मुळशी पॅटर्न आवडला ना..?? आता लवकरच येईल रेती पॅटर्न.

मुळशी पॅटर्न आवडला ना..?? आता लवकरच येईल रेती पॅटर्न.

 

एखाद्या खेडेगावाची ओळख बदलली, म्हणजे तिथं सरकारनी काही योजना राबवून त्या भागाचा विकास करायचं ठरवलं की कुठल्यातरी गोटातून ही माहिती त्या सगळ्या परिसरात आधीच पोचते. आणि गावाच्या विकासाच्या आधी पुढाऱ्यांच्या फुकट खाणाऱ्या कार्यकर्त्यांच्या हातात आयतं कोलीत सापडतं. आधीच सुरू होतो ह्यांच्या डोक्यातल्या कल्पनांचा विकास. कवडीमोल असलेल्या जमिनी ह्या राजकारण्यांच्या वरधास्तामुळे हे कार्यकर्ते शोधायला लागतात. आणि त्यात सापडतात गरीब, लाचार, असहाय जमिनीचे मालक. त्यांना किरकोळ आमिष दाखवून ही मंडळी ह्या जागा हडप करायला लागतात. आणि मोठमोठ्या जमिनी सत्ताधीशांच्या जवळच्या लोकांच्या मालकीच्या होऊन जातात स्वस्तात. 

ज्या लोकांचा विरोध होतो त्यांना धमक्यातून सरळ केलं जातं. जे त्या धमक्यांना जुमानत नाहीत त्यांना कायमचं संपवलं जातं, पण काहीही बोभाटा न होता. आणि साम्राज्य सुरू होतं जमीन माफियांचं,  कारण वरून वरद हस्त असतो ना…. “”इतके वर्ष डोक्यात फिट झालेला हा विषय डोक्यातून बाहेर आला आणि त्याला कागदावर उतरवला  “प्रवीण तरडे” ह्या मराठीतल्या रावडी कलाकाराने.  त्याच्यावर काढला एक अफलातून चित्रपट ज्याचं नाव “”मुळशी पॅटर्न””. नुकताच रिलीज झालाय हा वेगळ्या विषयावरचा चित्रपट. अकरा दिवसात अकरा कोटी चा गल्ला जमवलाय ह्या चित्रपटानं. आधी हा नावं ठेवला गेलेला चित्रपट, पण आज बॉक्स ऑफिस वर दाखवतोय कमाल. सकाळपासून रात्रीच्या शेवटच्या शो पर्यंत सगळे शोज ‘हाऊस फुल्ल’. 

 

READ ALSO :  तिचं सौंदर्य इतकं लोभस आहे की चित्रपटाच्या ट्रेलर मध्ये 5 सेकंदाचं दर्शन सुद्धा चाहत्यांना मोहून टाकतंय….!

“”प्रवीण तरडे”” म्हणजे एक व्हिलन ला साजेसा चेहेरा मिळालेला मराठी कलाकार, लेखक, आणि आता दिग्दर्शक म्हणून प्रसिद्ध झाला. मुळशी तालुक्यातल्या एका खेड्यात राहणारा हा रावडी कलाकार. “रेगे” ह्या चित्रपटाचं लेखन सुद्धा प्रवीण तरडे ने केलं. अशाच एका असल्याच खतरनाक विषयावर लेखन करून त्याने आणखी एक नवीन चित्रपट काढायची तयारी चालवली आहे. ह्या सगळ्या माफियांना त्याने घडताना पाहिलंय म्हणून हा विषय त्याने अफलातून रंगवला आहे.  ह्या नवीन चित्रपटाचे नाव असणार आहे ” रेती पॅटर्न”  हा नावाप्रमाणे रेती माफियांवर असणार आहे. निसर्गाच्या अमाप संपत्तीवर घाव घालून त्यातून जनतेला लुटणारे हे रेती माफिया प्रेक्षकांच्या समोर  त्यांचे असली रूप उघड करत घेऊन येणार आहे हा नवा चित्रपट. सरकारी यंत्रणेला हे माफिया कशी खिळखिळी करून आपले साम्राज्य कसे वाढवत आहेत हे प्रत्यक्ष आपल्याला बघायला मिळणार आहे. 

