आला रे आला सिंघमचा बछडा सिम्बा आला..!! प्रेडिक्टेबल तरी मजेदार..

आला रे आला सिंघमचा बछडा सिम्बा आला..!! प्रेडिक्टेबल तरी मजेदार..

 

ट्रेलर मध्येच आख्खा सिनेमा सांगून टाकला असला तरी पब्लिकला सिनेमा पूर्ण संपेपर्यंत खुर्चीत खिळवून ठेवण्याच्या रोहित शेट्टीच्या ‘कले’ ला पहिला सलाम. पोस्टर, टिझर आणि नंतर ट्रेलर पाहिलं की लोकं ठरवतात ते एखाद्या चित्रपटाचं भवितव्य. कित्येक जण त्यावरच ठरवतात सिनेमा पहायचाय की नाही. तरीही रोहित शेट्टीने सगळा सिनेमा ट्रेलर मध्येच सांगितला.. बरं सिंघम आणि सिंघम रिटर्न्स कोळून प्यायलेल्या फॅन्सना सिम्बा आणखी नवीन ते काय देणार..?? पण डायरेक्टर रोहित शेट्टी असला तर असे प्रश्न विचारायचे नसतात. ‘नॉस्टॅल्जिया’.. रोहित शेट्टी देतो आपल्याला नॉस्टॅल्जिया..!! कोल्हापूरच्या शिवगड पासून ते गोव्याच्या मिरामार पर्यंतचा एका अनाथ पोराचा प्रवास.. त्यात तो कसा शिकतो, काय शिकतो आणि काय शिकवतो ही कहाणी..!! लुच्चा पोलिसवाला कसा सिंघम ला शोभेल असा त्याचा बछडा सिम्बा बनतो हा त्या अनाथ मुलाचा प्रवास.. पण रणवीर सिंग हा प्रवास कुठेही कंटाळवाणा होऊ देत नाही. प्रत्येक सिन प्रेडिक्टेबल आहे.. पण ‘संग्राम भालेराव’ तो सिन कसा करेल ह्याची उत्सुकता वाटतेच..

 

READ ALSO :  ज्यांच्या सिनेमाचा ट्रेलरच अंगावर काटे आणतोय तो सिनेमा कसा असेल..!!??

संग्राम भालेराव म्हणजेच ‘सिम्बा’ रणवीरने परफेक्ट उभा केलाय. त्याच्या लहानपणीचा रोल करणारा मुलगा सुद्धा तितकाच चंट घेतलाय. केसांना चपचपीत तेल लावून, भांग पाडून, वर्दी न घालता, मिळेल तिथून मिळेल तसा पैसे कमवणारा भ्रष्ट पोलीस रणवीरने चांगला दाखवलाय. प्रत्येक सीन मध्ये रणवीरचा अभिनय भाव खाऊन जातो. ही ‘आऊट अँड आऊट’ रणवीर सिंग ची फिल्म असली तरी बाकीची पात्रही चांगली वठली आहेत. पण सगळ्यात जास्त मजेदार काय असेल तर मराठी अभिनेत्यांची जोरदार फौज आणि ‘मराठी’ वातावरण.. म्हणजे एकूण एका पात्राला एक तरी मराठी डायलॉग आहेच.. मराठी सिनेमात रणवीर सिंग आणि सारा अली खान काम करतायत असेही वाटून जाईल.

