…म्हणून नसिरुद्दीन शाह मराठीत मोठ्या भूमिका स्वीकारत नाहीत

म्हणून नसिरुद्दीन शाह मराठीत मोठ्या भूमिका स्वीकारत नाही

मराठी सिनेसृष्ठी व नाट्यसृष्टीबद्दल आत्मीयता असलेले, तसेच मराठी नाटक, चित्रपटांविषयी वारंवार आपल्या मुलाखतीतून गौरवोद्गार काढणारे, सुप्रसिद्ध अभिनेते नसिरुद्दीन शाह यांना मराठी चित्रपटात मुख्य भूमिका करायची इच्छा आहे. ३ राष्ट्रीय पुरस्कारांनी सन्मानित करण्यात आलेले अभिनेते नसिरुद्दीन शाह यांनी या आधी हि मराठी चित्रपटात छोट्या भूमिका केलेल्या आहेत. २०११ साली उमेश कुलकर्णीच्या ‘देऊळ’ या चित्रपटामध्ये एका ‘घायाळ डाकूची’ भूमिका साकारून नसिरुद्दीन शाह यांनी मराठी सिनेसृष्ठीत आपलं खातं उघडलं होतं. छोटी भूमिका तसेच स्क्रीनटाईम हि कमी असलेल्या या भूमिकेत हि नसिरुद्दीन शाह यांनी आपली छाप प्रेक्षकांच्या मनावर उमटवलीच. यानंतर त्यांनी रवी जाधव दिग्दर्शित ‘न्यूड’ या  सिनेमातही आपल्या अभिनयाच्या अनोख्या अंदाजात एका ‘प्रसिद्ध चित्रकाराची’ भूमिका साकारली. पण याही सिनेमात त्यांची भूमिका छोटीच होती. “मराठी चित्रपटामध्ये नसिरुद्दीन यांना मोठ्या भूमिकेत पाहण्याचा योग अजून का आला नाही ?” असा प्रश्न नसिरुद्दीन शाह यांच्या चाहत्यांना नक्की पडला असेल. तर त्याचं कारण नसिरुद्दीन शाह असं सांगतात कि, “मला अस्खलित मराठी बोलता येईपर्यंत मी वाट पाहणार आहे, एकदा का मला आत्मविश्वास आला कि मी उत्कृष्ठ मराठी बोलू शकतो, त्यावेळी मी नक्कीच मराठीत मोठी भूमिका साकारेन.”

नसिरुद्दीन शाह मराठी भाषा शिकण्यासाठी त्यांची पत्नी रत्ना पाठक शाह यांची मदत घेत आहेत.

एक कलाकार म्हणून प्रत्येक अभिनेत्याला विविध भाषांमध्ये, विविध धाटणीच्या चित्रपटांमध्ये काम करायला नक्कीच आवडते. त्यासाठी ते तेवढीच मेहनतही घ्यायची तयारी हि दाखवत असतात. अभिनेत्यांना वेगवेगळ्या राज्यांमधील सिनेसृष्टींमध्ये काम करताना तिथल्या कामांच्या पद्धतींचा, राज्याच्या संस्कृतीचा तसेच भाषेच्या कमी ज्ञानाचा अडसर हा येतोच. पण गुणी कलाकार या सगळ्यांवर मात करून आपल्या कामाने प्रेक्षकांची मन जिंकतातच. दक्षिणात्य चित्रपटात सयाजी शिंदे, मिलिंद गुणाजी, नागेश भोसले यांसारखे मराठी कलाकार नाव कमावताना आपण पाहतच आहोत. त्याच पद्धतीने नसिरुद्दीन शाह हि आता मराठी सिनेसृष्ठीत आपले पाय रोवू इच्छित आहेत.

नसिरुद्दीन शाह यांच्यासारख्या दिग्गज कलाकाराला मराठीत काम करण्याचा मोह होण्यासाठी कारणीभूत आहे ते म्हणजे मराठी सिनेसृष्ठीतील ‘प्रयोगशीलता’. विषय कितीही कठीण वाटत असला तरीही अशा विषयांना अतिशय संवेदनपूर्णरित्या प्रेक्षकांसमोर मांडण्याचा कसब मराठी दिग्दर्शकांकडे आहे. त्यामुळेच मोठमोठ्या कलाकारांना मराठी चित्रपटाशी जोडले जाण्याची उत्सुकता लागलेली दिसते.

आता नसिरुद्दीन शाह मराठी बोलायला कधी शिकणार ? आणि ते कोणत्या  सिनेमात, कोणती भूमिका साकारणार ?  हे येणारी वेळच सांगेल. पण तोपर्यंत त्यांच्या मराठी शिकण्याच्या जिद्दीला  फिल्मीभोंगाकडून आम्ही शुभेच्छा देतो.

        मनोरंजन विश्वामधील अशाच ताज्या घडामोडीं आणि गमती जमतींसाठी फिल्मीभोंगाला भेट देत रहा. खुश रहा..फिल्मी रहा.

अमोल कागणे करतोय ‘बाप्पा मोरया’चा जयघोष

अमोल कागणे करतोय ‘बाप्पा मोरया’चा जयघोष

अमोल कागणे आणि प्रदीप पंडित कालेलकर म्हणतात ,'बाप्पा मोरया' अभिनय आणि निर्मितीमूल्यांचा अचूक जाणकार असलेला अमोल कागणे हा तरुण नेहमीच मनोरंजनक्षेत्रात काहीना काही तरी वेगळेपणा आणण्यासाठी धडपडत असतो. नाटक आणि चित्रपटांच्या माध्यमातून आत्तापर्यंत अमोलने अनेक सामाजिक...

वैदर्भीय टॅलेंट जगासमोर आणायचंय – दिग्दर्शक प्रीतम पाटील

वैदर्भीय टॅलेंट जगासमोर आणायचंय – दिग्दर्शक प्रीतम पाटील

'खिचिक'च्या निमित्ताने प्रितमसोबत केलेली ही खास बातचीत... विदर्भातल्या यवतमाळ या छोट्याशा जिल्हयातुन आपलं नशीब आजमावायला आलेला प्रितम मराठी मनोरंजनसृष्टीसाठी नवसंजीवनी देणारं टॅलेंटच म्हटलं पाहिजे. पेशाने सॉफ्टवेअर इंजिनिअर असणारा प्रितम खरंतर यूपीएससीची परीक्षा...

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

पळशीची पीटी' मधून दिसणार गुरु शिष्यांचा अनोखा मिलाप'लागीरं झालं जी' फेम शीतलीच्या काकाची भूमिका निभावणारे धोंडिबा बाळू कारंडे हे नाव सध्या चर्चेत आहे ते म्हणजे 'पळशीची पीटी' या चित्रपटामुळे. येत्या २३ ऑगस्टला महाराष्ट्रात सर्वत्र प्रदर्शित होणारा 'पळशीची पीटी' हा...

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

About The Author