मुळशी पॅटर्न मध्ये अनेक दिग्गज कलाकार पाहायला मिळालेत. “”रेती पॅटर्न”” ह्या चित्रपटात कोण कोण असणार हे अजून कळणार आहे. हे दोन्ही विषय असे आहेत की अशा चित्रपटात हिरॉईन चं काही कामच नाही. त्यामुळे प्रवीण तरडे याने एकही हिरॉईनचा डान्स किंवा काहीतरी अंगाचं प्रदर्शन करणारी मुलगी  मुळशी पॅटर्न मध्ये आणली नाही . गाणी जी घेतलीत ती ‘आरारारा आरारार’ असली रावडी धर्तीची आहेत. ‘आयटम सॉंग’ च्या ऐवजी ‘भाईटम सॉंग’ आहे. तसे त्याच्या नवीन ‘रेती पॅटर्न’ मध्ये काय आहे. गाणी आहेत काय? हिरॉईन आहे का? हे अजून गुलदस्त्यात आहे. पण प्रेक्षकांना काहीतरी वास्तव बघायला मिळणार हे नक्की. खोट्या प्रेमाच्या कथे पेक्षा असलं काहीतरी वास्तव बघायला लोक गर्दी करतात हे मुळशी पॅटर्न ने सिद्ध करून दिलंय, मग आता आणखी काही तरी वेगळं बघायला सुद्धा गर्दीच होणार. कारण काहीतरी थ्रील्लिंग असणार. सत्य असणार, जे आत्तापर्यंत आपण फक्त ऐकून होतो. प्रत्यक्ष काय असतं हे माफिया साम्राज्य हे बघायला मजा येईल.

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

‘पळशीची पिटी’ चे दिग्दर्शक धोंडिबा कारंडे यांचे गुरू कोण?

पळशीची पीटी' मधून दिसणार गुरु शिष्यांचा अनोखा मिलाप'लागीरं झालं जी' फेम शीतलीच्या काकाची भूमिका निभावणारे धोंडिबा बाळू कारंडे हे नाव सध्या चर्चेत आहे ते म्हणजे 'पळशीची पीटी' या चित्रपटामुळे. येत्या २३ ऑगस्टला महाराष्ट्रात सर्वत्र प्रदर्शित होणारा 'पळशीची पीटी' हा...

‘पळशीची पिटी’ मध्ये जमली राहुल्या आणि जयडीची जोडी

‘पळशीची पिटी’ मध्ये जमली राहुल्या आणि जयडीची जोडी

मला लय कॉन्फिडन्स हायहा डायलॉग ऐकताच चटकन डोळ्यांसमोर येतो तो म्हणजे राहुल्या. साधा, भोळसट, बोलण्या-चालण्यात एक विशिष्ट ढब असलेला हा राहुल्या उर्फ राहुल मगदूम ( Rahul Magdum ).  'लागीरं झालं जी' मालिकेतून आपल्यासमोर आला. आपल्या विनोदीशैलीने तर कधी हळव्या...

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी मधून किरण ढाणे ची रुपेरी पडद्यावर एंट्री

पळशीच्या पीटी' या सिनेमात किरण ढाणे झळकणार आहे. याच सिनेमातील तिचा एक लूक समोर आला आहे.'जयडी' च्या भूमिकेने घराघरांत पोहचलेली 'राजकन्या' म्हणजेच किरण ढाणेने स्वतःचं असं वेगळं स्थान मनोरंजन क्षेत्रात निर्मीलेलं आहे. लागीरं झालं जी मधल्या अनेकविध शेड्सने प्रेक्षकांच्या...

सोशल मिडियावर ‘नच्या गॉट अ गर्लफ्रेंड’ चा धुमाकूळ

सोशल मिडियावर ‘नच्या गॉट अ गर्लफ्रेंड’ चा धुमाकूळ

सोशल मिडियावर ‘नच्या गॉट अ गर्लफ्रेंड’ चा धुमाकूळबऱ्याच दिवसांपासून नचिकेत प्रधान ‘गर्लफ्रेंड’च्या शोधात असल्याचं तुमच्या कानी आलं असेल. गर्लफ्रेंड कशी असावी? या बद्दलच्या त्याच्या अपेक्षाबद्दल देखील तुम्ही बरंच काही ऐकून असाल. नचिकेतच्या प्रयत्नाला अखेर यश आले असून...

‘मुळशी पॅटर्न’ नंतर प्रविण विठ्ठल तरडे यांचा पुढील चित्रपट

‘मुळशी पॅटर्न’ नंतर प्रविण विठ्ठल तरडे यांचा पुढील चित्रपट

छत्रपतींचे महापराक्रमी योद्धा ‘सरसेनापती हंबीरराव’ या चित्रपटाचा पोस्टर लाँच दिमाखात संपन्नशिवराज्याभिषेक दिना निमित्त हेलिकॉप्टरमधून गड किल्यांचे दर्शन घेत वाहिली शिव छत्रपतींना मानवंदना.हिंदवी स्वराज्याचे सरसेनापती हंबीरराव मोहिते यांच्या पराक्रमाची आणि जाज्वल्य...

About The Author