“तू तिथे असावे..”

“तू तिथे असावे..”

 
मराठी माणूस.. हो मी आहे मराठी माणूस.. मी बघतो स्वप्न.. खूप मोठी मोठी स्वप्न.. जगावेगळी स्वप्न.. मराठी पानाच्या वर्तुळाला बाहेरील स्वप्न आणि त्याचं काय करतो..? कागदाच्या पुडीत बांधून विकतो..! 
sssनाही हो.. असं कसं करेन..? तुम्ही काय करता तुमच्या स्वप्नांचं..? रोज बघता ना.?? कधी ब्लॅक अँड व्हाइट कधी रंगीत.. 
 
पण माहितीये का..? मराठी माणसाने स्वप्न पाहूच नयेत असे म्हणतात.. पाहिली तर फार मनाला लावून घेऊ नये ही म्हणतात.. मनाला लावलीच तरी जास्ती अपेक्षा ठेवू नये देखील म्हणतात.. का..? अहो मराठी माणूस आपण.. आपण मध्यमवर्गीय म्हणून जन्माला येणार, चार चौघांसारखं काम करून पोट भरणार आणि मध्यमवर्गीय म्हणून स्वर्गात जाणार.. नाही का..?
 
आता बघा ना आमच्या ‘तू तिथे असावे’ ह्या चित्रपटाच्या हिरोला रॉक स्टार व्हायचंय.. कसं शक्य आहे ते..? मराठी ना रे तू..!! त्यातून अगदीच गरीब घरचा.. असली दिवा स्वप्न कशाला बघतोस गड्या..?! आणि मराठी माणूस रॉक स्टार म्हणून शोभेल तरी का? हे काय भलतंच..?
आपल्याकडे कसं असतं? एक कोणती तरी पदवी घ्यायची आणि सरळधोपट मार्गाने नोकरी करायची असंच ‘अलाऊड’ आहे. फार तर एखादा छोटा मोठा धंदा काढण्याची परवानगी मिळू शकते. एखादं एल आय सी एजंट वगैरे होण्याची नामी संधी पण मिळते कधी कधी नशिबात असेल तर. 
 
 

READ ALSO : जाणून घ्या किती मानधन घेतात हे नामवंत मराठी अभिनेते आणि अभिनेत्री?

आणि हो नुसता छान गातोस इथवर ठीक आहे. पण बाबांना सांगितलंयस का.? एकदा तुझ्या बाबांना तर सांगून बघ की तुला ऑर्केस्ट्रा, रॉक बँड वगैरे मध्ये गायक व्हायचंय..! बाबांची चार अनुभवाची वाक्ये तुला झक मारत नोकरी धंदा शोधायला भाग पाडतील रे दादा.. जाऊदे ना तू. काय लावलंयस कधीच ‘तू तिथे असावे’ अन मग सगळे ठीक व्हावे..??! असं काहीही नसतं हो..! तुझी मैत्रिण पण तुला उडवा उडवीची उत्तरंच देतीये बघ. ती कशाला तिथे असतीये लेका..!
 
बरं बरं राहिलं. आता नाही तुला सल्ले देणार. तू ऐकायचंच नाही ठरवल्यावर आम्ही तरी काय करणार..? जा मग झिजव उंबरठे काम देणाऱ्यांचे. बघ कुठे कुठे आणि कसे गायला लावतील. निराशा पदरी पडेल. पण कर अजून प्रयत्न. कदाचित मोठी म्युझिक कंपनी तुला उचलेल. पण फसू नकोस बाबा. मोठ्या वाटणाऱ्या फसव्या कंपन्या पण असतील हो. तुला काम देण्याच्या बदल्यात तुझ्याकडूनच पैसे उकळतील. काही सांगता येत नाही हल्ली. हल्लीच काय हे तर कित्येक वर्षांपासून चालुये खरं तर. आणि नेमके आपणच, मराठी माणूसच बळी पडतो रे अशा प्रलोभनांना. 
 
