कबड्डी कबड्डी कबड्डी, ने घडवलंय अनेक टवाळखोर मुलांना जबाबदार आणि, कुशल खेळाडू.

कबड्डी कबड्डी कबड्डी, ने घडवलंय अनेक टवाळखोर मुलांना जबाबदार आणि, कुशल खेळाडू. सूर सपाटाचा टीझर खूप काही सांगतोय..!!

शाळेत असताना वर्गातल्या ३०/४० मुलांमध्ये ३/४ मुलं तरी असतात टवाळखोर, टारगट, बथड डोक्याची. त्यातले कोणी इतर मुलांना त्रास देतात, तर काही शिक्षकांनाच त्रास देतात, तर काही सगळ्या वर्गावरच दहशत गाजवतात. इतर मुलं त्यांना जरा टरकून असतात. तर काही शिक्षक त्यांना त्यांच्या टारगटपणामुळे नेहमी शिक्षाच करत असतात. असली मुलं बहुतेक सगळ्या शाळांमध्ये असतात, विशेष म्हणजे सरकारी शाळांमध्ये जास्त असतात. कारण गावभर भटकून रोज कुणाच्या तक्रारी येण्यापेक्षा त्यांना शाळेत अडकवून टाकलं की त्यांचे आईवडील जरा सुटका करवून घेतात. पण ही मुलं टारगट म्हणून त्यांना शाळेत सुद्धा हुडूत हुडूत केलं गेलं तर ती आणखीनच आक्रमक बनतात.

जर त्यांच्यातल्या दुर्गुणांवर पांघरूण घालून त्यांच्यातल्या चांगल्या गुणांना ओळखून त्यांच्यावर काही जबाबदारी दिली तर ती जबाबदारी ते चांगली पार पाडतात. इतरांपेक्षा चांगली कामगिरी करून दाखवतात. आणि त्या चांगल्या कामगिरीबद्दल त्यांचं कौतुक झालं तर आणखी काही मोठी जबाबदारी सुद्धा ते घेऊन यशस्वी होतात, आणि त्या यशामागे त्यांचे दुर्गुण लपून जातात आणि काही काळ गेल्यावर त्यांच्यात हळू हळू बदल झालेला दिसायला लागतो. आणि तशी मुलं चांगले, जबाबदार, विश्वासू, विद्यार्थी बनतात. पण हे घडवायला तसे शिक्षक सुध्दा प्रयत्न करणारे हवे असतात. अभ्यासात कच्चे असलेले विद्यार्थी खेळात चांगलं नाव कमावतात. किंवा दुसऱ्या कुठल्या कलेत खूप यश मिळवतात. ध्येय गाठतात

 

READ ALSO :  सिड-मिट च्या प्रेमाचे साखरपुड्यात रूपांतर. लवकरच अडकणार लग्नाच्या बंधनात..!!

खेळ आणि गाजलेले कितीतरी खेळाडू आपण पाहिलेत त्यांच्यावर काही चित्रपट सुद्धा आलेत. अशाच काही उनाड पोरांना एकत्र आणून त्यांच्यातल्या कलेला वाव देऊन अफलातून कामगिरी करून घेणारे त्यांचे शिक्षक ह्या वेगळ्या प्रकारच्या नात्याला समोर आणणारा एक चित्रपट लवकरच रसिक प्रेक्षकांना पाहायला मिळणार आहे. त्याचं नाव आहे “सूर सपाटा”. कबड्डीच्या खेळातून ह्या उनाडक्या करणाऱ्या मुलांना त्यांच्यातल्या कौशल्याचे पैलू दाखवून त्यांना यशाच्या शिखरावर घेऊन जाणारे आदर्श शिक्षक, आणि उनाडक्या विसरून तयार झालेले हे जबाबदार आणि कुशल खेळाडू. जिल्हा परिषदेची शाळा, पण कसली भारी कबड्डीची टीम तयार करू शकते, फक्त विद्यार्थ्यांमधल्या खऱ्या कौशल्य गुणांवर, आणि खेचून आणते विजयश्री. वाढवते त्या मुलांमधला आत्मविश्वास, आणि विसरायला भाग पाडते त्यांच्यातले दुर्गुण. असा काही वेगळं आणि सकारात्मक चित्र तयार करणारा हा चित्रपट येतो आहे.

