्पा मोरया’चा जयघोष

अमोल कागणे आणि प्रदीप पंडित कालेलकर म्हणतात ,'बाप्पा मोरया' अभिनय आणि निर्मितीमूल्यांचा अचूक जाणकार असलेला अमोल कागणे हा तरुण नेहमीच मनोरंजनक्षेत्रात काहीना काही तरी वेगळेपणा आणण्यासाठी धडपडत असतो. नाटक आणि चित्रपटांच्या माध्यमातून आत्तापर्यंत अमोलने अनेक सामाजिक...

वैदर्भीय टॅलेंट जगासमोर आणायचंय – दिग्दर्शक प्रीतम पाटील

वैदर्भीय टॅलेंट जगासमोर आणायचंय – दिग्दर्शक प्रीतम पाटील

'खिचिक'च्या निमित्ताने प्रितमसोबत केलेली ही खास बातचीत... विदर्भातल्या यवतमाळ या छोट्याशा जिल्हयातुन आपलं नशीब आजमावायला आलेला प्रितम मराठी मनोरंजनसृष्टीसाठी नवसंजीवनी देणारं टॅलेंटच म्हटलं पाहिजे. पेशाने सॉफ्टवेअर इंजिनिअर असणारा प्रितम खरंतर यूपीएससीची परीक्षा...

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

पळशीची पीटी' मधून दिसणार गुरु शिष्यांचा अनोखा मिलाप'लागीरं झालं जी' फेम शीतलीच्या काकाची भूमिका निभावणारे धोंडिबा बाळू कारंडे हे नाव सध्या चर्चेत आहे ते म्हणजे 'पळशीची पीटी' या चित्रपटामुळे. येत्या २३ ऑगस्टला महाराष्ट्रात सर्वत्र प्रदर्शित होणारा 'पळशीची पीटी' हा...

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

About The Author

Filmi Shinde

कथा, पटकथा, संवाद या तिन्ही विभागात प्राविण्य मिळवलेले सुशांत शिंदे सध्या चित्रपटलेखन, मालिकालेखन आणि डिजीटल क्षेत्रासाठी काम करत आहेत. सुशांत शिंदे याचं लेखन प्रेक्षकांना हास्य, रहस्य आणि नाट्य याच्या अद्भुत मिश्रणाने खिळवून ठेवतं. फिल्मी भोंगा या वेब पोर्टल साठी ते 'फिल्मी शिंदे' या नावाने ब्लॉग लिहितात.