असो बघ आता कसं काय जमतंय ते. वय ही वाढतंय तुझं. दिसतंय ते चेहऱ्यावर. अख्या ट्रेलर भर सतत आशावादी माणूस वाटतोयस तर खरा. स्वप्न बघ रे, पण ती सत्यात उतरण्यासाठी काही कारणारेस का फक्त बोल बच्चन? हिरोईन बाकी छान शोधलीयेस हो. जेव्हा तू मोठा गायक होशील आणि ‘ती तिथे असेल’ म्हणजे मिळवलं..! नाही, काय आहे ना एक तर मराठी, त्यातून मध्यमवर्गीय म्हणजे जरा अवघडच. बघुयात काय काय होतंय ते. शुक्रवारी कळेलंच.. तीच घिसीपीटी की काही ताजी फ्रेश..!  
 
चला.. तूर्तास तुला आणि तुझ्या टीम ला शुभेच्छा..!! 
अमेय वाघला मिळाली त्याची ‘गर्लफ्रेंड’ अलिशा…

अमेय वाघला मिळाली त्याची ‘गर्लफ्रेंड’ अलिशा…

अमेय वाघ आणि सई ताम्हणकर पहिल्यांदाच दिसणार एकत्रअभिनेता अमेय वाघने काही दिवसांपूर्वी सोशल मिडीयावर टाकलेल्या विविध पोस्टमुळे त्याला आगामी चित्रपटात ‘गर्लफ्रेंड’ मिळणार की नाही? असा विषय सर्वत्र चर्चिला जात होता. आघाडीच्या अभिनेत्रींनी सोशल मीडियातून थेट अमेयला...

नात्यांची लज्जतदार गुंफण असलेला ‘मीडियम स्पाइसी’ 

नात्यांची लज्जतदार गुंफण असलेला ‘मीडियम स्पाइसी’ 

 नाटककार मोहित टाकळकर यांचे मराठी चित्रपट दिग्दर्शनात पदार्पण कधी बाहेर जेवायला गेलं आणि मेन्यू कार्ड मध्ये एखाद्या रेसिपी पुढे स्पाइसी हा शब्द दिसताच काहीजण आनंदून जातात, मात्र ऑर्डर देतांना बहुतांश लोक ही ‘मीडियम स्पाइसी’ देतात असे अनेकदा दिसून येते म्हणजे लोकांना...

अभिनयात नाव आजमावण्यासाठी अमोल कागणेने घटवले ७ किलो वजन

अभिनयात नाव आजमावण्यासाठी अमोल कागणेने घटवले ७ किलो वजन

मनोरंजन क्षेत्रात आपलं नशीब आजमावण्यासाठी अनेक हौशी कलावंत प्रयत्न करीत असतात. एका अभिनेत्यामध्ये अभिनयासोबतच त्याच्या दिसण्या-असण्याला अतिशय महत्त्व असतं. एक यशस्वी निर्माता म्हणून नावाजले गेल्यानंतर अमोल आपलं खरं पॅशन म्हणजेच अभिनयात नशीब आजमावणार आहे.अमोल कागणे हा...

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

जात, धर्म, पत, प्रतिष्ठा यांच्यापलीकडील प्रेमकथा : ‘पिरेम’ ! 

तरुणाई म्हटलं की ओघाने प्रेम हे आलंच. प्रेम ही वैश्विक भावना आहे हे निर्विवाद आहे. शहर, देश, प्रांत वा गाव असा कोणताही भेदभाव न करता ही भावना सर्व ठिकाणी सारखीच असते. प्रेम ही भावनाच इतकी तीव्र असते की त्यापुढे जात, धर्म, पत, प्रतिष्ठा ई. ना स्थान नसते. प्रेमापुढे...

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

ज्येष्ठ समाजसेवक आण्णा हजारेंनी ‘एक होतं पाणी’चे केले तोंडभरून कौतुक

निवडणुकीच्या धामधुमीत अनेक विषयांना राजकारणी हात घालताना दिसताहेत. रोज नवनवीन आश्वासनं ऐकायला मिळताहेत. सध्या मतदार राजा असल्यामुळे मतदाराला विविध प्रलोभनं दाखवून मतपरिवर्तन केले जात असतानाच व्ही.पी.वर्ल्ड मुव्हीज, न्यू टॅलेंट सर्च मुव्हीज , प्रस्तुत डॉ.प्रवीण भुजबळ व...

About The Author