ह्या चित्रपटात भरपूर कलाकार आपल्याला पाहायला मिळणार आहेत. मुख्य भूमिकेत राष्ट्रीय पुरस्कार विजेता, छोटा कलाकार, ‘हंसराज जगताप’ आहेच, शिवाय यश कुलकर्णी, चिन्मय संत, चिन्मय पटवर्धन, रूपेश बने, जीवन कराळकर, सुयश शिर्के, निनाद तांबवडे, साथीला शरयू सोनवणे ही कबड्डीची टीम आहे. ह्या शिवाय २५ गाजलेले कलाकार आपल्याला समोरा समोर आलेले पाहायला मिळणार. कोण आहेत ते कलाकार हे तुम्ही थिएटर मधेच पहा.

कबड्डी ह्या खेळाचा एक अष्टपैलू खेळाडू म्हणून ज्याला सर्वोच्य ‘अर्जून’ पुरस्कार मिळाला तो ‘शांताराम जाधव’ ह्या चित्रपटाच्या निर्मात्यांच्या पाठीमागे उभा राहिला म्हणून ‘कबड्डी’ वर आधारलेला हा सिनेमा यशस्वी वाटचाल करणार आहे ह्यात शंकाच नाही. आणखी जवळजवळ ३०० गाजलेले कबड्डीपटू ह्या सिनेमात झळकणार आहेत. मग तर हा खरा खुरा कबड्डी सामना किती रंगतदार होणार आहे ह्याची कल्पना करा, आणि २२ मार्च २०१९ ह्या दिवशी सगळीकडे प्रदर्शित होणारा हा भन्नाट चित्रपट पाहायला विसरू नका. ‘सूर सपाटा’

अमेय वाघला मिळाली त्याची ‘गर्लफ्रेंड’ अलिशा…

अमेय वाघला मिळाली त्याची ‘गर्लफ्रेंड’ अलिशा…

अमेय वाघ आणि सई ताम्हणकर पहिल्यांदाच दिसणार एकत्रअभिनेता अमेय वाघने काही दिवसांपूर्वी सोशल मिडीयावर टाकलेल्या विविध पोस्टमुळे त्याला आगामी चित्रपटात ‘गर्लफ्रेंड’ मिळणार की नाही? असा विषय सर्वत्र चर्चिला जात होता. आघाडीच्या अभिनेत्रींनी सोशल मीडियातून थेट अमेयला...

नात्यांची लज्जतदार गुंफण असलेला ‘मीडियम स्पाइसी’ 

नात्यांची लज्जतदार गुंफण असलेला ‘मीडियम स्पाइसी’ 

 नाटककार मोहित टाकळकर यांचे मराठी चित्रपट दिग्दर्शनात पदार्पण कधी बाहेर जेवायला गेलं आणि मेन्यू कार्ड मध्ये एखाद्या रेसिपी पुढे स्पाइसी हा शब्द दिसताच काहीजण आनंदून जातात, मात्र ऑर्डर देतांना बहुतांश लोक ही ‘मीडियम स्पाइसी’ देतात असे अनेकदा दिसून येते म्हणजे लोकांना...

अभिनयात नाव आजमावण्यासाठी अमोल कागणेने घटवले ७ किलो वजन

अभिनयात नाव आजमावण्यासाठी अमोल कागणेने घटवले ७ किलो वजन

मनोरंजन क्षेत्रात आपलं नशीब आजमावण्यासाठी अनेक हौशी कलावंत प्रयत्न करीत असतात. एका अभिनेत्यामध्ये अभिनयासोबतच त्याच्या दिसण्या-असण्याला अतिशय महत्त्व असतं. एक यशस्वी निर्माता म्हणून नावाजले गेल्यानंतर अमोल आपलं खरं पॅशन म्हणजेच अभिनयात नशीब आजमावणार आहे.अमोल कागणे हा...

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

तरुणाई म्हटलं की ओघाने प्रेम हे आलंच. प्रेम ही वैश्विक भावना आहे हे निर्विवाद आहे. शहर, देश, प्रांत वा गाव असा कोणताही भेदभाव न करता ही भावना सर्व ठिकाणी सारखीच असते. प्रेम ही भावनाच इतकी तीव्र असते की त्यापुढे जात, धर्म, पत, प्रतिष्ठा ई. ना स्थान नसते. प्रेमापुढे...

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

निवडणुकीच्या धामधुमीत अनेक विषयांना राजकारणी हात घालताना दिसताहेत. रोज नवनवीन आश्वासनं ऐकायला मिळताहेत. सध्या मतदार राजा असल्यामुळे मतदाराला विविध प्रलोभनं दाखवून मतपरिवर्तन केले जात असतानाच व्ही.पी.वर्ल्ड मुव्हीज, न्यू टॅलेंट सर्च मुव्हीज , प्रस्तुत डॉ.प्रवीण भुजबळ व...

About The Author