“गोमू संगतीनं माझ्या तू येशील काय?” या गाण्यामागची कहाणी…

“गोमू संगतीनं माझ्या तू येशील काय?” या गाण्यामागची कहाणी…

आणि डॉ. काशिनाथ घाणेकर या सिनेमातील “गोमू संगतीनं माझ्या तू येशील काय?” हे गाणे तुम्ही पाहिले का? जुन्या गाण्याचं अश्या प्रकारे नव्या स्वरुपात चित्रीकरण केल्यानंतरही ते गाणं तितकंच श्रवणीय आणि तितकंच प्रेक्षणीय होणं याचं श्रेय केवळ आणि केवळ त्या गाण्याच्या संपूर्ण टीमलाच जातं. ओरीजनल गाण्यात दस्तुरखुद्द डॉ. घाणेकर आणि आशा काळे यांनी केलेली धमाल नवीन गाण्यातसुद्धा तितकीच धमाल उडवताना दिसत आहे. तुम्ही जर ओरीजनल गाण्याच्या प्रेमात असाल तर नवीन गाणंदेखील तुम्हाला प्रेमात पाडल्याशिवाय राहणार नाही हे अगदी पैजेवर सांगता येईल.

१९८० च्या दशकात प्रियकराने आपल्या प्रेयसीला प्रपोज करणं तसं धाडसाचंच म्हणावं लागेल. त्या काळातील अनेक तरुणांना अश्या प्रकारे लाडीकपणे प्रपोज करायला उद्युक्त आणि अगदी प्रोत्साहित करणारं माध्यम या गाण्याच्या स्वरुपात उपलब्ध करून देवून या गाण्याच्या निर्माणकर्त्यांनी त्यांच्यावर अनंत उपकार केल्याची भावना नक्कीच निर्माण झाली असेल.

 

READ ALSO : आणि डॉ. काशिनाथ घाणेकर: आता काशिनाथ पर्व सुरु ….

खरं पाहता मुळात ‘हा खेळ सावल्यांचा’ या सस्पेन्स आणि थ्रिलर चित्रपटात अश्या प्रकारचं प्रेमगीत असणं हेच कौतुकास्पद आहे. त्यातच पडद्यावर काशिनाथ घाणेकर आणि आशा काळे यांचा लाडीकवाळा अभिनय, सुप्रसिद्ध गायक हेमंतकुमार आणि आशा भोसले यांचा स्वरसाज, गीतकार सुधीर मोघे याचं गीत आणि त्यावर संगीताची अजरामर कलाकुसर केली पंडित हृदयनाथ मंगेशकर यांनी. पडद्यावरील दोघेही रूढार्थाने कसलेले नर्तक नसतानाही पडद्यावर मात्र ते गाणं अतिशय गोड वाटतं.

या अजरामर गीताला पुन्हा नव्या स्वरुपात पाहताना तोच आनंद आपण नक्कीच अनुभवत असाल यात काहीच शंका नाही. यावेळेस पडद्यावर सुबोध भावे आणि प्राजक्ता माळी यांनीही ते तितक्याच ताकदीने पेलल्याचं दिसत आहे. पडद्यावर सुबोधच्या जागी डॉ. घाणेकर आणि प्राजक्ताच्या जागी आशा काळे यांची क्षणोक्षणी आठवण होत राहते. तुमच्यापैकी काहीजणांना जुना आणि नवीन गाण्याचा व्हिडीओ बाजूबाजूला चालवून त्यांच्या नृत्याच्या स्टेप्स अनुभवण्याचा मोह नक्कीच झाला असेल आणि त्यामुळेच फुलवा खामकर याचं नृत्य दिग्दर्शन नक्कीच वाखाणण्याजोगं आहे.

डॉ. काशिनाथ घाणेकर यांच्या जीवनावर चित्रपट करणं हे आपल्याला दिसतं तितकं साधं आणि सोप्पं काम निश्चितच नाही. परंतु हे शिवधनुष्य पेलण्याची हिम्मत दाखवल्याबद्दल आणि आताच्या नवीन पिढीला जुन्या जाणत्या कलाकारांची आणि गाण्यांचीही नव्याने ओळख करून दिल्याबद्दल निर्माते व्हायाकॉम१८ मोशन पिक्चर्स आणि दिग्दर्शक अभिजित शिरीष देशपांडे यांचे मन:पूर्वक आभार आणि शुभेच्छा.

अमोल कागणे करतोय ‘बाप्पा मोरया’चा जयघोष

अमोल कागणे करतोय ‘बाप्पा मोरया’चा जयघोष

अमोल कागणे आणि प्रदीप पंडित कालेलकर म्हणतात ,'बाप्पा मोरया' अभिनय आणि निर्मितीमूल्यांचा अचूक जाणकार असलेला अमोल कागणे हा तरुण नेहमीच मनोरंजनक्षेत्रात काहीना काही तरी वेगळेपणा आणण्यासाठी धडपडत असतो. नाटक आणि चित्रपटांच्या माध्यमातून आत्तापर्यंत अमोलने अनेक सामाजिक...

वैदर्भीय टॅलेंट जगासमोर आणायचंय – दिग्दर्शक प्रीतम पाटील

वैदर्भीय टॅलेंट जगासमोर आणायचंय – दिग्दर्शक प्रीतम पाटील

'खिचिक'च्या निमित्ताने प्रितमसोबत केलेली ही खास बातचीत... विदर्भातल्या यवतमाळ या छोट्याशा जिल्हयातुन आपलं नशीब आजमावायला आलेला प्रितम मराठी मनोरंजनसृष्टीसाठी नवसंजीवनी देणारं टॅलेंटच म्हटलं पाहिजे. पेशाने सॉफ्टवेअर इंजिनिअर असणारा प्रितम खरंतर यूपीएससीची परीक्षा...

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

पळशीची पीटी' मधून दिसणार गुरु शिष्यांचा अनोखा मिलाप'लागीरं झालं जी' फेम शीतलीच्या काकाची भूमिका निभावणारे धोंडिबा बाळू कारंडे हे नाव सध्या चर्चेत आहे ते म्हणजे 'पळशीची पीटी' या चित्रपटामुळे. येत्या २३ ऑगस्टला महाराष्ट्रात सर्वत्र प्रदर्शित होणारा 'पळशीची पीटी' हा...

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

About The Author