सिम्बाची मसालेदार चमचमीत रेसिपी तयार तर झालीये पण रोहित शेट्टीची टिपिकल फायटिंग आणि गाड्यांचा धुव्वा मात्र ह्यातून मिस्सिंग आहे. तरीही शेवटच्या काही क्षणात आपल्याला अपेक्षित असलेली सिंघमची एन्ट्री होते आणि मग मात्र ‘सिंघम टेक्स ओव्हर सिम्बा’..!! सिंघम तो सिंघमच आणि सिम्बा फार तर त्याचे पिल्लू.. गाण्यांच्या बाबतीतही तसेच आहे ‘आख मारे’ आणि ‘नही लगता दिल मेरा ढोलणा’ ही दोन्ही गाणी रिमिक्स आहेत. बाकीची दोन लक्षातही राहणार नाहीत. बॅकग्राऊंड स्कोर मात्र भन्नाट आहे. सिम्बा च्या प्रत्येक एंट्रीला जबरदस्त संगीत दिले आहे. कलाकारांच्या बाबतीत सुद्धा थोडा घोळच घातलाय.. इतके चांगले चांगले कलाकार घेतले आहेत पण त्यांच्या वाट्याला अगदीच दुय्यम भूमिका आली आहे. हॅन्डसम सौरभ गोखलेला हटके रोल मिळाला आहे आणि त्याचा त्याला पुढे फायदा होऊ शकतो. मात्र  सोनू सूद, नेहा महाजन, वैदेही परशूरामी, सुचित्रा बांदेकर, अरुण नलावडे आणि सारा अली खान ह्यांना फारसा वाव नाही. पण इतका सगळं असतानाही रणवीर सिंग च्या अभिनयाची आणि रोहित शेट्टीच्या दिग्दर्शनाची जादू झालीच.. एका महत्वाच्या आणि कायम ज्वलंत असलेल्या मुद्द्याला हात घातल्याने प्रेक्षकांची नस पकडली गेली आहे आणि त्या मुद्द्यावर सगळ्यांच्या आणि खास करून स्त्रियांच्या मनात काय भावना उठते त्याची चांगली मांडणी केली आहे. त्यावर उत्तरही चांगलेच दिले आहे. त्यामुळे चित्रपटातील ‘संदेशाचा प्रभाव’ थेटर सोडताना सगळ्यांच्या मनावर राहतो. त्या उप्पर आपल्याच आगामी दोन सिनेमांची जाहिरातही ह्यातच रोहित शेट्टीने सफाईने केली आहे. त्यामुळे ते सिनेमे कोणते आणि ‘आता माझी पण सटकली’ म्हणणाऱ्या रणवीर ची ऍक्शन कशी आहे हे दोन्ही तुम्हाला चित्रपट पाहिल्यावरच कळेल..!!

अमेय वाघला मिळाली त्याची ‘गर्लफ्रेंड’ अलिशा…

अमेय वाघला मिळाली त्याची ‘गर्लफ्रेंड’ अलिशा…

अमेय वाघ आणि सई ताम्हणकर पहिल्यांदाच दिसणार एकत्रअभिनेता अमेय वाघने काही दिवसांपूर्वी सोशल मिडीयावर टाकलेल्या विविध पोस्टमुळे त्याला आगामी चित्रपटात ‘गर्लफ्रेंड’ मिळणार की नाही? असा विषय सर्वत्र चर्चिला जात होता. आघाडीच्या अभिनेत्रींनी सोशल मीडियातून थेट अमेयला...

नात्यांची लज्जतदार गुंफण असलेला ‘मीडियम स्पाइसी’ 

नात्यांची लज्जतदार गुंफण असलेला ‘मीडियम स्पाइसी’ 

 नाटककार मोहित टाकळकर यांचे मराठी चित्रपट दिग्दर्शनात पदार्पण कधी बाहेर जेवायला गेलं आणि मेन्यू कार्ड मध्ये एखाद्या रेसिपी पुढे स्पाइसी हा शब्द दिसताच काहीजण आनंदून जातात, मात्र ऑर्डर देतांना बहुतांश लोक ही ‘मीडियम स्पाइसी’ देतात असे अनेकदा दिसून येते म्हणजे लोकांना...

अभिनयात नाव आजमावण्यासाठी अमोल कागणेने घटवले ७ किलो वजन

अभिनयात नाव आजमावण्यासाठी अमोल कागणेने घटवले ७ किलो वजन

मनोरंजन क्षेत्रात आपलं नशीब आजमावण्यासाठी अनेक हौशी कलावंत प्रयत्न करीत असतात. एका अभिनेत्यामध्ये अभिनयासोबतच त्याच्या दिसण्या-असण्याला अतिशय महत्त्व असतं. एक यशस्वी निर्माता म्हणून नावाजले गेल्यानंतर अमोल आपलं खरं पॅशन म्हणजेच अभिनयात नशीब आजमावणार आहे.अमोल कागणे हा...

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

तरुणाई म्हटलं की ओघाने प्रेम हे आलंच. प्रेम ही वैश्विक भावना आहे हे निर्विवाद आहे. शहर, देश, प्रांत वा गाव असा कोणताही भेदभाव न करता ही भावना सर्व ठिकाणी सारखीच असते. प्रेम ही भावनाच इतकी तीव्र असते की त्यापुढे जात, धर्म, पत, प्रतिष्ठा ई. ना स्थान नसते. प्रेमापुढे...

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

निवडणुकीच्या धामधुमीत अनेक विषयांना राजकारणी हात घालताना दिसताहेत. रोज नवनवीन आश्वासनं ऐकायला मिळताहेत. सध्या मतदार राजा असल्यामुळे मतदाराला विविध प्रलोभनं दाखवून मतपरिवर्तन केले जात असतानाच व्ही.पी.वर्ल्ड मुव्हीज, न्यू टॅलेंट सर्च मुव्हीज , प्रस्तुत डॉ.प्रवीण भुजबळ व...

About The Author